السلام عليكم ،
أنا حاليا بتقابلنى مشكلة وهي انى مش بستمر فى حاجة كل ما انوى انى هعملها بجدية بفشل فيها تعبت من كتر المحاولات
أنا تانية بكالوريا والمفروض انى عندى حلم ولازم اذاكر واجربت نفسى بشتى الطرق كل اسبوع بكتب تسكاتى وكل يوم بكتب التودوليست الاول كنت بقلل من التليفون حاليا بعدت عنه خالص بقالى اسبوع فصلاه يعنى مش بمسكه نهائي
حاولت اراقب نفسى واشوف وقتى بيروح فين بذاكر بطريقة البومودور مثلا 120 دقيقة مذاكرة وربع ساعة بريك المهم انى فى النهاية جربت كل حاجة مفيدة قربت من ربنا اوى كل فروضى فى وقتها واذكارى ودايما بشغل قرآن جنبى وبدعى كتير فى النهاية ممكن يوم يكون عندى الحماس عالى اطلع ب 10 ساعات ده آخرى عارفة ان عدد الساعات مش مقياس وان الكمية اهم من الوقت بس انا بحب احسب لنفسى
آجى تانى يوم عكس اليوم الاول تماما مش بحصل 4 ساعات بالعافية زى ما قولت ان مفيش اى مشتتات حواليا هو بس التابلت اللى بذاكر عليه مفيش اى حاجة مشتته عليه غير اليوتيوب حاولت اوقف السجل وأعمل ليه تايمر فى اليوم ميفتحش بعده بردو بستسلم شتان بين الشخص اللى بيقوم عنده حماس والشخص اللى بيضيع ساعة واتنين على اليوتيوب آخر الاسبوع بلاقى 13 ساعة على اليوتيوب بس بحس انى هبله اوى منين عندى حلم ومنين بضيع الوقت ده كله كان زمانى حليت فى كتاب ولا عملت اى حاجة مفيدة بس للاسف الندم مش بيرجع حاجة ووقت ساعتها بيجى فى دماغى ان بالمنظر ده مش هوصل لحاجة
وبتبدأ ثقتى فى نفسى تقل وافتكر صحابى اللى ما شاء الله احسن منى كتير ثقتى تقل اكتر نفسى بس أستمر على حاجة دايما اصحى بدرى كل يوم مش يوم ويومين لا أذاكر كل يوم 10 ساعات مش يوم ويوم لا وبالمناسبه دول يعتبر حاجة متوسطة او عادية انا حرفيا مفيش حاجة فى حياتى غير المذاكرة وكلها اونلاين
ساعات بيكون عندى حماس واكمل وانا حابه وساعات تانية لا مفيش حماس خالص واقول مش مشكلة هكمل بردو اول ما احس بشوية انجاز اليوم كله بيضيع على حساب "بكافئ نفسى "
إيه الحل تعبت من كمية الخطوات اللى بقرر أعملها ومش بكمل عليها وبستمر وأقول يمكن تظبط هتظبط المرة الجاية لحد ما بقع خالص واضطر ابدأ من الصفر .
عليكم السلام ورحمة الله و بركاتة، قبل إى شئ عايز اوصلك معلومة، لكل إنسان فينا طاقة، الطاقة ديه زيها زي البطارية لو خلصت لازم تتشحن و الا اكيد هنفضل فاصلين، فلازم نخلي بالنا كويس من مقدار طاقتنا و الا هنلاقي نفسنا رخينا جامد في نص الطريق باسرع وقت. -- نيجي بقى لسؤالك ليه أنا مش بعرف انتظم و اليوتيوب عملي مشكلة! نبدأ أول حاجة بالانتظام، من كلامك حابب اعرفك أنك كده أنتي منتظمة و زي الفل و عشرة على عشرة كمان، إى ده؟ بس أنا مش بعمل نفس المجهود كل يوم 🥲، بظبط جدعه ديه المشكلة فعلا، يعني إى؟ يعني زيها زي تليفونك لما تمسكية طول اليوم بيكون عايز يشحن فأكيد هتضري تسيبية ساعتين أو تلاتة لحد ما يشحن في حالتك أنتي، أنتي بشكل لا واعي أنتي بتاغدي راحة من الضغط اللي أنتي فيه فمش بتعملي تفس المجهود بنتظام لأن بكل صراحة 10 ساعات كتير أوي و كمان ساعتين ورا بعض و بعدها ربع ساعة بس بريك!، مهوو، مهو إى بس أنتي شغالة حرق في نفسك 😂😂، أنا متفهم جداً أنك عندك حلم و شايفة أنك لو مسعتيش بالشكل ده مش هتوصلي، ولكن لو كملتي حرق في نفسك كده، هتقعي من طولك في مره من المرات، لأنك حارمة نفسك من حاجات كتير، لازم ترتاحي، لازم تستمتعي، لازم تعيشي مش كل يومك في المذاكرة، حتى لو تقعدي شوية مع اهلك، أو تكتري اوقات الراحة، مش فاكر معلومة قراتها إن اقصى حاجة ممكن نوصل ليها في التركيز بشكل متواصل هيا ساعتين، فبعد الساعتين لازم راحة، لازم نسترجع الطاقة، و مش لازم 10 ساعات في اليوم ممكن 5 او حتى 4 او 3 كمان، لأ لأ أنت هتوديني في داهية اسكت، معنى النقطة دي اللي هو 10 ساعات بس بحرق نفس ملهااااش لازمة، طيب جربي كده أسبوع تعملي مثلاً 30 دقيقة مذاكرة و 10-15 دقيقة راحة و هكذا، و شوفي الفرق، و تو دو ليست جميلة جداً ولكن لما تكون مليانة كتيييير جداً بتكون مش حلوه نهائي. -- طيب بالنسبة لليوتيوب، بصي أنتي قولتي 13 ساعة في الاسبوع، على قد ما فعلا لو قللتي منه هتعرفي تعملي حاجات تانية ولكن برضوا نرجع لأول نقطة أنني بتضغطي على نفسك جااامد و حاطه نفسه مش قدام المدفع لأ ده انتي المدفع و بتحاولي تصيبي نفسك كمان، اللي ممكن تعمليه أنك مثلاً تشيلي اليوتيوب من الشاشة متخلهوش قدام عينك، و تقفلي الإشعارات، و بيني و بينك كده تابلت المدرسة ده مبرتاحلهوش😂😂، ذاكري على ورقه و قلم أفضل، ايوا طيب و الدروس الاونلاين، لو في لابتوب أو كمبيوتر جميل، مفيش خلاص امرنا لله و نروح لعموا تابلت. -- و اخيرا حاولي تخرجي، شمي نفس، و روحي عن نفسك بلاش الكاتمة دي، مش معنى أنك عندك هدف تقتلي نفسك في الطريق 😂😂، براحةمش كده، هو برافوا عليكي والله ولكن لازم تتنفسي شوية و الا نفسك هيتقطع من الخنقة، يعني مثلاً اخرجي، اقرأي، اتفرجي على مسلسل (شكلك نفسك تبقي دكتورة ارشحلك مسلسل اسمه The good doctor)، العبي لعبه، اقعدي مع اهلك، اعملي حاااجة مفيهاش تفكير وخلاص😂😂🤣. هسيبك صور تحت يمكن تشرح كلامي أو توصلك معلومة جديدة. وبس اتمنى يكون في فائدة...
تم النشر الخميس، ١٢ نوفمبر ٢٠٢٦
وعليكم السلام ورحمة الله، يا بنتي. أول حاجة أحب أقولها لكِ: اللي بتمرّي بيه طبيعي جدًا ، ومش دليل على إنكِ فاشلة أو إن حلمكِ بعيد. كتير من الطالبات في الثانوية العامة بيحسوا بنفس التقلب ده، خاصة لما يكون الضغط عالي والنتيجة مرتبطة بمستقبل كبير. المهم إنكِ مش بتستسلمي، وده في حد ذاته قوة. المشكلة مش في الطرق اللي جربتيها (البومودورو، القوائم، البعد عن الموبايل…)، المشكلة في التوقعات العالية جدًا اللي بتحطيها على نفسكِ من أول يوم. لما تقرري "هذاكر 10 ساعات كل يوم"، الدماغ بيحس إن المهمة ثقيلة، فيحصل الانتكاسة. الحل إنكِ تبدئي بأرقام أصغر وأكثر واقعية، مثلاً 5-6 ساعات يوميًا بشكل ثابت، وبعد أسبوعين تزودي ساعة. الاستمرارية أهم من الكمية، والله يبارك في القليل المنتظم. بالنسبة لليوتيوب، جربي طريقة مختلفة: حددي له وقت ثابت قصير جدًا (مثلاً 20 دقيقة بعد الظهر) واستخدمي خاصية "التركيز" أو "Do Not Disturb" على التابلت، وخلّي اليوتيوب يفتح بس في الوقت ده. كمان، لما تحسي إنكِ عايزة "تكافئي نفسكِ"، خلّي المكافأة شيء غير اليوتيوب، زي إنكِ تشربي مشروب تحبيه أو تتفرجي على مشهد قصير من مسلسل مفضل. ده بيقلل الشعور بالذنب. وأخيرًا، ثقتكِ في نفسكِ بتتأثر لما تقارني نفسكِ بغيركِ. كل واحدة ليها ظروفها وقدراتها، وربنا مش بيحاسبنا على إنجاز الآخرين. استمري في الدعاء والقرب من الله، وفي نفس الوقت خلّي يومكِ فيه "فوز صغير" واحد على الأقل (حتى لو 4 ساعات مذاكرة). ده هيبني عندكِ إحساس بالإنجاز تدريجيًا. لو عايزة أفكار إضافية أو طرق عملية أكتر، ابحثي عن أسئلة مشابهة على فدني، هتلاقي تجارب كتير مفيدة. أنتِ قادرة، وكل محاولة فاشلة بتعلّمكِ حاجة جديدة. استمري بهدوء وثقة.
تم النشر الخميس، ١٢ نوفمبر ٢٠٢٦
والله انا شايفك بتجتهدي كويس فاستمري على ده واوعى تضيعي العادات الي عندك دي ،، اسمعي المحاضرة مرة واحدة وحلي كتير، يعني الحل افضل من انك تقعدي تلخصي كتير او مش عارف اقولهالك ازاي بس يعني انا مثلا سمعت محاضرة وحليت كتير انا كدا خلاص بقيت كويس... وحتى ممكن يعني تسمعي الفيديو 2x بالذات مستر انجلشاوي لو شغلتيه 2x واهم حاجة تركزي هتفهمي عادي وطبعا لو فيه حاجة ملحقتيس تسمعيها او تفكري فيها ارجعي عشر ثواني او ثبتي ايدك اضغطي زرار enter لحد ما تستوعبي وبعدها كملي ، المخ على فكرة هتلاحظي انه لما تشغلي فيديو بسرعة عالية مخ وهو بيسمع ممكن تحسي ولو شوية انه 1x ولما ترجعيه بقا فعلا 1x بتحسي الصوت ابطئ وفي خلال دقايق مخك بيرجع يسمع ال1x 1x عادي، واهم حاجة عشان تعرفي الحماس ده بيطلع وينزل عمروا ما هيثبت لا على ده ولا على ده، والاهم ن ده ه كلو خليكي واعية اني متضيعيش العادات دي بسهولة، وبرضوا خلي بالك، ولو تكلمي اصدقائك تشجعوا بعض وتتابعوا مع بعض ده بيبقا ضمان انك تلتزمي في المذاكرة ومش هتقعي ، كنت شوفت طالب مع مستر عبد المعبود كان بيقولك ان سبب انه بقا من الاوائل جمعورية انه كان في مدرسة داخلية يعني عايش في بيئة مشجعة جدا ،وصلواتك فروض متنساهاش، وذاكري بذكاء الطريقة الأكثر فعالية واقل مجهود، يعني مثلا لو انتي بتفهمي بطريقتين وطريقة الاولى اوفر عليكي في طريقة الاولى
تم النشر الخميس، ١٢ نوفمبر ٢٠٢٦
لعرض السؤال في فدني اضغط هنا