ازاي انتظم ف الصلاه انتكست من فتره كبيره وكل فتره ارجع اصلي وانتكس تاني مش حاسه اني عايزه اصلي وكارهه الموضوع للاسف اعمل اي
أنا كنت زيك وكنت مصعبه الموضوع على نفسي جامد اوي وهو اصلا الموضوع سهل جدا والله سهل انا حاسه بيكي اوي لأني كنت مكانك وكنت بحس ان بجد الموضوع صعب جدا بس بعون الله تعالى رجعت اصلي تاني وكمان بحاول اني اصلي النوافل. أولا مفيش حاجه صعبه طالما في ناس بتصلي والصلاه في وقتها وكمان بتصلي معاهم النوافل وقيام الليل يبقى عادي انتي تقدري تعملي زيهم لأن "لا يكلف الله نفسا إلا وسعها"، انتي بس شيطانك بيكبر الموضوع في دماغك ونساكي إن ربك واسع ورحيم وغفور. طيب الحل ايه؟ الحل اللي جربته إنك تصلي على النبي صلى الله عليه وسلم كتير بنيه إن ربنا يعينك على الصلاه والصلاه على النبي سهله جدا يعني، مش شرط عدد معين بس كتير صلي عليه كتير كل ما تزودي كل ما يبقى أحسن وأحسن، دا غير إن حياتك هتتحسن مش بس الصلاه، نزلي برنامج الأذان على الموبايل في برنامج اسمه فجر تقريبا، بيبقى فيه الاذان وكمان فيه انك تعملي صح على كل صلاه صلتيها وكمان بيسألك صليتي ولا لا وبيقولك انتي بتتطوري ولا لا، لو انتي بجد صادقه وعايزه تنجزي بقا وتصلي الصلاه في وقتها اتعبي وجاهدي كل دا على فكره هتاخدي عليه حسنات كتير انك بتجاهدي. أول ما تسمعي الأذان أول ما تسمعيه على طول سيبي اللي في ايدك وافتكري إن ربنا شايفك ولو ماقومتيش حطي في بالك عذاب القبر والجنه، اول ما يأذن عدي من واحد لخمسه وقومي على طول من غير ما تفكري وروحي صلي، ولو في صلاه فوتيها لازم لازم مايعديش اليوم غير لما تكوني صلتيها حتى لو ماصلتيش اليوم كله وخلاص فاضل ساعه واليوم يخلص صليهم كلهم متقوليش بكره، لما تصليهم كلهم هتتعبي فهتقولي لنفسك لا انا لازم اصليهم في وقتهم علشان ميتراكموش عليا بليل، يعني الزمي نفسك انك كده كده لازم مش هيعدي اليوم غير لما الصلوات كلها تكون خلصت. بس والله الحل برضو اللي هيجيب من الآخر والله انك تصلي على النبي كتير وتدعي في اي وقت ولو كنتي صاحيه بليل مثلا في الثلث الاخير من الليل ادعي حتى لو مش قادره تصلي قيام الليل ادعي ربنا إنه يعينك على الصلاه وهو يحب إن عباده يستعينوا بيه في كل حاجه ما بالك بقا انك بتدعيه يعينك على الصلاه. هيسجيب هو وعدنا بالإجابة، ووعده حق. لو عايزه نستفيد أكتر في واحده على اليوتيوب بجد بعد ربنا كلامها خلاني ألتزم ويقيني يبقى عالي اوي كل دا بعد ربنا طبعا ربنا هو اللي أظهرها لي على اليوتيوب فجأه كده، اسمها عبلة لاشين اكتبي "عبلة لاشين الصلاة في وقتها" على اليوتيوب
تم النشر الجمعة، ٩ أكتوبر ٢٠٢٦
اول حاجه لازم تسيطري على نفسك وشهواتك متسيبيش نفسك لنفسك لان نفس بتضيع ان الصلاه كانت على المؤمن كتابا موقوتا اول متسمعي الاذان تقومي بسرعه من غير تفكير تتوضى وابدأي بلفروض اعملي منبهات لكل صلاه افرشي سجاده الصلاه وخليها موجوده وجنبك الاسدال وحاولي تحافظي على وضوئك عشان لما تسمعي الاذان تقومي علطول وتوبي لربنا وادعي ليه كتير انك ترجعي وتلتزمي واعرفب برضو ان الصلاه تنهى عن المنكر والفحشاء يعني الصلاه دي هى اصلا عماد الدين حياتك كلها بتمشي بصلاتك هتلاقي بركه وراحه واطمئنان تعالى على نفسك وشدي على نفسك واعدي اعده اتكلمي فيها مع نفسك وحاسبيها وتعزمي الامر لانك لو معزمتيش مش هتعملي هتقعي الف مره بس تحاولي بجد مش كلام وخلاص وقال تعالى {قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾ ف توبي يحببتي وارجعي تاني وتالت لحد متقفي تاني
تم النشر السبت، ١٠ أكتوبر ٢٠٢٦
أولاً، أنا فاهمة شعورك تمامًا يا حبيبتي، ومش هحكم عليكِ أبدًا. الانتكاسات دي شائعة جدًا، والمهم إنكِ لسه بتفكري في الرجوع، وده دليل على إن قلبكِ لسه فيه خير. ربنا غفور رحيم، وهو اللي بيحب التوبة ويفرح بيها، فمتستسلميش للكره أو الإحساس بالثقل. ابدئي بخطوات صغيرة وواقعية عشان متحسيش بالضغط. مثلاً، ركزي على صلاة واحدة في اليوم في البداية، زي صلاة الفجر أو العصر، وخليها ثابتة. ادعي ربنا بصدق قبل كل صلاة: "اللهم أعني على ذكرك وشكرك وحسن عبادتك"، وهذا الدعاء بيفتح أبواب التوفيق. كمان، حاولي تعملي وضوء وتجلسي في مكان هادي، وتذكري فضل الصلاة في تهدئة النفس وجلب الرزق والراحة، حتى لو مش حاسة بالرغبة دلوقتي. لو رجعتِ تاني، متلوميش نفسكِ، بس ارجعي فورًا بدون تأجيل. اقرئي آيات أو استمعي لمحاضرات قصيرة عن أهمية الصلاة عشان تذكري نفسكِ بالهدف الأكبر. الاستمرارية بتيجي بالتدريج، مش بالقفزة الكبيرة. لو عايزة أفكار إضافية، ابحثي عن أسئلة مشابهة على فدني عشان تشوفي تجارب الآخرين. أنتِ قادرة، وكل خطوة صغيرة بتقربكِ أكتر.
تم النشر الجمعة، ٩ أكتوبر ٢٠٢٦
الإجابة على السؤال ده هتساعد إن شاء الله...... أنا بصلي ليه ولمين وازاي؟..... الصلاة ليها مردود يفرق معانا ولا بنصلي وخلاص عشان هي مجرد عادة مش عبادة.....الصلاة في الطريق إلى الله زي محطات نرتاح فيها من ضغوط الحياة وفيها اللي يخلينا نقدر نكمل .... انصحك بسلسلة سورة الفاتحة للشيخ أمجد سمير
تم النشر الأحد، ١١ أكتوبر ٢٠٢٦
انا كمان كده
تم النشر السبت، ١٠ أكتوبر ٢٠٢٦
بصي حاولي تتلغلبي على نفسك لما الاذان يأذن متكسليش حاولي تقومي تصلي في نفس الوقت واعملي جدول للصلاه
تم النشر السبت، ١٠ أكتوبر ٢٠٢٦
حاولي واحدة واحدة حتي لو الموضوع تقيل علي قلبك شوية مثلا صلي ركعتين ف قيام الليل وادعي كتير أن ربنا يردك إليه
تم النشر الجمعة، ٩ أكتوبر ٢٠٢٦
لعرض السؤال في فدني اضغط هنا