انا في تالته ثانوي وكل شويه انام ومش عارفه اعمل ايه
مخك الي بيعمل كدا عشان كسول فتهربي بنوم او اي حاجة من الي وراكي، بصي شوفي بيئة مشجعة او تجبرك او تزقك لجو المذاكرة والشغل، لازم تعرفي برضوا ان مزاجك او الحماس تعتمديش عليه ابدا ، انتى ممكن تقرأي نصايح او فيديو او حتى تحطي لنفسك خطة وتتحمسي وتذاكري فعلا بس اول ما الحماس بيروح انتي كمان بتكسلي، فاصلا المذاكرة والحاجات دي متعمديش على المزاج او الحماس ، وقولي لنفسك ان الحياة كدا كدا ماشية بظروفك الوحشة والحلوة وتفاصيلها الرخمة، فانتي لازم تقومي مفيش حاجة اسمها في نص فاهماني، يعني مثلا وراكي مهمة انك تذاكري نصف ساعة مثلا ، مفيش حاجة اسمها في نص هوا يا اما هتذاكري يا اما لأ، ولو حاولتي تذاكري خمس دقايق برضوا انتي مذاكرتيش برضوا النصف ساعة المهمة، هوا يا اما لأه او أه ،.... وأه دي على حسب كل واحد ، فيه واحد عايز يدخل كلية مش عالية اوي فبيذاكر على قد ده ، وفيه واحد كذا وفيه كذا، ... فذاكري كل يوم وذاكري على قد ما تقدري كتير ، طيب هذاكر كتير ازاي، يعني مثلا جربت واحد لما بيذاكر على مرتين او اكتر بيذاكر كتير جدا وبحصل كتير ، اما لما بيذاكر على مرة واحدة في نصف اليوم او آخره بيبقا صعب عليه يكمل تحصيل كبير مرة واحدة، فدي برضوا هتنفعك (بيئة بتحبرك وتساعدك على تحصيل الكتير)، المحاضرات مثلا لو انتي مستعجلة او عايزة توفري وقت ممكن تسرعيها x2 مثلا على حسب كل مادة، لما بتسرعي الفيديو مش هتفهمي حاجة طول ما انتي مش مركزة ، اما لما تسرعيه وتركزي كويس ولو فيه حاجة ملقطتهاش ترجعي تسمعيه وتكملي ده بيجبر دماغك انك يركز في الوضع ده (البيئة الي بتجبرك وبتساعدك)... ان انتي متناميش كتير اوي (بيجبرك تحصبا كتير) .... انك تصحي بدري (بيئة بتجبرك وتبساعدك انه بيخلي اليوم طويل فبتالي فرصة انك تذاكري تحصيل كتير عالي) ومش لازم صبح بدري اوي على حسب كل واحد ، فيه واحد بكتفي ب١٠ صبح او اقل او اكتر انتي الي بتشوفي المناسب
تم النشر الجمعة، ٦ نوفمبر ٢٠٢٦
السلام عليكم ورحمه الله وبركاته لو احنا في ثالثه ثانوي وما بننزلش من البيت ما بنغيرش مكاننا اغلب الوقت او طول اليوم فده هيخلينا ننام كثير واحنا في ثالثه ثانوي وقاعدين بس بنفكر في قد ايه احنا مضغوطين فهننام كثير عشان بنهرب من النوم لو احنا في ثالثه ثانوي ومش عاملين لنفسنا نظام متوازن النظام ده يكون فيه مذكره ويكون في اكل صحي مضبوط مش اكل اييي يؤذي جسمي او يصيبه بالخمول. لو احنا عاملين لنفسنا جزء ترفيهي مناسب لو احنا عاملين لنفسنا اجتماعيات مناسبه التوازن ده هو اللي يخلينا ما ننامش ما نعرفش بالنوم ولا نحس نفسنا ااا حسينا المذاكره ثقيله علينا او وقت الدراسه همم بيحسسنا بالضغط فبرضه نلاقي نفسنا مرهقين جدا من غير ما نعمل اي مجهود فنبقى عايزين ننام.
تم النشر الأحد، ٨ نوفمبر ٢٠٢٦
بصي هو عامه يعني التوتر بيسبب قلق والتوتر والقلق دول لما المخ يبقى متوتر او قلقان ما يلاقيش حاجه يعملها غير ان هو يستريح من التفكير بالنعاس فعشان كده الضغط بيسبب نعاس وخمول وكسل وكده يعني وبعدين المخ بيبقى بيلعب عليك لعبه ويحاول يطلع في دماغك الحاجات الوحشه ما تفكريش بحاجه وحشه خالص وفكري في حاجه ممكن نخليكي سعيده فكري بالنتائج الحلوه بس ما تفكريش بالنتائج الوحشه حتى لو درجاتك قليله لان المخ بالطريقه دي هيحاول يسيطر عليك وبعد كده انت تضيعي السنه على الفاضي بسبب ايه التوتر والقلق سيبيها على الله وتوكلي على الحي الذي لا يموت فيا صاحب الهم ابشر بخير فان الفارج الله❤
تم النشر الخميس، ٥ نوفمبر ٢٠٢٦
عليك بالاذكار الصباح والمساء وسماع سورة البقره يوميا وانتى تذاكرين مع الصلاه والقيام ربنا هييسر لك الامتحانات بإذن الله وتتفوقي ولا تتحدثي كثيرا عن مذاكرتك وانجازاتك أمام أحد حتى اهلك ، لا تختاري الجامعه بناء على المجموع ادرسي امكانياتك ومهاراتك واختاري الجامعه ولا بأس من طلب النصح من مدرسي الثانويه العامه ، حاولى المذاكره اول بأول مهما استطعت
تم النشر الأحد، ٨ نوفمبر ٢٠٢٦
يا بنتي، أولاً أحييكِ على إدراككِ للمشكلة ومحاولتكِ البحث عن حل، فالثانوية العامة سنة ضاغطة وكثرة النوم والخمول شائعة فيها بسبب التوتر أو عدم تنظيم اليوم. لا تيأسي، يمكنكِ السيطرة على هذا تدريجياً بخطوات عملية. ابدئي بوضع جدول يومي بسيط يرتبط بأوقات الصلاة ليكون أكثر انضباطاً، مثل الاستيقاظ مبكراً بعد الفجر لمراجعة مادة خفيفة، ثم تقسيم الدراسة إلى جلسات قصيرة مدتها 45 دقيقة تليها استراحة قصيرة لتناول وجبة خفيفة أو المشي داخل المنزل. ركزي على تناول وجبات متوازنة غنية بالبروتين والخضروات وتجنبي الوجبات الثقيلة قبل النوم، وقللي من استخدام الهاتف قبل النوم بساعة على الأقل لتحسين جودة النوم. جربي تحديد أهداف يومية صغيرة مثل إنهاء فصل واحد فقط، واحتفلي بإنجازها لتشجيع نفسكِ. إذا استمر الخمول، ابحثي عن أسئلة مشابهة على فدني للحصول على تجارب أخرى، وتذكري أن الاستمرارية أهم من الكمال. أنتِ قادرة على تجاوز هذه المرحلة بإذن الله. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٤ نوفمبر ٢٠٢٦
روحي اعملي تحاليل لانو ممكن يكون نقص فيتامينات ولو لا حاولي تخرجي تغيري المكان اللي بتقعدي فيه و تعملي اسلوب حياه مختلف عن الطبيعي بتاعك و ممكن تشوفي استشاري نفسي لانو ممكن تكون مشكله نفسيه، مش عايزه اقول اي كلام بس انا برضو بنام كتير اوي و ممكن اقعد يومين نايمه بسبب نقص فيتامين c و ده حله امبولات في الصيدليه بتتاخد مع الزبادي بس طبعا مع استشاره الطبيب الصيدلي و ان توريله التحاليل
تم النشر الجمعة، ٦ نوفمبر ٢٠٢٦
كلنا كده الايام دي لكن لو زياده عن اللوزم يبقي حقيقي نقص فيتامينات
تم النشر السبت، ٧ نوفمبر ٢٠٢٦
لعرض السؤال في فدني اضغط هنا