السلام عليكم
انا بنت في الصف الثالث الاعدادي مشكلتي في حفظ القران انا مش حافظه غير شويه سور قليلين يعني ميكملوش جزيئن او جزء ومش عارفه ألتزم في البيت بالحفظ علشان انا اصلا مش عارفه ألتزم بالورد اليومي بالعافيه
يعني انا في معظم الايام مبفتحش المصحف غير لما آجي اقرأ سوره الملك قبل ما انام فا انا حاسه بالضغط خاصه اني مطلوب مني حاجات كتيره جميعا من تعلم لغه غير الانجليزيه ومهارات كتيره اوي فمش عارفه اعمل ايه
عايزه حد يحليلي المشكله دي او يقولي اعمل ايه انزل الجامع او احضر دورات اونلاين بس انا مش عارفه اروح عند مس مين ياريت تفيدوني
السلام عليكم، "قليل دائم خير من كثير منقطع" "أحب الأعمال إلى الله أدومها وإن قل: حددي أولوياتك الأول ورتبي الأهداف اللي عاوزة تعمليها من الأهم فالمهم وقسمي الوقت على حسب الأولويات اللي كتبتِها. *** جايز أنتِ بتفكري مثلا تحفظي القرآن في أسرع وقت وكمان تتقني اللغة بسرعة وتتعلمي المهارات دي كلها في نفس الوقت، فتلاقيكِ بتحطي اهداف كبيرة بدل ما تاخدي أجزاء صغيرة، حتى لو هتكتفي بحفظ آية أو اثنين في اليوم أفضل من إنك تنوي تحفظي صفحة ولا صفحتين في اليوم وفي الآخر هتلاقي نفسك مش بتبدئي عشان حاسة الموضوع صعب أو بتبدئي يومين وتوقفي. كذلك اللغة، حتى لو أعطيتِها من عشر دقائق لنصف ساعة في اليوم (على حسب انشغالك ووقت مذاكرتك) هيكون أفضل وأسهل وهتقدري تستمري عليه لأن بالنسبة لنفسك وعقلك هتكون مهمة بسيطة ومش هتاخد منك وقت. *** أي مهارة مش لها لازمة حاليا أجليها للإجازة، عارفة وفاهمة جدا إحساس إنك عاوزة تتعلمي حاجات كتير فبتحسي الوقت مش هيقضي تعملي كل ده ولا تبدئي منين وتستمري إزاي. الفكرة كلها في تحديد الأولويات وتقسيم الهدف لأجزاء صغيرة جدا وبعدين تنظيم الوقت وعمل روتين يومي يساعدك على الالتزام بالمهام اللي وضعتِها لليوم. *** حاجة كمان ممكن تفيدك وتسهل عليكِ حفظ القرآن، الاستماع المتكرر للآيات هيسهل الحفظ جدا وهيساعدك كمان في مراجعة اللي حفظتِه. لو في مواصلات أو مواعيد انتظار، شغلي المقطع اللي عاوزة تحفظيه وخليه يتكرر كذا مرة وركزي معه ومع الوقت هتلاقي الآيات ثبتت إن شاء الله. فيه تطبيقات للقرآن فيها الخاصية دي، بتحددي الآيات اللي عاوزة تسمعيها متكررة. *** الأهم، استعيني بالله وادعيه يساعدك على حفظ القرآن والعمل به إن شاء الله. بالتوفيق.💚
تم النشر الأربعاء، ١٤ أكتوبر ٢٠٢٦
وعليكم السلام ورحمة الله، يا بنتي. أولاً، أحييكِ على شعوركِ بالمسؤولية تجاه حفظ القرآن رغم الضغوط الكثيرة اللي بتواجهيها في الدراسة والمهارات الإضافية. ده دليل على قلبكِ الطيب ورغبتكِ في التقرب من الله، ومش عيب إنكِ لسه مش ملتزمة يومياً بالورد؛ كتير من البنات في سنكِ بيحسوا بنفس الضغط، والأمر ده طبيعي لما تكوني في مرحلة انتقالية زي الإعدادية. الحل العملي هنا هو البدء بخطوات صغيرة وثابتة بدل ما تحاولي تحفظي كميات كبيرة مرة واحدة. مثلاً، حددي لنفسكِ 5-10 آيات يومياً فقط من سورة قصيرة أو جزء سهل، وربطيها بوقت ثابت بعد صلاة العصر أو قبل النوم بقليل، مع تكرارها بصوت هادئ أثناء المشي أو في أوقات الفراغ. كمان، حاولي تجمعي بين الحفظ والدراسة بطريقة ذكية: اقرئي الآيات بتركيز وفهم معانيها، فده هيساعدكِ على الحفظ أسرع ويخفف الضغط النفسي. لو حسيتِ بالإرهاق من المهارات الإضافية، رتبي أولوياتكِ شهرياً، وركزي على شيئين أساسيين فقط (مثل اللغة والقرآن) بدل ما تحملي نفسكِ فوق طاقتكِ. بالنسبة للالتزام، جربي تنزلي المسجد مرة أو مرتين أسبوعياً لحلقات الحفظ إذا كان فيه واحدة قريبة ومناسبة للبنات، أو ابحثي عن دورات أونلاين موثوقة من خلال تطبيقات أو قنوات تعليمية إسلامية معروفة. لو محتاجة دعم إضافي، يمكنكِ البحث عن أسئلة مشابهة على فدني للحصول على تجارب بنات أخريات في نفس المرحلة. تذكري إن التقدم البطيء أفضل من التوقف، وأنتِ قادرة على التوازن بإذن الله، فخذي الأمر برفق مع نفسكِ واستعيني بالدعاء.
تم النشر الأربعاء، ١٤ أكتوبر ٢٠٢٦
انزلي مقرأة قريبة منك ومش هتعطلك عن مذاكرتك خالص يومين في الأسبوع مثلا وتكون معلمة متقنة والتزمي زي التزام الدروس .. أنا أعرف ناس كانوا بيحفظوا كل يوم وهما في ٣ث وربنا كرمهم بمجاميع اللهم بارك 💌💌 . عقبالك كده إن شاء الله
تم النشر الأربعاء، ١٤ أكتوبر ٢٠٢٦
مفيش افضل من دار لتحفيظ القرآن ويكون في صحبة صالحة تعينك بإذن الله
تم النشر الأربعاء، ١٤ أكتوبر ٢٠٢٦
يا أخيتي، متحسيش إنك متأخرة، ولا تحمّلي نفسك فوق طاقتها فأنتِ لسه في بداية الطريق، والفرصة أمامك بإذن الله. بس حاولي تخلي القرآن من أولوياتك، وسط كل أهدافك التانية، مش لازم تحفظي كتير، المهم تبدئي وتستمري، ولو بآية واحدة كل يوم. ومع الوقت هتلاقي نفسك بتتقدمي، بإذن الله. وتذكري "ما زاحم القرآن شيئا إلا باركه"ربنا يفتح عليكِ ويجعلكِ من أهل القرآن.
تم النشر السبت، ١٧ أكتوبر ٢٠٢٦
اتعلمي التجويد مع مُتخصصة، وكملي بعدها حفظ مع نفسك مع متابعة مرة واحدة أو مرتين اسبوعيًا مع مُحفِظة، واستخدمي برامج المصاحف مع الاستماع لمعرفة طريقة النطق وتثبيت الحفظ. https://play.google.com/store/apps/details?id=com.ayah
تم النشر الأربعاء، ١٤ أكتوبر ٢٠٢٦
شكرا للنصيحه
تم النشر الجمعة، ١٦ أكتوبر ٢٠٢٦
شكرا للنصيحه
تم النشر الأربعاء، ١٤ أكتوبر ٢٠٢٦
لعرض السؤال في فدني اضغط هنا