دلوقتي انا بيحصلي حاجه غريبه انا كل ما اجي أكل الاقي شعر كتير ف طبقي مع ان أهلي كلهم بيبقو بياكلو من نفس الاكل بس الشعر بيبقا ف طبقي انا بس، وبقالي حوالي أسبوعين كل شويه احلم ب كوابيس وحلمت خير اللهم اجعله خير اني ملبوسه من ٣ وكانو بيغصبوني اعمل حاجات مش بإرادتي ومكنتش عارفه اتحكم ف نفسي خالص،
الموضوع دا بدأ يحصل لما بقيت اقرأ اذكاري كل يوم، وزمان من حوالي سنتين كان دايما بيحصل معايا حاجات من العالم الاخر يعني كنت بحس ان حد بيلمسني والحقيقه ان مفيش حد بيلمسني بجد ومره اتحدف عليا توكه لما كنت واقفه قدام المرايه وكنت بدوخ لما بصلي بس بعدين الحاجات دي خفت خالص بس من ساعه ما بقيت بقرأ القرآن اكتر وبصلي قيام الليل الحاجات دي رجعت شويه تاني، واصلا بيتنا فيه حاجات غريبه بتحصل مع كلو بس انا اكتر واحده متضرره.
السلام عليكم، التزمي بقراءة الرقية الشرعية يوميا وشغليها في البيت، وكمان اقرئي سورة البقرة كل يوم ومتوقفيش مهما حسيتِ بتعب أو الأعراض زادت، ده بيحصل عشان توقفي الرقية وأذكار الحفظ.. امشي كذا شهر ومتوقفيش مهما تعبتِ، الأعراض هتقل مع الاستمرار على الرقية وسورة البقرة. ولو عرفتِ تتابعي مع شيخ مختص (مش دجال) فاعملي ده بحيث تكون فيه متابعة على نظام، ساعات ممكن يتطلب تمشي على رقية شرعية لمدة أيام مع شرب ماء مقروء عليه قرآن أو الاغتسال بماء مقروء عليه وبعدها عمل حجامة، على حسب الخطة العلاجية اللي يقترحها. المهم، لو بدأت قراءة القرآن والأذكار متوقفيش لأن ده هيخلي الوضع أسوأ وبيزود المشكلة. وشغلوا سورة البقرة كل يوم في البيت عشانك وعشان البيت كله طالما بتقولي كل البيت فيه حاجات غريبة. وأهم حاجة، لازم تتيقني من حفظ ربنا وإنه أقوى من أي سحر أو شخص عاوز يؤذيك وإنه قادر يشفيك ويبعد أي أذى عنك، ورددي كتير ذكر (حسبي الله ونعم الوكيل) و(الله خيرٌ حافظا ونو أرحم الراحمين) وإن شاء الله ربنا يحفظك ويبعد عنك كل أذى.
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا