كيف أتعامل مع محاولات زميل في الكلية للتقرب مني والتواجد في محيطي، وكيف أحمي نفسي من الفتن؟

السلام عليكم ورحمة الله وبركاته

أنا طالبة في أولى جامعة وحافظة القرآن ومنتقبه بفضل الله للأسف جامعتي مختلطه ولكن كانت هي الأقرب بالنسبالي بقالي بالظبط شهرين بروح الجامعه وفي البداية الدنيا كانت كويسه لإني كنت في حالي وشايفه الاختلاط والعبث اللي بيحصل ولكن فاصله عن كل ده ويحاول أحافظ على قلبي .. لما كنت بشوف شاب ملتزم ظاهريًا كان بلفت انتباهي ولكن خلاص شخص وعدى مجرد لفت نظر فقط و عندي معامل كيميا وغيره وده يرجع لطبيعة كليتي ..

ف الأسبوع اللي فات كنت خارجة من المعمل لسبب ما ولقيت شخص ظاهر عليه الالتزام قدام الباب بالظبط ويتكلم في الموبايل و حصل نظر بس أنا روحت عملت الحاجه اللي كنت خارجه علشانها ونسيت الموقف إلا إن الشخص تأثر بالموقف وشكله فكرني بحبه .. ولما المعمل بدأ في تجارب بنعملها وكل واحد بيكون واقف في مكان محدد ليه وفي مكان بيكون فيه المواد اللي يستخدمها وفي الغالب بيكون زحمة ومختلط ف الشخص ده حاول يقرب مني وكان بيتواجد في المكان اللي أنا فيه وكنت بغسل أدواتي في حوض جه عند نفس الحوض ده مع إن جنبه حوض جه وقف قدامي بالظبط وأنا مشيت بسرعه أول ما جه ..

والنهاردة بردو كنا كلنا واقفين قدام المعمل عشان ندخل لما المعمل يتفتح صحابه كانوا جايين في اتجاهي راح سلم عليهم ووقف جنبي روحت مشيت بردو بسرعه وقفت بعيد وقابلت صحبتي أخدتها ومشيت بعيد ولما رجعت عشان أدخل المعمل كان باين عليه إنه متضايق من تصرفات ولما دخلت وبدأنا في التجارب بردو حاول يكون في المكان اللي أنا فيه ..

أي حد ملتزم حقيقي وبيتقي الله بيبعد عني مش بيقرب أما ده بيقرب وقلبي واجعني أوي لإني يعاني علشان قلبي يرجع ويتصلح من بعد الفتن دي .. وأنا مابدأتش أركز أو أحس بتوتر إلا لما هو قرب كده مع إنه ما اتكلمش ولا كلمه بس أنا بلاحظ التصرفات اللي حواليا وقلبي واجعني أوي من الفتن دي بجد وفي نفس الوقت بقيت حابه وجوده وبدور عليه مع إني عارفه إن ده حرام

سؤال من أحد أعضاء فدني

تم النشر الأحد، ٢٢ نوفمبر ٢٠٢٦

3 إجابة

بصي يا بنت الحلال خديها من الآخر وبكل بساطة المظهر لوحده مش مقياس واللي بيخاف ربنا بجد بيحترم حدوده ومش بيحوم حوالين حد بدون داعي وقلب الشيطان دايما بيضخم المواقف العادية ويحولها لفتنة وانتي لسه في أول سنة وطبيعي تتلخبطي في جو جديد بس طول ما انتي عارفة الصح من الغلط متديش لعينك ولا لقلبك فرصة يسرحوا ورا اوهام خليكي في حالك وفي دراستك وادعي ربنا يثبتك ويحفظ قلبك ومتشغليش بالك بحد متكلمش ولا قال حاجة وركزي في مستقبلك

تم النشر الأحد، ٢٢ نوفمبر ٢٠٢٦


السلام عليكم، متشغليش بالك بتصرفاته وتجاهلي الموضوع تماما. عارفة ممكن يكون صعب، بس طريقة تصرفك (لو هو فعلا قلصد التواجد في محيطك) بتوصل له إنك واخدة بالك من تصرفاته وبدأتِ تتأثري بها فمفيش مانع يستمر بالمحاولة لحد ما تستجيبي. لو تعاملت مع الموضوع بهدوء وتجاهل ومن غير تصرفات توصل له إنك بتتهربي من المكان اللي هو فيه وركزت على المهمة اللي في إيدك سواء سماع محاضرة او شغل معمل وتتعاملي ببرود تام ومن غير توتر او حرج هيوصل له في النهاية إنه مش فارق معك ولا بتتأثري بمحاولات لفت نظرك فهيبطل. غضي بصرك وركزي على محاضراتك واشغلي نفسك بأي حاجة تاخد كل تركيزك في الوقت اللي بتلاقيه بيحاول يقرب. وادعي ربنا يثبت قلبك ويصرف عنك كل الفتن ويبعد عنك كل سوء. وبرمجي عقلك إن كل اللي بيحصل ده لعب عيال أصلا وإعجاب الجامعة ومحاولات لفت الأنظار وكل ده حاجات عابرة مش لازم تخليها تاخد أكبر من حجمها في حياتك ولا تتركيها تأثر على دراستك ومستقبلك. بالتوفيق.💚

تم النشر الأحد، ٢٢ نوفمبر ٢٠٢٦


وعليكم السلام ورحمة الله وبركاته. أختي الكريمة، أولاً أحييكِ على حرصك الواضح على قلبك وعلى حفظك للقرآن ونقابك، فهذا جهاد كبير في بيئة مختلطة. ما تصفينه طبيعي جدًا من الناحية النفسية والاجتماعية: الشاب يظهر التزامًا ظاهرًا، وأنتِ فتاة ملتزمة، فهذا يجعله يشعر بالأمان والانجذاب نحوكِ، فيحاول التواجد قريبًا منكِ دون كلام مباشر. هذا السلوك غالبًا ما يكون محاولة للتقرب التدريجي، سواء كان واعيًا أو غير واعٍ. لكن الأهم الآن هو قلبكِ أنتِ. أنتِ لاحظتِ أن وجوده بدأ يؤثر عليكِ، وهذا إشارة واضحة من قلبكِ أن الوضع يحتاج إلى حماية فورية. الفتنة لا تبدأ دائمًا بالكلام، بل بالنظر والتواجد المتكرر، وأنتِ تعرفين ذلك جيدًا. لذلك، استمري في الابتعاد السريع كما تفعلين، ولا تشعري بالذنب من تصرفاتكِ. هذا ليس جفاءً، بل حماية لنفسكِ. من الناحية العملية، حاولي تغيير أماكن وقوفكِ في المعمل قدر الإمكان، وإذا اضطررتِ للوقوف في مكان معين فاجعلي صحبتكِ بجانبكِ دائمًا. وفي الوقت نفسه، زدي من أذكاركِ ودعائكِ أن يصرف الله عنكِ الفتنة، وأن يقوي قلبكِ. كلما شعرتِ بالميل، تذكري أن هذا الشعور مؤقت، وأن الحفاظ على قلبكِ أغلى من أي شعور عابر. أنتِ لستِ مخطئة في ملاحظتكِ، بل أنتِ واعية، وهذا نصف الطريق. استمري في التركيز على دراستكِ وذكر الله، وستجدين أن قلبكِ يهدأ تدريجيًا. يمكنكِ البحث عن أسئلة مشابهة على فدني لتري تجارب أخريات وكيف تعاملن مع الموقف.

تم النشر الأحد، ٢٢ نوفمبر ٢٠٢٦

0 تعليق

لعرض السؤال في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.