انا في حاجه مكسوفة اسمع نصيحة حد من اهلي فيها ..انا وانا ف تدريب الجامعة كنت قاعدة انا وصاحبتي وشوفنا حد بيعمل حاجات مش كويسة ف الشارع والمنظر بجد كان مؤذي اويي ليا وليها ...والفكرة أن هو كان بيعمل كده قدام مدرسة كلها بنات وانا صراحه معرفتش اتصرف أو خوفت ..ف ايه انسب تصرف ف الموقف ده ..لاني قولت من ستر مسلماً ستره الله يوم القيامة بس ف نفس الوقت خايفة اكون سبت واحد ممكن يإذي حد تاني بطريقة مختلفة ..ف ايه احسن تصرف لو قابلني موقف زي ده تاني!!
السلام عليكم، معلش إنك تعرضت للموقف المؤذي ده، إن شاء الله ميتكررش. متندميش على تصرفك أو حتى شلل تفكيرك وقتها وعجزك عن اتخاذ القرار الصحيح. المواجهة المباشرة خيار صعب وممكن تضرك لأن الأشكال دي معندهاش ضمير ولا حياء، فاعتقد أفضل شيء إنك تكلمي أمن المدرسة لو موجودين أو حتى الإدارة بحيث ياخدوا الاحتياطات اللازمة، في حال كان ده سلوك متكرر منه أو من غيره. لو تجاهلوا الموضوع فخلاص أنت عملت اللي عليك. وربنا يعينك على نسيان الموقف ويحفظ البنات من أذى الأشكال دي.
تم النشر الخميس، ٢٩ أكتوبر ٢٠٢٦
هو كان شايفكم ولا كان مع حد ولا الشارع فاضي؟ وبعدين حاولي تغضي الطرف عن اي حاجه زي دي لان بتحصل كتير وفي ناس معندهمش ضمير ولا ذمه وكمان بيكونو فخورين بالقرف دا ف افضل تصرف التجاهل وفن التجاهل دا من اروع حاجه بتخلي الشخص اللي قدامك يكون خايف ومحتار وهيتجنن علشان بس تبصله
تم النشر الخميس، ٢٩ أكتوبر ٢٠٢٦
أولاً، أقدر جداً إحساسك بالحيرة والخوف في الموقف ده، وكمان تقديرك للستر الإسلامي. ده يدل على قلبك الطيب والواعي، ومش غلط إنك تفكري في التوازن بين ستر المسلم وحماية الآخرين. اللي حصل كان موقف صعب ومؤذي، خاصة إنه قدام مدرسة بنات، وده بيخلي الأمر أكثر حساسية. من الناحية الإسلامية، حديث "من ستر مسلماً ستره الله يوم القيامة" ينطبق أكثر على الذنوب الخاصة اللي مش بتؤذي الغير. لكن لما يكون الفعل علني وفيه إيذاء محتمل للآخرين (خصوصاً قدام مدرسة فيها بنات صغيرات)، فالأولوية بتكون لحماية المجتمع والأمن. الستر هنا مش معناه السكوت التام لو فيه خطر على الناس. التصرف الأنسب في موقف زي ده لو حصل تاني: لو الموقف فيه خطر مباشر أو جريمة واضحة، حاولي تبلغي الجهات المختصة بطريقة آمنة (مثل الاتصال بالشرطة أو إدارة المدرسة) بدون ما تواجهي الشخص بنفسك، عشان سلامتك أولوية. لو خايفة من المواجهة، ممكن تبلغي بشكل غير مباشر أو من مكان آمن، وده مش هيعتبر فضح بل حماية. لو الموقف مش فيه خطر فوري، ممكن تنصحي الشخص بلطف لو أمكن، لكن في حالتك كان المنظر مؤذي ومخيف، فالإبلاغ هو الأفضل. في المرات الجاية، حاولي تقيمي الموقف بسرعة: هل فيه أمان للإبلاغ؟ هل فيه شهود أو جهات قريبة؟ وتذكري إن الخوف طبيعي، وإنك بتفكري في الخير ده شيء إيجابي. لو عايزة تتكلمي أكتر عن مشاعرك أو مواقف مشابهة، أنا هنا. ولو حابة تشوفي آراء أخرى، ممكن تبحثي عن أسئلة مشابهة على فدني.
تم النشر الخميس، ٢٩ أكتوبر ٢٠٢٦
ضروري تصوريه بطريقة دون لفت نظره وارسالها على صفحة وزارة الداخلية بدون واطمني هيكون في سرية ودا ل يجوز معاه الستر لانه بيجهر بالمعصية ولابد من محاسبته
تم النشر الخميس، ٢٩ أكتوبر ٢٠٢٦
لعرض السؤال في فدني اضغط هنا