السلام عليكم
انا بنت في تانيه ثانوي هدخل تالته بعد كم شهر انا نفسي ادخل الجامعة الأمريكية في القاهرة وانا عرفت ان هي مفهاش طب وانا نفسي ابقا دكتور اسنان جدا فانا مش عارفه اعمل أي لاني هموت وادخلها
لو حد عنده حل او مثلا دخلها بعدها سافر طب بره او اي حاحه ياريت يفيدني بحدددد
السلام عليكم ورحمه الله وبركاته انا هديكي نصيحتي انا الشخصيه ومن اللي انا شايفاه اتجاه في الدراسه لكثير من اللي بيكون عندهم الرغبه في الاستفاده من القيمه العلميه بتاعه الشهادات بتاعت الجامعه الامريكيه احنا بندرس التخصص الاساسي بتاعنا اللي احنا حبينه زي مثلا انت حابه تخصص طب الاسنان واثناء ما انت بتدرسي طب اثناء اذا كان في مساحه تقدري تعملي بشكل متوازي انك تدخلي تدرسي اي تخصص ثاني يكون بيضيف لطب الاسنان بتاعك حاجه بقى خاصه بالابحاث العلميه او غيره انك تدخلي تدرسيها يعني طريقه عمل ورق علميه او اي كورس او اي دبلومه ممكن تكون مفتوحه في التوقيت بتاع نفس دراستك وتكون مـوافقه مع التوقيتات بتاعه دراستك في طب اسنان دي هتكون حاجه كويسه دي طريقه الطريقه التانيه هي انه دراستي في الجامعه الامريكية ودي اكتر حاجه جميله في الدراسه في الجامعه الامريكيه انا مش متوقفه على انك لازم تدرسيها بعد تخرجك من الثانوي على طول انت تقدري ان انت بعد ما تخلصي البكالوريوس بتاعك او الحاجه اللي انت هتدرسيها انك تتوجهي وتبدئي حاجه سواء مكمله للتخصص بتاعك او حاجه مختلفه عن الخطوط بتاعك في الجامعه الامريكيه ودي من احسن الحاجات انك تقدري يكون عندك تخصصين مختلفين تكوني هنا استفدتي من الميزه اللي موجوده في الجامعه الامريكيه وفي نفس الوقت أنت ما خرجتيش بره الهدف الاساسي او الحلم الاساسي بتاعك بالتخصص بتاع طب اسنان أتمنى اكون افدتك وان شاء الله ربنا هيوفقك للي فيه الخير لك.
تم النشر الاثنين، ١٦ نوفمبر ٢٠٢٦
وعليكم السلام يا لينو، أنا ذكية وفرحانة إنك بتشاركيني حلمك ده. أول حاجة، أنا فاهمة إحساسك تمامًا، إنك بتحبي الجامعة الأمريكية في القاهرة جدًا وفي نفس الوقت حلمك إنك تبقي دكتورة أسنان، وده يخليكي محتارة. خلينا نفكر مع بعض بخطوات عملية وواقعية. عشان تدخلي الجامعة الأمريكية في القاهرة، لازم تركزي دلوقتي على مجموعك في الثانوية العامة، لأن القبول بيعتمد بشكل أساسي على درجاتك في الثانوية (خصوصًا المواد العلمية لو هتختاري تخصص علمي)، بالإضافة لاختبارات اللغة الإنجليزية زي التوفل أو الآيلتس، وأحيانًا اختبارات قبول إضافية. ابدئي من دلوقتي تحسني مستواك في الإنجليزي وتجمعي معلومات دقيقة عن المتطلبات من موقعهم الرسمي، وكمان ممكن تشوفي تجارب بنات دخلوا قبل كده عشان تاخدي فكرة عن الدرجات المطلوبة. بالنسبة لحلمك في طب الأسنان، الجامعة الأمريكية فعلاً مفيهاش كلية طب أو أسنان، لكن في حلول كتير. تقدري تدخلي AUC في تخصص زي البيولوجي أو الكيمياء أو العلوم الصحية، وده هيجهزك علميًا، وبعد التخرج تقدري تسافري تكملي دراسة طب الأسنان في دول زي ألمانيا أو تركيا أو حتى بعض الجامعات في أمريكا وكندا اللي بتقبل خريجين من برامج قوية زي AUC. الطريق ده هيطول شوية لكنه ممكن وكتير بنات نجحوا فيه. نصيحتي لك دلوقتي: ركزي على الثانوية واجتهدي فيها عشان تفتحي أكتر من باب، وفي نفس الوقت ابحثي عن برامج طب أسنان في مصر أو بره اللي تناسب ظروفك. لو عايزة أفكار إضافية أو تفاصيل عن التخصصات المتاحة في AUC، قوليلي وأساعدك أكتر. ولو حابة تشوفي آراء بنات تانيين مروا بنفس الحيرة، ابحثي عن أسئلة مشابهة على فدني. أنتِ قادرة، وهتوصلي لحلمك بإذن الله خطوة بخطوة.
تم النشر الجمعة، ١٣ نوفمبر ٢٠٢٦
عايز احاول افيد حضرتك، بس الأول عندي سؤال إذا سامحتي ليه عايزه تدخلي الجامعة الامريكية؟ شايفه دخلوك الجامعة ديه معاناه إى؟
تم النشر الجمعة، ١٣ نوفمبر ٢٠٢٦
شوف مبررك لكل حلم شوف مستقبلك في كل حلم و اللي تحس فيه براحه اكبر و ايجابيات اكتر من ناحيتك يعني بالنسبه ليك و انك هتقدر تتحمل العقبات فيه و عيوبه هتقدر تتخطاها اختاره و اكيد في المستقبل هيتفتحلك فرص انك تحقق حلمك الثاني ايا كان انت اخترت اي
تم النشر السبت، ١٤ نوفمبر ٢٠٢٦
@Leno Samer طيب و أنتي عايزه تسافري علشان تشتغلي هناك ولا عايزه تسافري ليه ولا فاكره انها مثلاً هتديكي منحة مجانية و كده؟
تم النشر الجمعة، ١٣ نوفمبر ٢٠٢٦
علشان انا عايزه اسافر بره و هي تهتم بالابحاث العلميه والتفكير النقدي
تم النشر الجمعة، ١٣ نوفمبر ٢٠٢٦
لعرض السؤال في فدني اضغط هنا