انا ثانويه عامه وبجد نفسيتي وحشه اوي حاسه ان حوار المقارنه اللي بحط نفسي فيها بيجيبلي احباط بحس إن مهما ما شاء الله مستوايا حلو برضو بحس أن انا مش قدهم مع اني مش بحدد شخص بعينو بيبقى عموما أن في ناس مستواها اعلى مني ومقطعين نفسهم مذاكره وانا مهما عملت مش هبقي زيهم وعلاقتي بربنا مشتته وبعيده ومش عارفه اقرب وبيقولولي احفظي قرآن وان دا سر التوفيق انا عارفه بس بجد مفيش وقت
أولاً، أقدر شعورك ده جدًا، وأنتِ مش لوحدك فيه. الثانوية العامة ضغط هائل، والمقارنة بتيجي طبيعي لما المنافسة شديدة، لكنها فعلاً بتسرق الطاقة وبتزود الإحباط. خلينا نبدأ بخطوة عملية: كل يوم اكتبي 3 أشياء أنجزتيها في مذاكرتك، حتى لو صغيرة، عشان تركزي على تقدمك أنتِ بدل ما تقارني نفسك بغيرك. الناس اللي "مقطعين نفسهم" دول ليهم ظروفهم وقدراتهم، وأنتِ عندك قدراتك الخاصة اللي تستاهل التركيز عليها. بالنسبة لعلاقتك بربنا، أنا فاهمة إن الوقت ضيق، لكن التقرب مش لازم يكون حفظ قرآن كامل من أوله. ابدئي بخطوات صغيرة تناسب جدولك، زي سماع آيات قصيرة أثناء المذاكرة أو قبل النوم، أو قراءة صفحة واحدة يوميًا من مصحف صغير. ده بيجيب راحة نفسية وتوفيق، ومش هياخد وقت كبير. قولي لنفسك إن ربنا شايف جهدك، وهو اللي بييسر الأمور لما النية تكون صادقة. حاولي تقسمي يومك لفترات قصيرة: 45 دقيقة مذاكرة ثم استراحة قصيرة، واستخدمي الوقت ده لتذكير نفسك بإنجازاتك. لو الإحباط مستمر، فكري في استشارة متخصص نفسي لو أمكن، عشان تساعدك تتجاوزي مرحلة المقارنة دي. أنتِ قادرة، وكل خطوة صغيرة بتقربك من هدفك. استمري وخدي الأمور خطوة بخطوة.
تم النشر الاثنين، ١٦ نوفمبر ٢٠٢٦
حاولي تتقربي من ربنا وعليكي بقيام الليل وسيبيها على الله وحافظي على ورد القرآن وسبحي واستغفري دايما واجتهدي وخذي بالاسباب وتوكلي على الله ومتفكريش كتير وانتظمي في الصلاه واكتبي اسماء الناس اللي انتي شيفاهم أعلى منك وشخبطي عليهم وقولي لنفسك انا هكون افضل منهم
تم النشر الاثنين، ١٦ نوفمبر ٢٠٢٦
السلام عليكم تعالى نعرف سوا المقارنات بدأت منين عشان نقدر نساعدك اهلك او المحيط اللى انتى فيه بيستخدموا المقارنات طول الوقت؟ المقارنات مين بدأها ..انتى ولا حد من صحابك؟
تم النشر الاثنين، ١٦ نوفمبر ٢٠٢٦
يا بنت الناس بطلي مقارنات بنفسك وبغيرك عشان دي أكتر حاجة بتتعب النفسية وبتضيع التركيز وكل واحد ليه ظروفه وطريقه اللي ربنا كاتبهوله وسيبيك من اللي بيذاكروا طول اليوم وركزي في مصلحتك إنتي لوحدك وعلى قد ما تقدري اعملي اللي عليكي والباقي على ربنا ووقتك مهما كان ضيق شوية استغفار أو ركعتين في السريع هيفرقوا معاكي جامد ويهدوا بالك وبلاش ضغط عصبى عشان ثانوية عامة عاوزة راحة بال ومجهود على قد ما تقدرى من غير هوس وخليكي ماشية بخطوتك وربنا مش بيضيع تعب حد أبدًا.
تم النشر الاثنين، ١٦ نوفمبر ٢٠٢٦
عايز احاول افيد حضرتك، و لكن الأول عايز بس أعرف ليه بتقارني نفسك بزمايلك؟ و هل ليكي علاقة قوية بيهم؟
تم النشر الاثنين، ١٦ نوفمبر ٢٠٢٦
لعرض السؤال في فدني اضغط هنا