السلام عليكم ورحمة الله وبركاته
أنا في أولى كلية وللأسف مكانتش كلية أحلامي بس قدر الله وماشاء فعل
المهم إزاي ابقى شطوره في دراستي وازاي اظبط يومي عشان حاسه إني تايهه ومراكمة كتير
وكمان ايه الحاجات إللي ممكن اعملها واطورها في فترة الجامعة واستغلها ؟
وازاي أبقى جميلة من الخارج والداخل ؟
ادعولي ربنا يوفقني ويرزقني بالزوج الصالح وابقى زوجة وأم عسولة موووت 😌 💗
عليكم السلام ورحمة الله و بركاتة قبل إى شئ يعني مش عارف أقولك إى، اللي هو اقولك متزعليش كله قسمة و نصيب، ولا اقولك برافوا عليكي و اتمنى تكون قناعتك ديه حقيقة ولا إى مش عارف، لو فعلا أنتي تخطيتي ديه بسرعة دي فأنا احيكي و ارفعلك القبعة حقيقاً 🎩 -- نيجي بقى لسؤالك بس هنفصلة حته حته علشان منتوهش يلا بينا؟ يلا بينا أولاً أزاي ابقى شطورة في دراستي؟ علشان تبقي شطورة في دراستك لازم تكرري المحاولة في كل حاجة! إى ده أنت بتقول إى؟ هما مش بيقولوا التكرار بيعلم إى؟ الشطااار، بظبط كده فانتي ذاكري الدرس مره و اتنين و ميه طيب أزاي اظبط يومي؟ بصي مفيش سحر معيين يقدر يخليكي تظبطي يومك لأن محدش عرف لحد يومنا هذا يتحكم في يومة 100%، طيب و ليه الاحباط طيب؟ لأ لأ عندك أنا مقولتش مش هتعرفي تظبطي يومك أنا قولت مفيش حد عرف يظبطه 100% فانتي تقدري تحاولي صحيح؟ طيب المطلوب إى؟ المطلوب ورقة وقلم و مسطرة و تعملي جدول الأسبوع و تعملي قوانين تمشي عليها و تخلي في مرونه في المواعيد، يعني إى مرونة؟ يعني مثلاً ماما ندهت عليكي في وقت المذاكرة و طلبت منك طلب خلاص كده مذاكرة المادة راحت؟ لأ روحي هاتي الطلب و ارجعي كملي عادي مش نهاية الكون، ديه هيا المرونة بختصار. إى الحاجات اللي ممكن اطور نفسي فيها اثناء فترة الجامعة؟ الحاجات كتير جداً جداً فأنا هقولك الشائع و الخاص ده هيبقى تبعك أنت على أساس إن شاء ناوية تشتغلي إى، ماشي؟ ماشي. أهم حاجة لازم تركزي عليها اثناء الفترة دي أنك تحسني الانجلش بتاعك، لأن ديه مبقتش حاجة بتوع الناس اللي من ايجبت وبس لأ بقت شئ بديهي لازم يكون مع كل شخص، و لو عرفتي تزودي على الانجلش لغة تانية مطلوبة زي مثلاً الألماني تكوني عملتي إنجاز تحفة، طيب إى كمان؟ الكمبيوتر، لو بالإمكان و في مقدور اهلك(ركزي بقووووول لو في الإمكان) يجيبولك لابتوب تخلي عليه كل شغلك و مذاكرتك و تتعلمي عليه اساسيات الكمبيوتر و ادوات مايكروسوفت يبقى شئ جميل جداً ازاي ابقى جميلة من الداخل و الخارج؟ أنا مش من الناس اللي بتهتم بمظرها الخارجي بشكل زائد عم اللزوم يعني مش اللي هو أروح اشتري كريم و شامبوهات و حاجات اللي ملهاش لازمة غير انها بتقتل مناعة الجسم نهائي( الحاجات الرفاهية دي بختصار)، ولكن أنا من الناس اللي تقدر تقولك ازاي تبقي مش بس جميلة لأ خارقة الجمال من الداخل، طيب أزاي؟ كلمتين ملهومش تالت "تقوي الله"، مجرد ما تتقي الله في كل حاجة هتبقي جميلة من الداخل. -- نصيحة للزمن خلي بالك من الصحبة اللي هتبقي معاها اثناء فترة الجامعة لأن تأثيرهم فيكي ممكن يغيرك 360°، و بس بالتوفيق و ربنا يوجهك لما يحب و يرضاه -- وبس، هسيبلك صور تحت يمكن تفيدك أو توصلك المعلومة بشكل أفضل. وبس اتمنى يكون في إفادة..
تم النشر الجمعة، ٦ نوفمبر ٢٠٢٦
وعليكم السلام ورحمة الله وبركاته يا قمر 🌸 أول حاجة، ربنا يوفقك ويفتح لك أبواب الخير في الكلية دي، ويبارك لك في كل خطوة. إنكِ بتقبلي قدر الله وبتحاولي تطوري نفسكِ ده أصلاً بداية قوية جدًا. ازاي تبقي شطورة وتظبطي يومكِ: ابدئي بخطوات بسيطة وواقعية عشان ما تحسيش بالضغط. جربي تعملي جدول يومي بسيط فيه: وقت ثابت للنوم والاستيقاظ (حتى لو في الإجازة). تقسيم المواد لأجزاء صغيرة كل يوم بدل ما تكدسي كل حاجة. استخدمي تقنية "25 دقيقة دراسة + 5 دقايق راحة" عشان مخكِ يفضل مركز. كل أسبوع حددي 3 أهداف دراسية بس، مش أكتر، عشان تحسي بالإنجاز. لو حاسة إنكِ متراكم عليكِ كتير، ابدئي بالمادة اللي بتحبيها أو الأسهل عشان تكتسبي ثقة، وبعدين روحي للباقي. الحاجات اللي ممكن تطوريها في الجامعة: تعلمي مهارة واحدة جديدة كل ترم (زي الإنجليزي، التصميم، الكتابة، أو حتى مهارات التواصل). شاركي في أنشطة الجامعة أو النوادي الطلابية اللي بتناسب شخصيتكِ. اقرئي كتب في مجالات مختلفة (تنمية ذاتية، دين، تاريخ) عشان توسعي مدارككِ. حاولي تبني علاقات إيجابية مع بنات محترمات وطموحات. الجمال من الداخل والخارج: الجمال الداخلي بييجي من الالتزام بالصلاة، قراءة القرآن، والابتسامة واللطف مع الناس. ده بيخليكِ جذابة جدًا. أما الخارجي فهو بسيط: اهتمي بنظافتكِ الشخصية، بشرتكِ، ولبسكِ اللي يناسبكِ ويحافظ على أنوثتكِ. الرياضة الخفيفة (مشي أو تمارين منزلية) بتفرق في الطاقة والمظهر. ادعي معايا: اللهم وفقها وارزقها الزوج الصالح اللي يقر عينها، واجعلها زوجة وأم حنونة ومباركة يا رب 💗 لو عايزة نرتب جدول يومي مع بعض أو نطور خطة دراسية، قوليلي وأنا معاكِ خطوة بخطوة.
تم النشر الخميس، ٥ نوفمبر ٢٠٢٦
ربنا يسعد قلبك ي غاليه و يوفقك ي رب ، اسمعي فديوهات عليوتيوب لتطوير الذات و اتعلمي مهارة تنفعك ف مجال كليتك او حاجة بتحبيها و تقدري تدخلي دخل منها و الافضل تستثمري وقتك فحفظ القران و تعلم العلم الشرعي علشان تعلمي اولادك اسمعي بودكاست دايم هيزود نضجك و وعيك عمتا وربنا يصلح حالك ي رب ❤
تم النشر الجمعة، ٦ نوفمبر ٢٠٢٦
اهم حاجة عسولة مووت 😂♥
تم النشر الجمعة، ٦ نوفمبر ٢٠٢٦
لعرض السؤال في فدني اضغط هنا