السلام عليكم ورحمه الله وبركاته،
أنا عندي مشكله وهي المقارنه وانو انا دايما بقارن نفسي بغيري على الرغم انو انا أساسا مش بحب اتقارن بغيري... خصوصا يعني في المذاكره وزمايل الدراسه... اعمل اي 🙂
لانو الموضوع بيتعبني وبروح مش قادره اذاكر وبفضل مدايقه كدا...
بجد ياريت حد يفيدني بـ حل 😩😕
و عليكم السلام و رحمة الله و بركاته قال تعالى « وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ » الدُنيا عبارة عن ماراثون كل متلاقي حاجه عند حد هتبصي تلاقي حد تاني عنده حاجه أعلى و هكذا و كل متبصي اكتر كل م رضاكي هيقل و هتبقي مش شايفه تماماً اي نعمه ربنا مديهالك و هتبطلي تشكري ربنا عن النعم.. و ساعتها هتفضلي كدا لحد م النعمه تُسلب منك و تزول ساعتها هتقدَّري بجد قيمتها بس بعد فوات الآوان، أنتِ نفسك قولتِ إن كونك بتبصي على زمايلك من حيث الدراسه خلاكي مش عارفه تذاكري ، و بكدا ممكن قله رضاكي و نظرك لغيرك جعلك تنسي فرصه التعليم المتاحه ليكي ، هتفضلي غير راضيه و بتبصلهم لحد م مستواكِ يقل و فرصتك في التعليم تخلص و أنتِ لسه محققتيش هدف ولا أستفادتي... [قُلْ هُوَ الَّذِي أَنشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۖ قَلِيلًا مَّا تَشْكُرُونَ] عشان ترضي بما قسمه الله لكِ بصي للنعم الي ربنا مديهالك بصر و سمع و صحة و كثيرر من النعم.. ، و في ناس كتيره غيرك بتُعاني و معندهاش النعم دي.. [ لَئِن شَكَرْتُمْ لَأَزِيدَنَّكُمْ ] لذلك أحمدي ربنا على كل النعم الي عندك و مش عند غيرك ، هيزيدك الله رضا و نعم و حاجات كتيره جداً خلي دائماً هدفك الأخره ، لإن الدنيا عمرها مهتبقا مثالية 100% مع حد ، ممكن تلاقي حد غني و لكن متكبر و غير راضي ، ممكن تلاقي حد مستواه دراسياً متفوق و كل الناس بتحبه و لكن بيته لا يخلو من المشاكل ، و هكذا.. حتى لو لقيتي حد حياته مثالية تماماً ف للأسف مش هيُنعم للأبد.. نعم الدُنيا كلها زائله و كدا كدا الشخص ده مسيره هيموت ذيه ذينا و يُسأل عن النعم و استعملها ف ايه .. قال النبي ﷺ : « من كانت الدُّنيا همَّه ، فرَّق اللهُ عليه أمرَه ، وجعل فقرَه بين عينَيْه ، ولم يأْتِه من الدُّنيا إلَّا ما كُتِب له ، ومن كانت الآخرةُ نيَّتَه ، جمع اللهُ له أمرَه ، وجعل غناه في قلبِه ، وأتته الدُّنيا وهي راغمةٌ » . و في النهايه حابه أقولك إن الغنى هو غنى القلب و ليس غنى الدُنيا ، ممكن حد فقير و غير متعلم تماماً و حياته غير مُستقره و لكن سبحان الله هو راضي و صابر جدا ،مُتطلع لنعم الأخرة و عنده زهد تجاه نعم الدُنيا ،يتمنى الغني ربع هذا الزهد و الرضا الي عنده . و بعتذر عن الإطاله و اتمنى أكون أفدتك و بالتوفيق 🤍
تم النشر الأربعاء، ١٠ ديسمبر ٢٠٢٥
جزاكي الله خيرا💗
تم النشر الاثنين، ٨ ديسمبر ٢٠٢٥
الحتة بتاع المقارنة دى وحشة طبعا لان مفيش اى بنى ادم شبه التانى وان احنا لنكمل بعض وبنحتاج بعض مفيش حد مش محتاج للتانى وكل واحد مكتوب قدره بسم الله الرحمن الرحيم "وفي السماء رزقاكم وما توعدون". يعنى كل واحد مش شبه التانى وكل واحد مكتوب هيكون اى كل اللى مطلوب توكل وتاخد بالاسباب انت مثلا اقول ان شاء الله هذاكر واعمل اللى عليا ومش مهم مين بيعمل اى انا بنفسي وتوكل على الله وفى الثانوى كلوا بيذاكر وممكن واحد يذاكر اكتر منك ويجيب أقل دى بتاع ربنا ربنا اللى بيختار لكل واحد قدره وربنا م هيدخلك مكان ما تقدرش عليه وممكن تدخل ومتكملش فيه فى ربنا سبحانه وتعالى له حكمه
تم النشر الأحد، ٧ ديسمبر ٢٠٢٥
وعليكم السلام ورحمة الله وبركاته، أول حاجة أحب أطمنك إن اللي بتحسيه طبيعي جدًا، وكثير من الناس بيحسوا بنفس الشعور، خصوصًا لما بيقارنوا نفسهم بالآخرين. المقارنة ساعات بتخلي الواحد يحس إنه مش كفاية، وده طبيعي، بس مش دايمًا مفيد. المهم تعرفي إن كل واحد عنده ظروفه وقدراته وإيقاعه الخاص، ومفيش حد ممكن نقارن نفسنا بيه بطريقة عادلة. ركزي على نفسك واشتغلي على هدفك وخلي عندك جدول صغير ومنظم للدراسة، وخدي فترات راحة. حاولي تبعدي عن المقارنة مع الآخرين وركزي على تقدمك الشخصي. ومهم كمان تحكي مع حد تثقي فيه لو حسيتي الموضوع مأثر عليك نفسيًا. أهم حاجة تعرفيها: تعبك ومجهودك ليهم قيمة مهما كانت النتيجة، وكل خطوة صغيرة بتعمليها بتفرق جدًا. 💛
تم النشر الثلاثاء، ٩ ديسمبر ٢٠٢٥
طول ما أنتي بتقارني نفسك بحد مش هتحسي أبدا بالرضا عن نفسك مهما عملتي فبتالي لازم الواحد يركز مع نفسه بس ربنا خلقنا عقول مختلفة وطبقات مختلفة لكن ممكن لو مثلا حسيتي بالتقصير تمشي مع ناس عالية عشان تتحفزي وتكملي
تم النشر الثلاثاء، ٩ ديسمبر ٢٠٢٥
تسلم والله 💚... جزاك الله خيرا🌸
تم النشر الثلاثاء، ٩ ديسمبر ٢٠٢٥
جزاكي الله خيرا حاضر
تم النشر الثلاثاء، ٩ ديسمبر ٢٠٢٥
.....
تم النشر الأحد، ٧ ديسمبر ٢٠٢٥
لعرض السؤال في فدني اضغط هنا