انا ف تالتة ثانوى عندي ١٨ سنة ف تالتة ثانوى وبحب اطور من نفسي عندي حلم غريب شوية اني ابقى غنية وجميلة زي اللي بنشوفهم ف التلفزيون كدا وعايزة اغير حياتي ١٨٠ درجة بس مش عارفة اعمل اي ...ف قولولى اعمل اي السنة دي انا معنديش طموح ف كلية معينة بس اكيد كلية كبيرة و اعمل اي ف تطوري وجمالى وديني وشكلى وكله بجد اتغير تغيير كامل
السلام عليكم، جميل إن يبقى لك أحلام وطموحات وعندك رغبة في تحقيقها وتغيير حياتك للأفضل، بس عاوزة أنبهك لحاجة، بلاش الصور المبنية على اللي بتشوفيه في التليفزيون أو السوشيال ميديا، ساعات بيعطوا صور غير حقيقية أو مثالية زيادة والميديا بتلعب بطريقة ما على عقولنا عشان تسوق لنا أفكار أو منتجات معينة. احلمي وفكري في المستقبل اللي عاوزاه لنفسك لكن بصورة واقعية عشان متحسيش بإحباط لو الصورة غير الواقعية في دماغك متحققتش على أرض الواقع. *** وخلي بالك إن التغيير وتحقيق الأهداف بياخد وقت وبيتطلب جهد وصبر عشان تشوفي النتيجة، فمترسميش أهداف وتستعجلي إنها تتحقق في نفس الوقت وبسرعة فتملي أو توقفي لما تلاقي النتيجة اللي عاوزاها لسه محصلتش. *** اكتبي أهدافك كلها على ورق وبعدين رتبيها حسب الأولوية وركزي على هدف هدف... بلاش تزودي على نفسك أكتر من هدفين. وقسمي أهدافك لأجزاء صغيرة ومراحل زمنية عشان تقدري تقيسي تقدمك وتحددي إذا خططك محتاج أي تعديل وتكافئي نفسك مع كل إنجاز. *** أقترح عليكِ تشوفي (نموذج عجلة الحياة المتوازنة) ده بيساعدك تعملي تقييم لجوانب حياتك المختلفة وتشوفي إيه أوجه القصور في كل جانب وتبدئي تضعي أهداف تحسين كل جانب وتاخدي هدف هدف تشتغلي عليه. ده كورس بيشرحها، وممكن تتابعي صاحبة القناة هتفيدك في الإنتاجية والتخطيط إن شاء الله. https://youtube.com/playlist?list=PL9qj2CGqAHHH2OZCzkiKTLzd2YQQe6pEm&si=DDTctTRD7HWsVVqj وتدرجي وامشي خطوة خطوة. "قليل دائم خير من كثير منقطع" والأهم من كل ده استعيني بالله وإن شاء الله يوفقك لكل ما فيه الخير لكِ. بالتوفيق. 💚💚
تم النشر الاثنين، ٢ نوفمبر ٢٠٢٦
اولا انت تقدري تعمل كل حاجة وتوصلي لأي حاجة انت عايزاها وطالما انت قدرت تتخيلي نفسك وانت محققه كل احلامك ف اذا هي حقيقة وممكن بالسعي والإجتهاد توصل لها ، وبعدين انت لسا صغيرة ولسا قدامك كتير متغلطيش غلطة غيرك وتستعجلي النتايج واحدة واحدة ركزي ع مذاكرتك ودراستك علشان تخشي كلية كويسة وبعدين لما تخش كلية كدا الموضوع هيكون اسهل بكتير ان شاء الله ، ممكن تاخدي كورسات في مجال شغلك ، تختاري مهارة واحدة بس علشان التشتت من soft skills وتنميها ف شخصيتك هتفرق معاكي وانقلي ع بعدها ، اتعلم عن البزنس او ريادة الأعمال ، ممكن تاخدي ورش تمثيل ، ممكن تشوف هواية او حاجة بتحبها وتطوري نفسك فيها وتكون سبب شهرتك ومع كل ال فات هتعرفي تسوقي لنفسك صح اتمني اكون قدرت اساعدك بس الأهم متستعجليش وركزي ع حاجة واحدة بس خلصيها وبعدين انقلي ع بعدها
تم النشر الأربعاء، ٤ نوفمبر ٢٠٢٦
ركزي علي دراستك وحطيها في المقام الاول والتفكير بعد التحقيق عليك ان تختاري هدف او حلم لتستطيعي تحقيق هدفك ولا تياسي ممكن بدل ما انت ما عندكيش طموح ممكن تحطي مجموع معين بصي حاليا ما تركزيش على الجمال مش هتقدري توازي ما بين حياتك الدراسيه والجمال غير بعد فحاليا اهتم بالنظافه الشخصيه والحاجات الاساسيه وسيبك من الحاجات اللي هي الفرعيه دي عشان ملهاش لازمه ممكن تبداي وبعد كده اهم حاجه تهتمي بدراستك لان دي هي اللي هتقعد لك وهتخليك تدوري من جمالك اما بالنسبه للدين فقراي في كتاب الله هناك هتلاقي دينك الصحيح واقرئي من السنه برده اهم حاجه تبداي بالدين حافظي على الصلوات لانها اساس وادعي كل يوم ربنا تحقيق الهدف
تم النشر الأربعاء، ٤ نوفمبر ٢٠٢٦
يا حبيبتي، أول حاجة أقولك إن حلمك إنك تغيري حياتك 180 درجة وتبقي غنية وجميلة زي اللي بتشوفيهم في التلفزيون ده حلم طبيعي ومش غريب خالص، وكتير بنات في سنك بيحسوا بنفس الشعور. المهم إنك دلوقتي عندك 18 سنة وفي تالتة ثانوي، وده وقت قوي جدًا تبدئي فيه تبني أساس قوي، مش بس للكلية لكن للحياة كلها. التغيير الكامل مش بيحصل بين يوم وليلة، لكنه بييجي بخطوات صغيرة ومستمرة، وأنتِ قادرة عليه إن شاء الله. ابدئي بالدراسة دلوقتي، لأن تالتة ثانوي هي بوابتك لكلية كبيرة. حددي هدف يومي للمذاكرة، قسمي المواد، واستغلي الوقت اللي فاضل قبل الامتحانات. لو مش عندك طموح لكلية معينة، جربي تفكري في المجالات اللي بتحبيها أو اللي بتفتح فرص عمل كويسة زي التجارة أو الإعلام أو الطب أو الهندسة، واقرئي عنها. في نفس الوقت، طوري نفسكِ في مهارات عامة زي اللغة الإنجليزية أو الحاسب الآلي، لأن دول هيساعدوكِ في أي كلية وفي سوق العمل بعد كده. بالنسبة للجمال والشكل، ركزي على الصحة أولًا: كلي أكل متوازن، نامي كويس، ومارسي رياضة خفيفة زي المشي. ده هيخليكِ تشعري بثقة أكتر وهيبان على بشرتك وجسمك. اقرئي عن العناية بالبشرة والشعر بطرق طبيعية وآمنة، وابتعدي عن المقارنة بالصور المعدلة في التلفزيون. أما عن الدين، فده أهم أساس للتغيير الحقيقي، حافظي على صلاتكِ، اقرئي القرآن يوميًا حتى لو صفحة واحدة، وادعي ربنا يوفقكِ ويفتح لكِ أبواب الرزق. الغنى الحقيقي بييجي من الجهد والتوكل، مش بس من الشكل. خططي لنفسكِ أهداف صغيرة كل شهر، زي إنكِ تخلصي جزء من المنهج أو تتعلمي مهارة جديدة، وتابعي تقدمكِ. التغيير ده هيحصل تدريجيًا، وأنتِ مش لوحدكِ في الرحلة دي. لو عايزة أفكار أكتر عن خطة يومية أو اختيار الكلية، قوليلي تفاصيل أكتر عن اهتماماتكِ. ابحثي كمان عن أسئلة مشابهة على فدني عشان تشوفي تجارب بنات تانيين. أنتِ قادرة، وهتنجحي إن شاء الله.
تم النشر الاثنين، ٢ نوفمبر ٢٠٢٦
لو عندك هدف انك تبقي غنيه يبقي لازم تحطي هدف اصغر منه تربطيه بكليه معينه وترسمي طريقه في ورقه تشوفي هل دا هيخليكي غنيه ولا لا، بعدها ابدأي حددي هدف انك تدخلي الكليه دي اما كلمه انا عايزه ابقي غنيه الكل عايزها بس محدش بيوصلها عشان محدش بيرسم طريقه صح
تم النشر الخميس، ٥ نوفمبر ٢٠٢٦
ركزي علي دراستك وحطيها في المقام الاول
تم النشر الأربعاء، ٤ نوفمبر ٢٠٢٦
لعرض السؤال في فدني اضغط هنا