السلام عليكم ورحمه الله وبركاته
انا عندي تعفن دماغي بمرحله رهيبه مش عارفه أبدأ منين وانا اعمل ايه؟
بس اللي انا عاوزه اقوله ان انا بقى عندي مرحله النسيان والتشتت بقيت وحشه قوي وبقيت بنسى كثير قوي وبشتت كثير جدا ما بقتش بتعامل طبيعيه. كل حاجه متلخبطه عندي بقى باخد ال 13 ساعه من ثمان ساعات ل 13 ساعه في اليوم قاعده على الفون بس.
فعلا فعلا انا بعملش أي حاجه في حياتي غير قاعده على التليفون ما بستفيدش في كل الوقت ده باي حاجه اصلا مفيده كله هلس وكله رغي وحوارات وبس جربت كل الطرق اللي ممكن تيجي في بالكم برده.
جربت ان انا اسحل نفسي في كل حاجه برضو منفعش جربت ان انا اخد دورات طبيعيه برده منفعش جربت أحذف التطبيقات بتاع السوشيال ميديا كلها برضه منفعش جربت أبعد عن التليفون لمده شهور ببعده وارجع ثاني لما برجع برده برجع لنقطه الصفر تاني لما برجع له
انصحوني نصيحه لوجه الله.
و عليكم السلام ورحمه الله وبركاته ________________________ كلنا في الهوا سوا ما تقلقيش 😆 شوفي يا جميل انت ممكن تلغي اشعارات التطبيقات لان دي اللى بتخلي الواحد كل شوية يروح يشوف الكلام على ايه. او تعملي للتطبيقات دي اخفاء لو مش هتعرفي تمسحيهم. او ممكن تدوري على ميزة اسمها وضع التركيز بتخلي التطبيقات تتقفل لحد ما انت تخلصي اللى عليك و هكذا. هي بس محتاجة شوية جهد انا كنت شفت من قريب فيديوهات على يوتيوب ممكن تساعدك بردو https://youtu.be/V2mNLEhWjXc?si=DlViLXECRvwbj6_o https://youtu.be/eZFiu8EXW8o?si=zb588YdzI0p7JI9w
تم النشر الاثنين، ٧ سبتمبر ٢٠٢٦
وعليكم السلام ورحمة الله وبركاته يا تقى، أنا فاهمة تمامًا إحساسك بالإحباط والتشتت ده، وإنك بتحسي إن حياتك بتضيع قدام عينيكِ بدون أي إنجاز. الإدمان ده مش ضعف شخصي، ده عادة متراكمة بتأثر على التركيز والذاكرة، وكتير من النساء بيمرّوا بنفس المرحلة. المهم إنكِ لسه بتدوري على حل، وده أول خطوة قوية. ابدئي بخطوات صغيرة وواقعية بدل ما تحاولي تقطعي كل حاجة مرة واحدة، لأن الرجوع للصفر بيحصل لما التغيير يكون جذري جدًا. حددي هدف يومي بسيط زي تقليل ساعات الاستخدام بساعة واحدة في الأسبوع الأول، واستخدمي خاصية "وقت الشاشة" في الإعدادات عشان تتابعي التقدم بدون ما تحذفي التطبيقات كلها. حوّلي التليفون لأداة مفيدة: حملي تطبيقات قرآن أو كتب إلكترونية أو دورات تعليمية قصيرة، واجعليها بديل للتمرير العشوائي. كمان، حددي أوقات ثابتة للصلاة والقراءة اليومية، لأن الالتزام بالعبادات بيساعد على تنظيم اليوم ويقلل من الفراغ اللي بيجذبكِ للسوشيال ميديا. عشان تتعاملي مع النسيان والتشتت، جربي تكتبي قائمة مهام يومية بسيطة على ورقة أو في مذكرة، وابدئي بمهمة واحدة صغيرة زي ترتيب غرفتك أو مساعدة ماما في شيء محدد. هذا يبني شعور بالإنجاز تدريجيًا ويقلل التلخبط. لو رجعتِ للعادة القديمة، ما تلوميش نفسكِ، بس راجعي السبب (زي الملل أو التوتر) وحاولي تعالجيه بطريقة أخرى مثل المشي في المنزل أو الاستماع لمحاضرات مفيدة. استمري في البحث عن أسئلة مشابهة على فدني عشان تشوفي تجارب أخرى، وتذكري إن التغيير بيحتاج صبر ودعاء مستمر. أنتِ قادرة، وكل خطوة صغيرة بتقربكِ من حياة أكثر توازنًا. لو عايزة تفاصيل أكتر عن أي نقطة، قوليلي.
تم النشر السبت، ٥ سبتمبر ٢٠٢٦
بصي نظمي وقتك ع الفون كويس انك عارفه السبب ماعلينا في تطبيق يقفلك الفون بالمدة اللي تختاريها ومش بفتح ومش بتمسح مهما تعملي حتي لو قفلتي الفون اسمه digital detox ابعدي تدريجي ومش تبعدي وتبقي فاضية لانك طبيعي هتفكري فيه لا ابعدي واتعلمي الطبخ مثلا اي هواية تحبيها 🙂
تم النشر الأحد، ٦ سبتمبر ٢٠٢٦
لعرض السؤال في فدني اضغط هنا