في ذنب مش عارف ابطلو خالص حد يفيدني بالله عليكم
في مقولة جميلة جدا فيما معناها اننا منحتقرش الذنوب والمعاصي ونحط ف بالنا إننا بنعصي الله عز وجل " ولكن انظر لعظمة من عصيت" ..... كداب اللي يقولك لازم تبطل ذنوب لأننا بشر والغفور من اسماء الله لأنه يعلم طبيعتنا كبشر ... النصيحة هنا حاول جاهدا انك تقلل بقدر الإمكان من صغائر الذنوب وإياك اياك والكبائر واتبع السيئة الحسنة تمُحها ..... اكثر من التوبة والاستغفار والأعمال الصالحة وأدعو الله أن يكرهك في الذنب ده وغيره
تم النشر الخميس، ١٥ أكتوبر ٢٠٢٦
لازم تعرف اي اللي بيوقعك فيه واقطع أسبابه واقفل بابه لأن الذنب وقوعك فيه له محفز او مؤثر خارجي بيخليك تقع فيه وبعدها تندم وتكره نفسك وأفكارك الداخليه و شيطانك بيستغلوا الوقت دا انك وحش و ضعيف لحد ما تنسي إن في توبه وأنك لازم تتوب لربنا ومن هنا بتبدأ ضعف الإراده ونفسك تقولك إنك كدا كدا إنسان ضعيف ،،، لازم تقفل الطريق اللي بيخليك ترتكب الذنب قاوم رغبتك بارتكاب الذنب حاول تقول انك اقوي لو اديتك مثال لو انت قاعد مع مجموعه بيجيبوا سيرة الناس ونميمه وغايبه وانت. تغتاب معاهم وملّيت من ارتكاب الذنب دا وعاوز تتوب امشي وسيبهم كدا قفلت طريق بيخليك ترتكب ذنب هتقوم وتقع وتقوم وتقع لحد ما تنسي ارتكاب الذنوب بس التوبه مهمه ما تيأسش مهما ارتكبت الذنب عود توب ربنا بيغفر الذنوب ولو كانت مثل زَبَد البحر وأمرنا بعدم اليأس (لا تقنطوا من رحمة الله) ربنا بيحب التوابين افتكر نعم ربنا عليك اللي سترك تحت سقف المعصيه قادر يسترك ويغفر لك لو رجعتله بنيه صادقه فمتخليش التمادي في المعاصي اكتر حاول قد ما تقدر تتوب مهما كنت مخنوق أوعك تخلي الصغائر تبقي كبائر يوم ما قرب من ربنا اكثر صلاتك ثم صلاتك لو راحت منك حياتك هتبقي جحيم لا بركه ولا حياه هتبقي عايش ميت قرب من ربنا ما تعصبهوش حاول تجاهد نفسك عارف حضرتك انا بحبّ ايتين من القران جدا بتفكرني قد اي الانسان صغير مهما بلغ من المال والعلم هيجي يوم نرجع لرب العباد ومش هينفع الانسان إلا ما قدم افتكر آخر ايه نزلت في القران ﴿وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ﴾ اتمني ما كنتش طولت لكن استَحِ من كرمه وارجع له وافتكر انه ربنا وعدنا انه من خاف مقامه له جنتان دور علي الاخره دنيا فانيه فمتخليش شهوه دقيقه تضيع عمر كامل وجنه كان بإيدك تدخلها ما تيأسش لو قفلت باب الذنب تقدر تقلل حدوثه بس ما تيأسش من التوبه اياك واليأس
تم النشر الجمعة، ١٦ أكتوبر ٢٠٢٦
أخي الكريم، أولاً أحب أؤكد لك إن شعورك بالندم والرغبة في التوقف ده دليل على إن قلبك لسه فيه خير، وربنا سبحانه وتعالى يحب العبد اللي بيحاول ويرجع له حتى لو وقع مرات كتير. الذنب اللي مش قادر تبطله مش نهاية الطريق، وكتير من الناس مروا بنفس الشعور ونجحوا يتغلبوا عليه بالصبر والخطوات العملية. ابدأ بخطوة التوبة الصادقة دلوقتي، قول لربنا إنك نادم وهتجاهد نفسك، وادعيه بصدق إنه يعينك ويبعد عنك الذنب ده. بعد كده، حاول تفهم الظروف اللي بتدفعك للذنب (زي وقت معين أو مكان أو شعور معين) وعمل خطة بسيطة تتجنبها، مثلاً لو الذنب مرتبط بوقت فراغ، املأ وقتك بصلاة أو قراءة قرآن أو رياضة أو أي حاجة مفيدة. كمان زد من الطاعات الصغيرة زي الاستغفار الكتير والصدقة حتى لو بسيطة، لأنها بتساعد في محو الذنوب وتقوية الإرادة. لو الذنب ده بيأثر على حياتك بشكل كبير، جرب تتابع تقدمك يومياً في مذكرة صغيرة، وكل ما تقع ارجع تاني بدون ما تلوم نفسك بقسوة. ربنا غفور رحيم وهو اللي بييسر الأمور للي بيجاهدوا. لو عايز نصائح أكتر أو تفاصيل عن طريقة معينة، ابحث عن أسئلة مشابهة على فدني عشان تشوف تجارب الآخرين وتستفيد منها. أنت قادر، وأنا هنا لو احتجت تتكلم.
تم النشر الخميس، ١٥ أكتوبر ٢٠٢٦
ادعي وصلي واستغفر كتير
تم النشر الأحد، ١٨ أكتوبر ٢٠٢٦
الصلاه تنهي عن الفحشاء والمنكر صلي وملكش دعوه بحاجه
تم النشر الأحد، ١٨ أكتوبر ٢٠٢٦
روح لدكتور بدون إحراج، واخرج برا البيت واشتغل وقابل الناس، وشوف تطبيق اسمه "واعي"
تم النشر السبت، ١٧ أكتوبر ٢٠٢٦
فيه مقوله للدكتور أحمد خالد توفيق عندما تُقلِع عن إدمان شيء ما.. أول ما ستُواجهه هو التفكير به في أوقات الفراغ.. فإن قتلت الفراغ.. انتصرت و دي حقيقة إن لم تشغل نفسك بالحق شغلتك نفسك بالباطل
تم النشر السبت، ١٧ أكتوبر ٢٠٢٦
المهم انك تكون اواب وادعي ربنا يكرهك فمعصيته ويحببك فطاعته وحاول تمنع نفسك من اي حاجه بتقربك للذنب ده لان تزكيه النفس واجبه وادعي ربنا يعينك علي نفسك
تم النشر السبت، ١٧ أكتوبر ٢٠٢٦
صلى وإدعى ربنا وفكر دائما فى القبر والآخره
تم النشر الجمعة، ١٦ أكتوبر ٢٠٢٦
لعرض السؤال في فدني اضغط هنا