أوقات لما بيبقى معايا حاجة بحبها بخاف اوي بحس إن هيحصل حاجه وحشة وأخسرها بعدين دايما بتخيل السيناريو اللي هيحصل بس بتخيل السيناريو الوحش وبحاول اخد حذري واتصرف بشكل سلبي بعدها بندم وبخسر الحاجة دي لما بحب حد بخاف اوي اخسره بقيت بتجنب اي حاجه فيها مشاعر لأني بخاف على الشخص دا جامد بحس إني لازم أقلق بحس ان اللي بيحصل ببقي راسماه ف دماغي وببقى عارفة نهايته بس مكملة عشان دا بيحسسني بالأمان المزيف والمؤقت
مش بحب اشوف نفسي اقل من حد اوقات بتصرف بتكبر غصب عني واوقات بعاقب نفسي بإني اجلد ذاتي بحس اوقات ان ثقتي ف نفسي عالية لدرجة النرجسية بس بعرف اكون متواضعة دايما برسم كل السيناريوهات ف دماغي قبل اي خطوة بخطيها وتبقى هي اللي بتحصل
بحس اني لو أخدت حقي من حد هأذيه جامد اوي ف بخاف على الشخص دا مني وبقرر اتجنبه وخلاص مش عارفه بحس ان دي مشكلة عندي بجد اوقات بعرف اتحكم واوقات لا كنت بحب المفاجآت بس دلوقتي بقيت بكرهها بسبب اني اتأذيت كتير بطرق مختلفة من ناس كنت بحبهم بخاف حد يبقى قريب اووي مني لأني بخاف اخسره فأصبحت دايرة معارفي سطحية بفهمهم أنهم قريبين مني عشان لو احتاجت حد فيهم ميبخلوش عليا ودايما بيبقى عندي اي حد بيسمعني او بيعاملني كويس او بيعملي حاجة بسيطة انه عملي جميل واني لازم اردهوله عشان لما احتاج الشخص دا الاقيه واوقات بحس انهم بيستغلوني من الحتة دي بس ببعد عنهم منغير ما ارد عشان زي ما ذكرت قبل كدا بخاف عليهم من نفسي
حاسة بجد ان دي مشكلة ف شخصيتي
السلام عليكم، "كل متوقع آت" للأسف أنتِ بتهيأي عقلك ونفسك أصلا من الأول على نهاية معينة فبتخلي الظروف كلها تتجه لتحقيق النهاية دي. التعلق الشديد بشيء لاشعوريا بيؤدي إما لخسارة الشيء أو الشخص أو نفوره من الشخص المتعلِق ففكي التعلق وتعلمي التخلي، وحاولي تدربي نفسك على توازن مشاعرك ناحية أي شيء وفي كل علاقاتك بالناس، يعني لا تتعلقي قوي ولا تتخلي للنهاية، خليكِ وسط وتعاملي بطبيعية واتركي الأمور تاخد مجراها عادي. الخوف أصلا مش بيغير شيء مكتوب فكل اللي بتعمليه إنك بتفضلي خايفة لحد ما اللي أنتِ خايفة منه يحصل واحتمال ميحصلش وتفضلي عايشة في خوف وقلق طول الوقت وده شيء مش صحي. ****** الطبيعي إن الواحد لا ينظر لنفسه إنها أقل من حد فده شيء متجلديش عليه نفسك لكن التكبر محتاجة كل ما يراودك شعور الكِبر وتلاقي بتتصرفي بتكبر إنك تستغفري وتفكري نفسك إن الكبر حرام وإنه "لا يدخل الجنة من كان فيه قلبه مثقال ذرة من كبر" *** لكن برضه فرقي بين الكِبر (المرض القلبي) اللي هو زي ما في الحديث "بطر الحق وغمط الناس" واللي بيؤدي بكِ لسلوك التكبر على الآخرين وبين إنك تكوني بتتصرفي بثقة أو بتوقفي شخص عن تجاوز حدوده معك. فراجعي نفسك وشوفي هل أنتِ فعلا بتتكبري على اللي قصادك يعني بتعامليه باستحقار وتعالي وبتشوفي نفسك أحسن منه ولا بس بتتصرفي بثقة حتى لو مبالغ فيها، ومش بتسمحي لحد يعاملك بقلة أو يتجاوز حدوده. *** حاولي تشتغلي على عقلك الباطن وتعيدي برمجة الأفكار اللي بتدخليها له لأنه بينجحك في اللي بتقوليه وبيهيئك جسديا ونفسيا عشان الحاجة اللي قلتِها تحصل. طول ما بتقولي له أفكار سلبية هيفضل مركز عليها وبيؤكدها لك والوضع مش هيتغير وحتى لو المخرج والحل قصاد عينيك مش هيخليك تشوفيه. فغيري المدخلات عشان تلاقي نتيجة مختلفة إيجابية، ولو في أي وقت لقيتِ إن محتاج لمساعدة من مختصة سلوكية أو نفسية لا تترددي إنك تاخدي الخطوة دي. وربنا يوفقك.💚
تم النشر الاثنين، ٢١ سبتمبر ٢٠٢٦
أولاً، أريد أن أؤكد لكِ أن ما تصفينه ليس "مشكلة في شخصيتكِ" بقدر ما هو نمط تفكير وسلوكي تعلمتهِ ربما من تجارب مؤلمة سابقة، وهو شائع جداً بين النساء اللواتي مررن بخسارات أو خيبات أمل متكررة. الخوف الشديد من فقدان ما تحبينه، والتخيل المستمر للسيناريوهات السلبية، والتجنب العاطفي، والشعور بالذنب المسبق تجاه الآخرين، كلها علامات على قلق عميق مرتبط بالتعلق والخوف من الفقدان. هذا ليس ضعفاً، بل آلية دفاعية بنتِها لحماية نفسكِ، لكنها أصبحت تؤذيكِ الآن. من منظور نفسي، يبدو أن هناك مزيجاً من القلق المتوقع (anticipatory anxiety) ونمط التعلق المتجنب مع لمسات من الشعور بالذنب المفرط. أنتِ ترسمين النهاية السلبية مسبقاً لتشعري بالسيطرة، ثم تتصرفين بطريقة تؤدي إلى تحقيق هذه النبوءة، مما يعزز الدورة. كما أن تجنب القرب الحقيقي يحميكِ مؤقتاً لكنه يترككِ تشعرين بالوحدة والسطحية في العلاقات. الجانب الإيجابي أنكِ واعية بهذا النمط، وهذه الوعي خطوة أولى قوية جداً. للتعامل مع هذا عملياً، ابدئي بتدوين الأفكار السلبية التي تتبادر إلى ذهنكِ عندما تحبين شيئاً أو شخصاً، ثم اكتبي دليلاً واقعياً يدعم أو ينفي هذه الفكرة (مثل: "هل حدث هذا فعلاً في الماضي دائماً أم أحياناً فقط؟"). مارسي خطوات صغيرة تدريجية للسماح لنفسكِ بالشعور دون التصرف فوراً، مثل السماح لنفسكِ بالاستمتاع بلحظة دون التخطيط لـ"ماذا لو خسرتها". تذكري أن التوكل على الله يعني أن تأخذي الأسباب وتتركي النتائج له سبحانه، فالسيطرة الكاملة وهم. كوني لطيفة مع نفسكِ عندما تخطئين، فالجلد الذاتي يزيد القلق فقط. هذا النمط يمكن تغييره بالتدريب والصبر، وأنتِ قادرة على ذلك. إذا أردتِ، ابحثي عن أسئلة مشابهة على فدني لتري تجارب أخريات ووجهات نظر إضافية. أنتِ لستِ وحدكِ في هذا.
تم النشر السبت، ١٩ سبتمبر ٢٠٢٦
بصي الخوف ده طبيبعي واحنا مخلوقين بيه وشيء عادي جدا اننا نخاف ولكن متخليش الخوف يسيطر عليكي بمعني سيبي كل حاجه لربنا هو وحده اللي عارف الخير فين ومع مين احنا اه دورنا ناخد بالاسباب بس ومش علينا حاجه تانيه غيرها ونستنى النتيجه طيب نستنى النتيجه ازاي وانا خايفه هقولك بالدعاء والصلاه والذكر والقرب من الله سبحانه وتعالى قادر انه يطمنك ويزرع ف قلبك السكينه والامان بس ده كل اللي عليكي وإن شاء الله ربنا هيريح قلبك ويجعلك نصيب في اللي بتحبيه يارب
تم النشر الخميس، ٢٤ سبتمبر ٢٠٢٦
لعرض السؤال في فدني اضغط هنا