هل فعلا الانسان يبتلى فيما يحب وان من علق قلبه بأمر عوقب بحرمانه؟ في شيوخ بتقولها ف عقلي بصراحة مع انه مقتنع انه وارد متبقاش صح بس اتربطت عندي لا اراديا لانها لمست في حاجة اصلا عندي مشكله معاها
مؤخرا بقيت عايشة بمخاوف من اني اتعلق بأي حاجة لاني بقيت خايفة اتحرم منها
بقيت اخاف احب الناس بخاف اقرب من صحاب علشان بخاف من لحظة اني اخسرهم بخاف من الحب وبرفض فكرة الجواز والخطوبة ومش ببقى عارفة اقول ايه لأهلي وأشرح لهم ازاي مخاوفي انه خايف اتعلق ونسيب بعض لأي سبب واني خايفة ادخل حد جديد حياتي اصلا وبتعامل انه علاقاتي الدايرة الموجودة " اللي مؤخرا فضيت عليا جامد بعد ما بعدت عني فجأة صاحبتي اللي كانت معايا ١٢ سنة اول ما دخلت الجامعة وصاحبت ناس جديدة" دلوقتي ومش عاوزة ادخل حد جديد وشايفة اني لما ادخل حد جديد بدخل خوف جديد من انه ايه جابرني ع كدا
وشايلة هم لما اتخرج هتبقى ايه حجتي لأهلي اني ارفض حد " مؤخرا اصلا مفيش حد اتقدم تاني بس انا مش بركز صراحة" بس ديما برفض بحجة اني عاوزة اكمل دراسة او لسه صغيرة
مع العلم بحب الحب ونفسي جدا جدا جدا يكون في حياتي ونس وحد يشاركني ايامي سواء صاحبة او حبيب وبتعدي عليا ايام ببقى في حالة نفسية بشعة لاني ممبقاش لاقية حد في حياتي او حواليا قريب مني بس في نفس الوقت اي فرصة بهرب منها واول ما بحس اني هبدأ اتعود ع حد او اتعلق بهرب
السلام عليكم ورحمه الله وبركاته. هنا احنا عايزين نمسك نقطه مهمه جدا وهي نقطه ان احنا عايزين نبقى متأكدين قوي. وعايزين نبقى متأكدين قوي دي مش موجوده مش موجوده في عالمنا كبشر. لانه احنا هيفضل في عندنا جزء هو معلق بالغيب في جزء معلق باللي ربنا يعلمه احنا لا نعلمه فطول الوقت لازم يكون متوازنين في الفكره دي ونكون مركزين عليها ان هي موجوده وهي دي الحقيقه بقى فخلينا هنا ناخذ النقطه الاولانيه اللي ذكرتيها في السؤال لما احب حاجه هخسرها او ربنا هيبتاليني فيها ولا لما احب حاجه اقدر من حبي ليها واحافظ عليه دول فكرتين الحقيقه هنا ايه اللي هي متعلقه باول فكره اتكلمنا فيها انه ده احتمال وده احتمال انه ده هيبقى موجود وده هيبقى موجود في حاجات هحبها فهحافظ عليها وهتفضل موجوده معايا وفي حاجات من حبي فيها ربنا يبتليني فيها ومش هتكون معايا ونفقد طب الفيصل هنا ايه او يعني الحكمه الحته دي ايه الحكمه فيها انه هل انا وانا بحب حاجه حبيتها اكتر من حبي لربنا يعني انا بحب المسلسلات التركي والله ما فيهاش حاجه عيب و تمام وكويسه فيها فاتفرجت عادي جدا لكن الأذان اذن وانا مقمتش صليت. فلو انا حبي المسلسلات دي حاجه خلاني اقلل من افعال اللي بتقول ان انا بحب ربنا يبتليني فيها. بحب صحابي بس انا وانا مع صحابي بنسى اوامر ربنا وربنا يبتليني صحابي لاني حبيت صحابي اكثر من حب لربنا تعلقت باصحابي اكثر من تعلقي برب فربنا هيبتليه نفسه صحابي وهيحصل ما بيني وما بينهم مشاكل او هيضايقوني وهو هنسيب بعض فاحنا لما نركز في النقطه دي نقدر نوازن بقى الحته اللي مطلعه لنا الخوف من اللي جاي ده ومن الفقدان انا مش هخاف اوقد حاجه ليه مش هخاف افقد حاجه لان عندي اللي اهم منها ربنا عندي علاقتي بربنا هي الاهم لو فقدت اي حاجه مش هحس بوجع شديد في الفقدان قد ما انا ممكن لا قدر الله ازعل جدا لو انا فقدت جزء من علاقتي بربنا او كنت بعيده عن ربنا أنا بحبك يا رب وانت حبي لك اهم حاجه هو ده الاهم زي ما كده بتتقال ان احنا محتاجين. نبقى بنحب بعض في الله يعني احنا حبنا لبعض متعلق بحبنا الاساسي لربنا انا بحبك عشان انا بحب ربنا فانا حبي ليك هيبان لك وانا بخاف عليك في الحاجات اللي ربنا يحب يشوفك فيها كثير فانا بنصح صاحبي عشان انا بحبه في الله انا بحبك فانا عايز ربنا يحبني ويحبك عايزني احنا الاثنين نكون في نفس المكان عشان نلاقي نفسنا مع بعض طول الوقت وطول الطريق اللي احنا بنسميها الصحبه الصالح كذلك حط السياق ده على اي حاجه حب الاب والام حب الزوج حب الاولاد كله زي بعضه ممكن شخص يبتلى في ولاده لانه حب ولاده اكثر من ربنا. نخلي بالنا من النقطه دي ان شاء الله ان شاء الله ربنا يديم عليك النعم في الحاجات اللي انت بتحبيها ويكون حب ربنا ليكي وحبك لربنا هو اللي بيسخر لك كل حاجه حلوه وانت بتحبيها حواليك.
تم النشر الثلاثاء، ١٠ نوفمبر ٢٠٢٦
أولاً، أنا آسفة جداً إنك بتمري بهذا الصراع النفسي اللي بيخليكِ تحسي بالخوف المستمر من الفقد، ده شعور ثقيل ومؤلم خاصة لما يكون ناتج عن تجربة حقيقية زي بعد صاحبة قريبة منك لسنين. اللي بتحكيه طبيعي جداً بعد خسارة زي دي، والعقل بيحاول يحميكِ بطريقة "الهرب المسبق" عشان ما تتعرضيش للألم تاني. لكن ده بيحرمكِ من اللي نفسك فيه فعلاً، وهو الرفقة والحب اللي بتتمنيه. بالنسبة للقول اللي عالق في دماغك عن "الإنسان يُبتلى فيما يحب"، ده تفسير شائع لكن غالباً بيُفهم بشكل خاطئ. الابتلاء جزء من الحياة، ومش عقاب على التعلق، بل اختبار للصبر والتوكل على الله. الإسلام ما بيمنعش الحب أو التعلق الحلال، بالعكس بيشجع على بناء علاقات طيبة زي الصداقة الصالحة والزواج، مع الاعتماد على الله في حفظها. الخوف الزائد ده ممكن يكون وسواس فكري اتكون عندك بسبب التجربة السابقة، مش حقيقة مطلقة. حاولي تعيدي صياغة الفكرة دي: "أنا أقدر أحب وأتعلق، والله هو اللي بيحفظ ويقدر الأمور". عشان تتعاملي مع المخاوف دي عملياً، ابدئي بخطوات صغيرة ومتدرجة. مثلاً، اختاري تفاعلات بسيطة ومحدودة مع ناس جدد في الجامعة أو الدراسة، بدون توقعات كبيرة، وركزي على الاستمتاع باللحظة بدل التفكير في النهاية. كمان، خصصي وقت يومي للتأمل في نعم الله الحالية في حياتك، وادعي الله إنه يرزقكِ التوكل والطمأنينة، ده بيساعد على تقليل الخوف تدريجياً. لو الموضوع بيأثر على قراراتكِ زي رفض الزواج، حاولي تكتبي أفكاركِ ومخاوفكِ في مذكرة، ثم تناقشيها مع نفسكِ بطريقة منطقية: "إيه أسوأ سيناريو؟ وإيه اللي أقدر أعمله لو حصل؟". وبالنسبة لأهلكِ، ممكن تقولي لهم بصراحة إنكِ لسه بتحتاجي وقت عشان تكوني جاهزة نفسياً، بدون تفاصيل عميقة لو مش مرتاحة. أنتِ قوية وواعية بمشاعركِ، وده خطوة كبيرة نحو التغيير. الرغبة في الحب موجودة جواكِ، ومع الوقت والجهد هتقدري توازني بين الحذر والانفتاح. لو عايزة تتكلمي أكتر عن أي جزء، أنا هنا. ابحثي عن أسئلة مشابهة على فدني عشان تشوفي وجهات نظر إضافية.
تم النشر الثلاثاء، ١٠ نوفمبر ٢٠٢٦
لعرض السؤال في فدني اضغط هنا