كيف أتجاوز ألم الشعور بالظلم واستقرار حياة الظالم بينما تتوقف حياتي؟

ازاي نتجاوز وننسي ان الظالم عايش حياته والمظلوم حياته بايظه الي حد ما مش ماشيه تعبان نفسيا من كونه مركز مع حياته وشايفها ماشيه وهو حياته واقفه

عارف ان ربنا يمهل ولا يهمل وان ربنا شاهد وعالم بس ف احساس وجع

حاولت كتير انسى شغل ، ذكر ،عباده بس قلبي وجعني مش قادر اتخطي .

سؤال من أحد أعضاء فدني

تم النشر الثلاثاء، ١٧ نوفمبر ٢٠٢٦

3 إجابة

السلام عليكم، عارفة الموضوع صعب جدا ومقدرة إحساسك. محتاجة تسلمي الأمر كله لربنا. الذكر والعبادات مش بس باللسان والحركات، لازم قلبك يكون حاضر وخاضع وترضي من جواك وتتيقني إن ربنا عدل فعلا وحقك عند ربنا محفوظ مش هيضيع. قلبك هيبطل يتوجع لما ترضي من جواكِ فعلا بقدر ربنا وتطمني إن حقك محفوظ وإن اللي ظلم أكيد هيتعاقب، مش مهم بقى تشوفي عقابه في الدنيا أو في الآخرة، المهم تثقي إن ما دام مظلومة ودعيتِ فدعوتك مفيش حجاب بينها وبين ربنا، **** وخدي بالك إن ممكن حياتك تكون واقفة عشان مركزة على حياته ومنتظرة امتى هييجي انتقام ربنا. مش قصدي بمركزة على حياته إنك بتحقدي أو كده، قصدي عايشة في توتر وضغط وقلق في انتظار إن حياته تتخرب فيعني كده إنه تعاقب، مع إن ممكن نجاحه وانفتاح الحياة قدامه ده العقاب والابتلاء، "إن الله عز وجل يملي للظالم فإذا أخذه لم يفلته" *** ركزي على حياتك أنتِ، ابدئي شوفي ليه فيه مشاكل في حياتك وإزاي تبدئي تشتغلي على حلها وتوكلي على الله والدنيا هتمشي متخافيش. اقرئي سورة البقرة كل يوم وإن شاء الله ربنا يرزقك بركتها في حياتك. وصدقيني لو بطلتِ تركزي على الشخص ده وانتظار الانتقام هترتاحي وحياتك هتمشي. استعيني بالله، ولا تترددي تستعيني بمختصة نفسية تساعدك بخطوات عملية تخرجي من الحالة دي بسلام. وربنا معك ويريح قلبك.💚💚

تم النشر الثلاثاء، ١٧ نوفمبر ٢٠٢٦


بصى كنت قريت قبل كده تخيلي حد ربنا سابه يكمل كتابة فى الكشكول بتاعه و بعدين قطعه له، مش شرط العقاب ينزل فى نفس اللحظة و عن تجربة ركزى فى اللى وراكى و فى أهدافك و متجبريش نفسك تنسى علشان عقلك هيقاوم شوفى فعلا اللى وراكى علشان تنجحى هتلاقى حقك بيجيلك بدون ما تدورى وراهم أساسا

تم النشر الأربعاء، ١٨ نوفمبر ٢٠٢٦


أختي العزيزة، أشعر بوجعك العميق وأنتِ تكافحين لتجاوز هذا الإحساس بالظلم، حيث يبدو أن الظالم يعيش حياته بينما حياتكِ توقفت أو تأثرت سلبًا. هذا الشعور طبيعي تمامًا في مثل هذه المواقف، وهو يعكس حساسيتكِ وإنسانيتكِ، لكن الله سبحانه وتعالى يعلم أن الإمهال ليس إهمالًا، وأن العدل الإلهي سيأتي في وقته المناسب، سواء في الدنيا أو الآخرة. المهم الآن هو كيف نعالج هذا الوجع القلبي الذي يمنعكِ من التقدم. ابدئي بخطوات عملية تركز على إعادة بناء حياتكِ الداخلية والخارجية. اجعلي يومكِ يحتوي على أهداف صغيرة ومحددة، مثل تعلم مهارة جديدة أو تطوير جانب من جوانب عملكِ أو دراستكِ، حتى تشعري بالتقدم الشخصي بعيدًا عن التركيز على الآخر. كذلك، زدي من الدعاء المباشر بطلب الشفاء والعدل، مثل "اللهم أبدلني من الهم فرحًا ومن الضيق مخرجًا"، مع الاستمرار في العبادات التي جربتِها لكن بطريقة أعمق، كالصلاة بخشوع أكبر أو قراءة القرآن مع التدبر في آيات الصبر والفرج. هذا يساعد على تحويل الطاقة السلبية إلى قوة روحية. تذكري أن التجاوز لا يعني النسيان الكامل فورًا، بل يعني تقليل تأثير هذا الشعور على حياتكِ تدريجيًا. إذا استمر الوجع بشدة، فكري في استشارة متخصص نفسي موثوق ليساعدكِ على معالجة الجوانب العاطفية بشكل أعمق، مع الحفاظ على توازنكِ الروحي. ابحثي أيضًا عن أسئلة مشابهة على فدني لتستفيدي من تجارب الآخرين. أنتِ قادرة على الشفاء، وستجدين الراحة بإذن الله مع الوقت والجهد المستمر.

تم النشر الثلاثاء، ١٧ نوفمبر ٢٠٢٦

1 تعليق

يكفيك أن الله شاهد عليك وعلى من ظلمك .. قال ﷺ (اتقوا دعوة المظلوم؛ فإنها تحمل على الغمام، يقول الله : وعزتي وجلالي لأنصرنك ولو بعد حين)

تم النشر الثلاثاء، ١٧ نوفمبر ٢٠٢٦

أسئلة ذات صلة

لعرض السؤال في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.