السلام عليكم،
انا لسه مخلصه تالته ثانوي ودخلت كليه الحمد لله وكان عندي ميدترم النهاره وجبت 18 من 20 وكان الاختبار سهل جدا فحاسه اني فاشله ومش عايزه اكمل تعليم حاسه ان مهما ادرس واحاول بفشل تعبت في تالته ثانوي وبعد ما شوفت النتيجه حسيت اني متعبتش خالص وبدأت أشك ف مجهودي، حاسه ان دا مش طريقي ولا نافعه فيه وخايفه اتعب اهلى معايا على فاضلي تاني
السلام عليكم، حاسة بفشل عشان الامتحان كان سهل جدا ورغم كده نقصتِ درجتين؟ إيه المشكلة لو نقصتِ درجتين وليه تتعاملي مع الأمر إنه فشل؟ بلاش دخلي نفسك في تعقيدات المثالية عشان لو دخلتِ فيها مفيش أي حاجة هتعمليها بعد كده هترضيك ولا هتحسي بطعم أي إنجاز وهتكون أكبر عقبة في طريق نجاحك. متشكيش في مجهودك وركزي بس تعملي اللي عليك، مش مطلوب غير السعي وملكيش دنوة بالنتيجة، إن شاء الله ربنا بيضيع تعب حد ولا مجهوده. رتبي نفسك واعملي خطة مرنة وبلاش تضغطي نفسك بالتوقعات والمثالية وركزي إزاي تتعلمي وتستفيدي من المجال اللي بتدرسيه وتكوني علامة فارقة فيه إن شاء الله. وبلاش أفكار سلبية زي أنا فاشلة أو مش نافعة وده مش طريقي، خلي أفكارك إيجابية عشان نفسك تقدر تتحرك فعلا تجاه النجاح. واستعيني بالله وجددي نيتك من الدراية وربنا يوفقك لكل خير إن شاء الله.💚💚
تم النشر الثلاثاء، ٣ نوفمبر ٢٠٢٦
وعليكم السلام ورحمة الله، يا بنتي. أول حاجة أحب أقولها لك إن شعورك ده طبيعي جدًا بعد سنة تالتة ثانوي اللي بتكون ضاغطة على الجميع، وإنك جبتِ 18 من 20 في أول ميدترم ده إنجاز كبير مش فشل. الاختبار كان سهل، بس ده مش يعني إن مجهودك ضاع، بالعكس، ده دليل إنك قادرة تتعاملي مع المواد بثقة أكبر. كتير من الطالبات بيحسوا بنفس الشكوك دي في بداية الكلية، خاصة بعد تعب الثانوية، وده مش معناه إن التعليم مش طريقك، لكنه غالبًا رد فعل للضغط اللي مريتِ بيه. خلينا نفكر مع بعض بطريقة عملية: جربي تكتبي في مذكرة صغيرة كل يوم إنجازاتك البسيطة، حتى لو كانت مجرد حضور محاضرة أو فهم درس واحد، عشان تعيدي بناء الثقة في مجهودك. وتذكري إن الله يرى تعبك ويثيب عليه، فاستعيني بالدعاء والتوكل عليه، وخدي خطوات صغيرة زي تنظيم جدول دراسي مرن يناسب طاقتك، بدون ما تحملي نفسك فوق طاقتها. لو حسيتِ إن الكلية فعلاً مش مناسبة، فكري بهدوء في البدائل المتاحة بعد ما تكملي السنة الأولى، لكن متاخديش قرار سريع يأثر على أهلك، وشاركيهم مشاعرك بصراحة عشان يدعموكِ. أنتِ مش فاشلة، وتعبك في الثانوية كان حقيقي ومثمر، والحمد لله على دخولك الكلية. لو عايزة تتكلمي أكتر عن مخاوفك أو طرق تنظيم الوقت، أنا هنا. ولو حابة تشوفي تجارب مشابهة، ابحثي عن أسئلة مشابهة على فدني عشان تلاقي وجهات نظر إضافية. أنتِ قادرة، وهتتجاوزي الشكوك دي إن شاء الله.
تم النشر الاثنين، ٢ نوفمبر ٢٠٢٦
انا فعلاً لو كنت قفلت مكنتش هسعد بيها وكنت هعتبر ان دا عادي لانه سهل ومش محتاج ومش هحس بالانجاز فعلا، معاكم حق الحمد لله على كل حال وهحاول اكون رحيمه اكتر بنفسي
تم النشر الثلاثاء، ٣ نوفمبر ٢٠٢٦
ي حبيبتى درجتك مش وحشه وتعبك ظاهر كمان يعني اكيد في غيرك مش جابو الدرجه دى وكانو بيذاكرو دى منك انتى مش شرط تقللى من نفسك عشان دى ولو انتى فعلا مكنتيش فاهمه وكويسه فى مجالك دا مكنتيش هتاخدى 18من 20هى مش هتيجى بالحظ انتى اتعلمى من الى غلطتى فيه ومتسمحيش للشيطان انه ياثر عليكى حتى وانى عامله إلى عليكى احمدى ربنا وقولى فى غيرى مجبهاش وكملى مذاكره عادى وقولى أنا استحق عادى وهتفرحى اهلك خلى الاصرار جامد من عندك انتى وطلعى الوسوسه دى من دماغك والله لو كنتى جايبه 20من عشرين الشيطان مش هيبعد عن الوسوسه وتحطيم ذاتك عشان يقل شغفك لا انتى عرفتى تحلى كلمى ومتقلقيش انتى لو مش كنتى شاطره مكنتيش جبتى 18 والغلطه اتعلمى منها
تم النشر الثلاثاء، ٣ نوفمبر ٢٠٢٦
حقيقي دا مش فشل أو أي حاجة سلبية الاغلاط هتتعلمي منها كتير ويمكن الموضوع أنتِ نفسيًا مرهقة فملكيش اي طاقة لأي حاجة ودا ماثر عليكِ، ممكن تجربي تذاكري برا البيت في أماكن جديدة تشجعك اكتر، وأنتِ بتعملي اللي عليكِ كفاية انك بتفكري كدا وبتقلقي حاولي تبصي انك جبتي 18 مش مثلًا 8 مش لازم نسعى ورا الكمال حقيقي طريق آخره إرهاق واسمعي لجسمك بيقولك ايه قد ايه هو مرهق وقد ايه عقلك مش مستوعب اي كم جديد فمتجيش على نفسك كدا وبراحة عليها
تم النشر الثلاثاء، ٣ نوفمبر ٢٠٢٦
لعرض السؤال في فدني اضغط هنا