انا طالبة في الثانويه الازهريه أعاني من الاكتئاب بسبب اضطهاد عائلتي لي دائما ما يشجعون إخوتي وانا لا بس هم مش من الناحيه الماديه هم مش متأخرين في البدايه انا طالبه ومجتهده بطلع من الاوائل لكن بمجموع اقل من اختي الكبيره كانت ممتازه جدا وكان معلقين عليها امل بس هي لم توفق في الثانويه الازهريه دائما ما بيشجعوها واختي الاصغر مني بتطلع الأولي كل سنه ودائما بيشجعوها ويحفزوها اما انا فكنت بتكلم مع ماما وقد ايه انا نفسي اخش كلية طب راح ماما قالتلي فوقي يعني انتي هتخشي كلية طب ودائما ما بيجرحوني بالكلام على اساس اني لا احزن ولكن انا من الناس التي لا تحب ان تبكي امام احد ممكن اعيط مع نفسي دائما ما يجرحوني بك وبالفعل مثل ضربي من اجل اختي التي تبلغ من العمر تسع سنين من غير اعمل لها حاجه ومطلعيني ان انا بغير منها وممكن يضربوني عشانها عشان يرضوها نفسي في حد يشجعني يقول لي انت هتوصلي ولما اتكلم يقولوا لي انت قليله الادب ومش متربيه انا تعبت ومش قادر اذاكر وكل ما اجي اذاكر افتكر موقف بتاع ماما دائما ما يعطوا لاخواتي التشجيع نفسي مره يشجعوا اهدافي واحلامي نظرا لان اختي الكبرى لم توفق لكنها كانت تجيب درجات اعلى مني فهم يعتقدون اني كذلك لن اجيب لانهم لانها كانت متفوقه عني مش قادره اذاكر بسبب المواقف دي تعبت من وانا صغيره بيقعدوا يقولوا كلام عليا زي ان انا مش هوصل وياك انا حقك حلمي وان فاشله ومش فالحه مع اني بطلع من الاوائل كل سنه بس المركز اللي بجيبه مش عاجبهم مع اني ابذل قدر الامكان رجاء مش عارفه اعمل ايه عندي كتاب ومش قادره اذاكر بسبب الالام دي والجراح دي سواء كانت بالكلام او بالفعل مش مهتمين بيا خالص ولا بيسالوا على الدرجات ولا بيسالوا على اي حاجه بقعد افكر بيجي لي توتر ما اقدرش انام الليل كله بسبب التفكير
السلام عليكم، أولا ربنا معك ويوفقك في دراستك وحياتك كلها. بصي ساعات الأهل بيتعاملوا بطريقة مختلفة من ابن لابن لأسباب مختلفة ترجع لهم، وساعات بيستعملوا الأسلوب الجارح ده لتشجيع الابن على المذاكرة والمنافسة، يعني يقولوا للابن أنت فاشل وأخوك أحسن منك ولا فلان أحسن منك، ويفتكروا إنهم كده بيشجعوه يبذل جهد ويتحسن. فبلاش تضغطي نفسك أكتر من الناحية دي وتكتئبي، فكري بس إنهم بيستخدموا أسلوب غلط لتشجيعك على المذاكرة. *** هل حاولتِ تتكلمي معهم وتناقشيهم في اللي بيحصل منهم؟ أنتِ قلتِ لما بتتكلمي بيقولوا لك قليلة اللأدب ومش متربية. هل بتنفعلي في الكلام ولا بتتكلمي باندفاع واتهام لهم؟ لأن الأهل طبعا هيرفضوا إن ابنهم يعلي صوته وينفعل عليهم حتى لو بيطالب بحقه، وأي لوم أو اتهام بالتقصير هيخليهم ينفعلوا عليه ويطلعوه هو الغلطان كنوع من الدفاع عن النفس ونفي الاتهام. *** فجربي الأول كده استعيني بالله وادعيه واختاري وقت هادئ تتكلمي مع مامتك بهدوء وبدون انفعال أو تحسسيها إنك بتتهميها وصلي لها إن الكلام بيجرحك ومش بيشجعك وأنتِ بتحاولي تبذلي كل ما عندك وعاوزة تفرحيهم وإيه المانع لما يدعموكِ وهكذا. المهم من غير انفعال واتهام. *** لو برضه زعقت لك أو رفضت كلامك وبرضه فضلوا يتعاملوا بنفس الطريقة فافصلي تماما بين مذاكرتك وكلامهم. لا تنتظري منهم دعم وتجنبيهم قدر الإمكان في البيت وخليكِ مركزة على مذاكرتك وقللي احتكاك عشان متحصلش المواقف اللي بتخليهم يسمعوكِ الكلام ده. رتبي نفسك واعملي خطة للمذاكرة واجتهدي ومتشغليش نفسك بأي كلام سلبي ولا تربطي صورتك وثقتك بنفسك بكلامهم وآراءهم. خليكِ أنتِ واثقة بنفسك واعملي اللي عليكِ وأنتِ متيقنة إن ربنا مش هيضيع تعبك. خلي إنجازاتك هي اللي تتكلم وتدافع عنك وتثبت لهم إنهم كانوا غلط في حكمهم عليكِ. *** لو استسلمتِ للاكتئاب وأهملتِ دراستك فهتوصلي للنتيجة اللي هم بيخوفوكِ منها وهتثبتي لهم للأسف إن كان عندهم حق. فاثبتي العكس وخلي كل تركيزك وطاقتك على المذاكرة ومتفكريش في أي كلام أو ضغوطات. عارفة ممكن يكون الموضوع صعب بس هو مش مستحيل، تجاهلي أي كلام سلبي يتقال، دخليه من أذن وخرجيه من الأذن الثانية، ولا كأنك سمعتِ حاجة وادخلي أوضتك وفرغي طاقتك وإحساسك بالضيق من الكلام في المذاكرة باجتهاد وتركيز حقيقي. اعملي اللي عليكِ واسألي ربنا النجاح وإنه يهدي لك أهلك، وإن شاء الله يوفقك ويصلح كل أحوالك. بالتوفيق.💚
تم النشر الأربعاء، ٤ نوفمبر ٢٠٢٦
أختي العزيزة، أشعر بمدى الألم والإحباط الذي تمرين به بسبب معاملة عائلتك غير العادلة، وكيف أن جهودك وتفوقك لا يُقدران كما يستحقان، رغم أنكِ تخرجين من الأوائل كل سنة. هذا الضغط العائلي والمقارنات المستمرة يمكن أن يؤثرا على الثقة بالنفس والقدرة على التركيز، وهو أمر طبيعي أن يجعلكِ تشعرين بالتعب والتوتر الذي يمنعكِ من النوم أو الدراسة. لكن تذكري أن قيمتكِ لا تُقاس بآراء الآخرين، بل بما تبذلينه من جهد وإصرار، وأنتِ بالفعل طالبة مجتهدة تستحقين التشجيع. من منظور إسلامي، الابتلاءات مثل هذه جزء من الحياة، ويُذكرنا الله تعالى بأن الصبر والتوكل عليه يجلبان الفرج، كما في قوله "إن مع العسر يسرا". حاولي التركيز على أهدافكِ الشخصية مثل دخول كلية الطب، واجعلي ذلك دافعاً لكِ بدلاً من السماح للكلمات الجارحة أن تسيطر. عملياً، قسمي دراستكِ إلى أجزاء صغيرة يومية، وسجلي إنجازاتكِ اليومية في دفتر خاص لتذكير نفسكِ بقوتكِ، واستخدمي الدعاء والاستغفار لتهدئة التوتر الداخلي. كما يمكنكِ البحث عن أسئلة مشابهة على فدني للحصول على وجهات نظر إضافية تدعمكِ. أنتِ قادرة على الوصول إلى حلمكِ، فالإصرار الذي أظهرتِه رغم كل هذا يثبت قوتكِ. ابدئي بخطوة صغيرة اليوم، مثل مراجعة درس واحد، وتذكري أن الله يرى جهدكِ ويُكرم الصابرين. إذا استمر الشعور بالإرهاق، فكري في استشارة متخصص نفسي لدعم إضافي. أنا هنا لأساندكِ، وأنتِ لستِ وحدكِ في هذا.
تم النشر الأربعاء، ٤ نوفمبر ٢٠٢٦
لعرض السؤال في فدني اضغط هنا