انا راكمت محاضرات علي و حاسس اني تايه جدا و مش عارف ابدا من فين
السلام عليكم، في مشكلة التراكمات أهم حاجة تعملها إنك متركزش على المتراكم وتفضل شايل همه لأنه هيخليك مش قادر تتحرك وهتفضل حاسس بضغط وهتسوف ومش هتذاكر لا القديم ولا الجديد وهتزود المتراكم عليك. فالأفضل إنك تكتب المحاضرات المتراكمة وتعمل خطة مرنة تجمع فيها مذاكرة المحاضرات القديمة مع الجديدة، تاخد كل يوم جزء بسيط من القديم مع الجديد، ولو فيه محاضرات قديمة المحاضرات الجديدة مبنية عليها ومش هتفهم الجديدة من غيرها، فممكن تقرأها بسرعة أو تسمع شرح سريع لها بحيث تكون عندك خلفية عن الموضوع. وقسم المذاكرة لجلسات قصيرة بينها فترات راحة، مش مطلوب منك تلم كل المتراكم في جلسة واحدة ولا حتى خلال كم يوم، امشي واحدة وبخطوات صغيرة أفضل من إنك تفضل واقف مكانك ومش بتتحرك خالص. وابدأ من أي مكان، المهم تبدأ. *** لو بتذاكر على مكتب يا ريت تخليه فاضي تماما إلا من كتاب المادة اللي هتذاكرها عشان تفكيرك ميفضلش مشغول بالمواد الباقية طول ما شايف كتبها قدامك، غير إن زحمة المكتب هتحسسك بالضغط أكبر وهتخليك تقوم ومتكملش مذاكرة. ** استعن بالله وابدأ ومتفكرش كتير، بالتوفيق إن شاء الله.
تم النشر الأربعاء، ٢٨ أكتوبر ٢٠٢٦
نظم وقتك اعرف كل شيء وراك و اكتبه في ورقة بحيث المطلوب منك يكون واضح قدامك قِّسم المحاضرات على ايامك وفقاً لطول كل محاضرة و هاكذا و ابدأ فيهم في الأجزاء دي و ممكن تبعت الكلام دة للAI علشان يساعدك في التنظيم و ان شاء الله خير المهم انك تبدا و انك تطلب من ربنا انه يعينك و يقف معاك
تم النشر السبت، ٣١ أكتوبر ٢٠٢٦
أهلاً يا صديقي، أول حاجة أحب أقولها لك إن اللي بتمر بيه ده طبيعي جدًا، كتير من الطلاب بيحسوا بنفس الضياع لما تتراكم عليهم المحاضرات. المهم دلوقتي إنك مش لوحدك وفيه طريقة عملية تقدر تبدأ بيها عشان ترجع تسيطر على الوضع. ابدأ بخطوة بسيطة: خد ورقة أو مذكرة واكتب كل المحاضرات اللي متراكمة عليك، وبعدين رتبها حسب الأولوية (مثلاً المواد اللي امتحانها قريب أو اللي بتحتاجها في الدروس الجاية). بعد كده قسمها لأجزاء صغيرة، يعني متحاولش تخلّص محاضرة كاملة في جلسة واحدة لو طويلة، ابدأ بـ 20-30 دقيقة يوميًا على محاضرة واحدة بس عشان ما تحسش بالإرهاق. كمان حاول تستخدم طريقة "التلخيص السريع": اقرأ أو اسمع المحاضرة بسرعة وخد نقاط رئيسية فقط، وبعدين راجعها تاني يوم. لو عندك أسئلة أو محتاج نصايح إضافية عن تنظيم الوقت أو طرق المذاكرة، ابحث عن أسئلة مشابهة على فدني عشان تشوف تجارب ناس تانية. أنت قادر تتجاوز ده خطوة بخطوة، ولو حابب نتكلم أكتر عن خطة يومية تناسبك قولي.
تم النشر الأربعاء، ٢٨ أكتوبر ٢٠٢٦
نفس المشكلة بتاعتي بس عندي حلها بفضل الله ، اصحي الفجر ، مفيش حل غير دا ، بركة اليوم بتكون في صلاة الفجر والإستيقاظ باكراً
تم النشر الجمعة، ٣٠ أكتوبر ٢٠٢٦
بصي حاولي تصحي قبل الفجر بشويه صغيرين واحلى حاجه عشان ربنا يزيدك توفيق في اليوم قيمي الليل ولو بركعتين وبعده اقرأي صفحه صفحتين من القرآن وابداي وحاولي متقوميش الا لم تخلصي المتراكم ده ولم تخلصي كافئي نفسك عشان كل مره تذاكري وتتحمسي اكثر واكثر كافئي نفسك بحاجه بتحبيها ومتضغطيش على نفسك اه ومتنسيش اذكارك وصلاه الفجر عشان هتشوفي توفيق رهيب في اليوم وحاولي تصلي كل الصلوات في وقتها بجد هتفرق في اليوم جدا💗💗
تم النشر السبت، ٣١ أكتوبر ٢٠٢٦
لعرض السؤال في فدني اضغط هنا