أنا خلاص يومين وهبدأ الاجازه
حاسه إني تايها جداً ومش عارفه إزاي أستغل الاجازه صح
عاوزه أعمل فيها حجات ڪتيره اوي
زي إني أبدأ حفظ قرآن من تاني
أتعلم لغه الاشاره
أتقن أڪتر من هوايه الڪاتبه لاني بڪتب خواطر بس عاوزه بعض التنظيم
مش عارفه إزاي أبدا من ده ڪلو
لان التعفن الدماغي واخد ڪل المساحه
السوشيال ميديا واخده ڪل وقتي مع إني ببقي ڪرها الوقت إلي بقعد عليه فيه
فيدوني أرجوڪم
السلام عليكم، إن شاء الله ربنا يوففك وتقدري تستغلي الإجازة وكل أوقاتك الجاية بشكل صحيح. اول حاجة، أعيدي برمجة أفكارك.. عقلك الباطن بيصدق الأفكار اللي بتكرريها عليه... فبلاش الأفكار السلبية زي إنك مش قادرة تنتظمي أو مش هقدر أبدأ أو إن التعفن الدماغي واصل لمرحلة كبيرة. أيوه ممكن حصل بسبب استهلاكك للريلز والسوشيال ميديا لكن بلاش تضعيه في بالك وتركزي عليه أو تحوليه في عقلك الباطن لمشكلة حقيقية صعب التخلص منها. ** أنتِ جميل إن عندك أفكار كتيرة وحاجات عاوزة تتعلميها بس مشكلتك إنك بتبصي على كل ده مرة واحدة وشايفة حاجات كتيرة قوي مش عارفة هتعمليها امتى وازاي. طبيعي لما تشوفي جبل ضخم قُدامك هتخافي تاخدي أول خطوة في صعوده. *** الحل إنك تبدئي ولو بخطوات صغيرة. كده كده اليوم بيمر بسرعة فالخطوات الصغيرة اليومية في وقت قصير هتتراكم وتلاقيكِ أنجزتِ أكتر مما كنتِ متخيلة وعلى عكس الوضع الحالي اللي ما زلتِ فيه واقفة مكانك. ***** شوفي إجابتي على السؤال ده فيها نصائح مهمة لتحديد الأهداف حسب الاولوية وتنظيم وقتك وخطة أهدافك. https://www.fedni.net/q/57759572/كيف-أحس-ن-استغلال-الإجازة-الصيفية مهم جدا: بلاش موبايل أول ما تصحي من النوم... موبايل أول ما تصحي = يوم ضائع غير منظم. اتبعي التخطيط اليومي واكتبي مهامك اليومية قبل النوم أو اول ما تصحي. ابعدي عن المثالية والتوقعات غير الواقعية... يعني متقوليش هحفظ جزء قرآن في أسبوع... ممكن ده فوق طاقتك حاليا.. فالأفضل تقولي مثلا هدفك حفظ ٣ أو ٥ آيات في اليوم. خصصي ولو عشر دقائق يوميا للقراءة هتساعدك في مقاومة التعفن واسمعي بودكاستات طويلة بدون ما تسرعيها، ده تدريب، صعب في الاول بس هيدرب عقلك ويزود مدة تركيزه. دي شوية نصائح أرجو تفيدك، ولو عندك أي سؤال اكتبي لي في التعليقات. بالتوفيق.💚💚
تم النشر الأربعاء، ٢٤ يونيو ٢٠٢٦
وعليكم السلام ورحمة الله وبركاته يا تقي، أول حاجة أحب أقولها لك إن شعورك ده طبيعي جدًا، خاصة لما الإجازة تيجي بعد فترة ضغط أو روتين، والدماغ بيحس إنه "تايه" بسبب السوشيال ميديا اللي بتسرق الوقت والتركيز. أنتِ مش لوحدك في المعاناة دي، وإنكِ واعية بالمشكلة دي خطوة كبيرة جدًا نحو التغيير. خلينا نبدأ بخطوات عملية وواقعية عشان ما تحسيش بالإرهاق من كتر الأهداف. أول حاجة، ركزي على حفظ القرآن كأولوية أولى لأنه هيملى قلبك راحة وهيبقى مصدر قوة لكِ في باقي الأنشطة. ابدئي بخطة بسيطة: كل يوم صفحة واحدة أو آيات قليلة مع التكرار، واستخدمي تطبيق بسيط للتسجيل عشان تتابعي تقدمك. ده هيقلل من "التعفن الدماغي" تدريجيًا لأن القرآن بيجدد التركيز. بالنسبة للكتابة وتنظيم الخواطر، ابدئي بدفتر صغير أو ملاحظات يومية: كل يوم اكتبي ٣ خواطر قصيرة بدون ما تفكري في الكمال. بعد أسبوع، راجعيها ورتبيها في مواضيع (مثل: أفكار إيجابية، تأملات). ده هيخليكِ تشوفي تقدمك ويحفزكِ. أما تعلم لغة الإشارة، فخليه هدف ثانوي في البداية عشان ما تتشتتيش. ابدئي بـ١٥ دقيقة يوميًا بعد أسبوعين من الإجازة، باستخدام فيديوهات بسيطة على يوتيوب أو تطبيقات تعليمية. للسوشيال ميديا، جربي قاعدة "الساعة الذهبية": أول ساعة بعد الاستيقاظ وبعد العشاء بدون موبايل، واستبدليها بقراءة أو كتابة. وحددي وقت محدد (مثل ساعة واحدة يوميًا) واستخدمي خاصية "وضع التركيز" في التليفون. ابدئي بخطة أسبوعية بسيطة: ٣ أيام تركزي فيها على القرآن والكتابة، ويومين على مهارة جديدة. وكل أسبوع قيمي نفسكِ بلطف. لو حسيتِ إنكِ محتاجة أفكار إضافية، ابحثي عن أسئلة مشابهة على فدني عشان تشوفي تجارب الآخرين. أنتِ قادرة، وهتستغلي الإجازة دي بطريقة مريحة ومفيدة إن شاء الله. لو عايزة تفاصيل أكتر عن أي هدف، قوليلي! 💛
تم النشر الأربعاء، ٢٤ يونيو ٢٠٢٦
أي حاجه الإنسان عاوز يتعلمها اختصارها بيكون في نقطتين ١-الطريقة ٢- الاستمرارية، فقط ، هتحفظي قرآن اعرفي طريقة الحفظ والطريقة المعروف هي *التكرار* وحددي وقت معين ٥ أيام في الأسبوع مثلًا كل يوم حوالي نصف صفحة أو زي ماتحددي والوقت يكون ثابت مثلا بعد العصر أو بعد الفجر ساعه أو أكتر أو أقل زي ما تحبي بردو ، ودماغك هتتنظم إن الوقت ده للحفظ ، وبكده هتكتسبي عادة جديده . وهكذا مع باقي الأشياء اللي عاوزة تتعلميها 💌
تم النشر الخميس، ٢٥ يونيو ٢٠٢٦
جزاك الله الجنه
تم النشر الأربعاء، ٢٤ يونيو ٢٠٢٦
طبيعى الاحساس ده ما الشيطان هيحارب عشان متعمليش حاجه مفيده .. لو ليا نصيحة ف ممكن تشوفى صديقة لك عندها نفس الاهداف وتبداو تشجعو بعض
تم النشر الأربعاء، ٢٤ يونيو ٢٠٢٦
أنا فعلاً بحاول بس بجد مش عارفه أبدا ازاي شعور الانتگاسه في اي حاجه متابعني
تم النشر الأربعاء، ٢٤ يونيو ٢٠٢٦
ابدأى ف حاجه واحده وهتلاقى الباقى جاى تباعاً .. ممكن البداية من حفظ القرآن فى قنوات تليجرام للسيدات مجانى للحفظ والمراجعه وفيه اكاديميات برضو مدفوعه شوفى اللى يناسبك وابداى
تم النشر الأربعاء، ٢٤ يونيو ٢٠٢٦
لعرض السؤال في فدني اضغط هنا