ما الأفضل لي؟
ان اذاكر المتراكم علي واترك الجديد أم ان اذاكر الجديد ولا اراكمه واترك المتراكم؟
السلام عليكم، إنك تتركي القديم خالص فده مش حل وهيزود المشكلة، وهتفضلي طول الوقت شايلة هم المتراكم وده هيضغطك أكتر ويخليكِ تسوفي حتى عن مذاكرة الجديد. مش لازم تخلصي المتراكم كله مرة واحدة عشان تبدئي الجديد، وازني خطة المذاكرة بحيث تجمعي بين الاتنين، ويكون التركيز الأكبر على المحاضرات الجديدة وتاخدي كل يوم جزء من القديم. مع الوقت إن شاء الله هتلاقيكِ أنجزتِ. ** لو فيه محاضرات مبنية على القديم ممكن تكتفي بقراءة الدرس المطلوب أو سماع الشرح سريعا أو تقرأي ملخص لأهم النقاط والقوانين عشان تفهمي بعد كده المحاضرة الجديدة. ** فيه أسئلة كتير على التطبيقات عن مذاكرة المتراكم ممكن تبحثي عنها وتستفيدي من نصائح الأعضاء فيها. وشوفي برضه إجابتي على السؤال ده، عن نفس الموضوع. https://www.fedni.net/q/29085186 وبالتوفيق إن شاء الله. 💚💚
تم النشر السبت، ٧ نوفمبر ٢٠٢٦
بص انا عندى اقتراح ليكى حاولى انك تكتبى المتراكم عليكى فى كل مادة وتحدد بالظبط اى الجزئية الى انت قصرت فيها يعنى مثلا دروس مسمعتهاش اصلا او دروس مذاكرتهاش وحليت عليها كدة يعنى وهتقسم المواد لجلسات تحدد وقت للمتركم وباقى الوقت للجديد يعنى فى نفس اليوم تذاكر جديد عشان متتاخرش وتجيب جزء من المتراكم قسم المتراكم على حسب قدرتك على الاستيعاب والصبر يعنى مثلا عندك بابين فى مادة لو عندك وقت خد نص باب فى المادة او باب لو معندكش قسم لدروس وبردوا هيفيدك جدا المعسكرات فى الأبواب بتلم كذا درس واهم شيئ نظم وقتك وابعد عن المشتتات وبذات التليفون وأصحاب السوء ونظم نومك ذاكر بدري بعد الفجر هيفرق معاك آسفة على الاطالة وربنا معاك يا بطلة 😊
تم النشر الأحد، ٨ نوفمبر ٢٠٢٦
ذاكري الجديد وهاتي المتراكم معاه بالتوازي لو مش مبني على بعضه .ولو مبني على بعض زودي المتراكم شويه ..بالتوفيق
تم النشر الأحد، ٨ نوفمبر ٢٠٢٦
الأفضل لكِ هو التوازن بين الاثنين، لكن مع أولوية واضحة للمادة الجديدة حتى لا يتراكم عليكِ أكثر. ابدئي بوضع خطة يومية بسيطة: خصصي 60-70% من وقت الدراسة للمادة الجديدة حتى تفهميها جيدًا ولا تتراكم، واستغلي الـ30-40% المتبقية لمراجعة المتراكم بطريقة ذكية (مثل تلخيص النقاط الرئيسية أو حل أسئلة سريعة بدل إعادة القراءة كاملة). إذا كان هناك امتحان قريب على المتراكم، زدي نسبته قليلاً في البداية ثم ارجعي للتوازن. المهم ألا تشعري بالذنب، فكل طالبة تمر بهذه المرحلة، والأهم هو الاستمرار بخطوات صغيرة منتظمة بدل محاولة إنجاز كل شيء دفعة واحدة. جربي هذه الطريقة لأسبوع ولاحظي الفرق، وإذا أردتِ نصائح أكثر تفصيلاً عن تنظيم الوقت يمكنكِ البحث عن أسئلة مشابهة في فدني.
تم النشر السبت، ٧ نوفمبر ٢٠٢٦
قسم ساعات المذاكرة بحيث انك توازن بين جزء من المتراكم وتراجع الجديد كله عشان ميتراكمش
تم النشر الأحد، ٨ نوفمبر ٢٠٢٦
ذاكري لجديد وتارجتِ ساعة يوميا للقديم وياريت تحطي جزء من درس علشان تعرفي تذاكري باستفاضه ويثبت معاكي وتحلي عليه.
تم النشر الأحد، ٨ نوفمبر ٢٠٢٦
لعرض السؤال في فدني اضغط هنا