باخد ادوية بالمناسبة + نفسي افضفض لحد والله دنيا بايظة ، والواحد مش عارف يعمل ايه، مش عارف التزم في صلوات الفروض ولا في المذاكرة، ولا نصف صفحة في الاسبوع حفظ قرآن ولا صفحة مراجعة في الاسبوع ومشكلة معنديش حاجة يعني ولا اكتئاب ولا حاجة، او معنديش مشكلة نفسية يعني كل موضوع مشكلة سلوكية عادية كسل او نظام تعود،
هو من مشكلة حصلت من سنتين كدا ومشكلة اتحلت اساسا من زمان والدنيا دلوقتي رايقة جدا واصلا مش متأثر بمشكلة الي من سنتين دي وظروف تمام بس مفيش سبب، وللعلم كانت مشكلة اسرية كدا واهلي ضغطوا عليا وطبعا غلطانين مش غلطانين انا كان مفروض مدخلش في صدام معاهم بس كنت وقتها لسه صغير ومكنتش واعي او مدرك بما فيه الكفاية
وغير كدا كنت موسوس فوق ده فدخلت في صدام فضغطوا عليا وقدر ربنا كدا اما انا اتعلمت يعني ،واكيد التربية من الصغر بتفرق في البذرة الي يتزرعها وكلام ده وان كان زماني دلوقتي بذاكر كويس او مقبول حتى بس قدر الله خير، معنديش حاجة اقولها،
بس يعني هغير طبيبي نفسي الحالي الي هوا كويس جدا بس يعني انا شايف ان مشكلتي سلوكية بحت وغير كدا يعني انا محتاج خطة علاج تبقا حنينة يعني وبسيطة وفي نفس الوقت حد يكون داعمني وميحسسنيش اني مقصر في المهام االبسيطة الي ممطن امشي فيها ، حجزت مع طبيب هوا بيدي ادوية مش بيعالج سلوكا بس عشان انا متأكد انه كويس وسيرته طيبة فلما هروحله اسأله على طبيب اخصائي بقا بيعالج سلوكيا بس يكون كويس ويفهم حالتي،
أنا في تانية بكالوريا وأدبي ويعني نفسي بس ادخل كلية تجارة فقط الي منشن عليها فقط بس مش عايز ادخل خاص ولا اتغرب ومشكلة اني لو مذاكراش دلوقتي مش هذاكر ولو بعد ١٠ سنين كلام ده كلو عارفه بس معرفش جربت اني اغصب على نفسي واقاوم وجربت بتدريج بس مش سالكة ، يمكن الحل في التدريج بس مشكلة كل ما اعمل خطة تدريج انا بشوف ان تدريج ده قليل جدا ومفيش حد موافقني عليه ولا مجتمعيا ولا طبيبي الحالي لإنه قليل فيمكن مثلا انا الحل في تدريج بس انا مش عارف اتدرج لإن مفيش حد مدعمني او بيقولي كمل صح او عقلي باطن شايف ان الي بعمله مش صح حتى لو شايفه صح
يعني لو انا اتدرجت في بناء العادات زي مذاكرة او تدين زي صلوات وكدا انا مش عايز اقول امثلة للتدريج عشان محدش هيوافق على الي بقوله بس معرفش ومبقتش عارف يا ترا انا بستهبل ولا متوهم ولا وحش ولا ايه بظبط
السلام عليكم ورحمه الله وبركاته. جميل جدا معفرتك جميل جدا كل محاولاتك جميل جدا الوعي بتاعك حقيقي رائع رائع وضوحك مع نفسك شيء جميل جدا يهمك التفاصيل بتاعت المشكله جميل جدا خلينا بقى نقول على قصه التدريج دي واضح ان واصله لك معلومه خاطئه وانه التدريج ده ممكن يكون مش صح ولكن خلينا نشوف انه اي حاجه احنا بنتعلمها بنتعلمها بالتدريب اي حاجه بتكون عاده مكتسبه بتدخل معانا بالتدريج. ايه هو التدريج المظبوط وايه هي افضل حاجه في التدريج افضل حاجه في التدريج هو القدر القليل وانا عارفه ممكن تكون بتقصده انه مثلا لو انا عايز التزم في الصلوات فانا مره اصلي فرض وبعد كده اصلي فرضين خلينا هنا نبقى فاهمين حاجه في موضوع التدريب انه انا هنا اللي يهمني في التدريج هو ان انا ابدا باقل قدر مقبول عشان ما ابقاش بضحك على نفسي يعني مثلا لو قلنا لو انت هتبدا في التدريج لو انا شخص مش بيحب الاكل قوي فهل التدريج بتاعي هو ان انا اخذ معلقه في الوجبه أكيد ده مش مناسب ليه مش مناسب لان ده مش هيوفر القدر الادنى اللي هيدي الجسم الطاقه اللي هتخليه يكمل بقيه المهام بتاعته او يكمل بقيه الوظائف الحيويه اللي هو محتاج يكملها فلذلك القدر ده اللي هو انا ممكن اسميه أقل قدر في التدريج لا هو مش مناسب انا لازم احط فعلا اقل قدر يسمح لي انه يديني الطاقه اللي هتخليني قادر اكمل بقيه الوظائف الحيويه بتاعتي فمثلا لا انا مش هاخد معلقه لا انا هاخد قدر قليل بس هيكون مناسب يعني مثلا هناخد بيضايه مسلوقه مع نص رغيف عيشه كده انا اخذت القدر قليل وهثبته وهكرره عشان يكون هو ده التدريج بتاعي والتدريج ده هيكون مناسب لانه هيسمح لي اكمل فخلينا نشوف برضه حتى في مساله مثلا الصلوات انا القدر القليل بتاعي او القدر اللي انا هبدأ به هو ان انا هصلي الفروض الاساسيه وهصلي بسور قصيره. ده القدر القليل اللي انا هبدأ بالتدريج بتاعي وده بتكون افضل حاجه طبعا في كده كده شيوخ وفي ناس بتقول الفكره بتاعه صلي حتى لو كان فرض واحد ودي فكره حقيقيه انه ما تقولش انا مش هبدأ الا لو بدات بالصلوات كلها لا هو عموما ابدا عموما. وقع منك بقى فرض وقع منك فرضين تمام المهم ان انت بادئ ونيتك الاساسيه ايه ان انا اصلي الفروض كلها فهو ده التدريج بتاعي انا بادئ بنيه هو ده ادنى حد فيها خلينا بقى نيجي لحته الانجاز لان هي دي اللي هتفرق في ان انا التدريج بتاعي يجيب الاثر بتاعه ويجيب النتيجه بتاعته ان انا هفرح بأي إنجاز مش هقلل من شان اي انجاز انا بوصله يعني لو انا شخص كسول فما بقومش خالص من على الكنبه والنهارده قمت من على الكنبه وانا اللي عملت لنفسي الاكل فده انجاز انا لازم احتفل بنفسي بيه حتى لو كان ده ضئيل حتى لو كان ده بالنسبه للاشخاص الثانيين اللي مش كسولين مش حاجه تستاهل ان انا اسميها انجاز لا انا ما ليش دعوه بيهم خالص انا اي حاجه هادي لها تقدير طالما هي درجه من درجات السلم. اللي انا عايزه اطلعه واوصل بيه فإن شاء الله ابدا بالتدريج طبعا في كل حاجه حط لها اقل قدر زي ما انا وضحت لك كده وحدد توقيت لانه ده هيفرق معاك جدا في التدريج ما تسيبش الموضوع مفتوح انه مثلا انا هستمر على البدايه دي لمده اسبوع انا مش هعمل حاجه غير ان انا هكرر ده لمده اسبوع وهالتزم بيه حتى لو مش بعمل حاجه غيره يعني لو انا بذاكر صفحه واحده في اليوم تمام انا هفضل لمده سبع ايام انا بذاكر صفحه واحده انا مش عايزه ازود ليه مش عايزه ازود علشان هي دي الطريقه اللي انا هبني بيها العاده النهائيه هو ده انا ثبت الصفحه لمده سبعه ايام فخلاص كده هي مش هتقع مني فلما اجي الاسبوع اللي بعدي ازودهم صفحه ونص او صفحتين مش هحس بتقولهم ليه لان خلاص الصفحه اتثبت كل اللي انا عملته ان انا ايه؟ بثبت الصفحه الثانيه او النص الصفحه الثانيه.
تم النشر الأحد، ١٥ نوفمبر ٢٠٢٦
أخي، أولاً أقدر تماماً اللي بتمر بيه، وإنك قادر تكون واضح مع نفسك كده وبتحاول تبني عادات جديدة رغم الضغوط السابقة واللي حصل من سنتين. اللي بتوصفه سلوكي بحت، وده شيء إيجابي لأنه يعني إن الظروف دلوقتي رايقة ومش متأثر بمشكلة قديمة، فالفرصة مفتوحة قدامك تبدأ بخطوات صغيرة وثابتة بدون ما تحس بالتقصير. الإسلام نفسه بيعلمنا التدرج، زي ما نزل القرآن على مراحل وما فرض الصلاة دفعة واحدة، عشان الإنسان يقدر يستمر وما يتعبش. ابدأ بخطة بسيطة جداً ومحددة: اختار عادة واحدة بس في الأسبوع، مثلاً التركيز على صلاة الفجر في وقتها أو مراجعة صفحة واحدة من القرآن كل يومين، وخلي المذاكرة تبدأ بـ15 دقيقة يومياً في مادة واحدة فقط (مثل اللغة العربية أو التاريخ اللي بتحبها). سجل الإنجاز ده في ورقة صغيرة أو مذكرة، وكل ما تكمل المهمة الصغيرة دي، احتفل بنفسك بكلمة تشجيع زي "كويس، استمر". الهدف مش الكمية، لكن الاستمرارية، وده هيخليك تشوف تقدم حقيقي بدون ما عقلك يقارن بالآخرين أو يحس إن الخطة "قليلة". لو حسيت إن الخطوة دي سهلة بعد أسبوعين، زد دقيقتين أو صفحة إضافية، لكن بدون ما تفرض على نفسك أكتر من طاقتك. بالنسبة للمذاكرة والدخول لكلية التجارة، ركز على إن الثبات دلوقتي هيفتحلك الباب، حتى لو بدأت ببطء. جرب تقسم اليوم لفترات قصيرة: صباحاً 20 دقيقة مذاكرة، وبعد الظهر مراجعة سريعة. وفي العبادة، ابدأ بالفروض الأساسية وأضف سنة واحدة في اليوم، زي ركعتين قبل الفجر أو بعد العشاء، عشان تحس بالإنجاز وما تحسش بالتقصير. لو عايز دعم إضافي، ابحث عن أسئلة مشابهة على فدني عشان تشوف تجارب ناس تانيين وتستفيد من وجهات نظر مختلفة. أنت قادر، وكل خطوة صغيرة بتبني عادة قوية مع الوقت.
تم النشر الثلاثاء، ١٧ نوفمبر ٢٠٢٦
لعرض السؤال في فدني اضغط هنا