راكمت كل المواد واكثر من نصف المنهج ومش عارفه اعمل ايه وكمان مبقتش بطيق اقعد علي الكتاب خمس دقايق علي بعض ومش عارفه اذاكر ازاي.
السلام عليكم، مبقتيش تطيقي تقعدي خمس دقائق عشان الضغط والتفكير في المنهج المتراكم، فعقلك لازم يهرب من الضغط ده بالتسويف في أي حاجة وبإحساس الملل والزهق فتقومي من على الكتاب. ** الحل إ نك توقفي تفكير في كم المتراكم اللي وراكِ وتبدئي خطوة بخطوة. "ما لا يُدرك كله لا يُترك جُله" مش معنى إنك مش قادرة تخلصي كل حاجة كاملة في وقت واحد إنك تتركي كل حاجة تماما. ابدئي واعملي خطة مذاكرة مرنة وقسمي المتراكم بحيث تاخدي كل يوم جزء ولو بسيط مع المحاضرات الجديدة، اعملي مثلا ثلثين وقتك للجديد وثلث للقديم، لو فيه محاضرات قديمة مبني عليها محاضرات جديدة ابدئي بها أو على الأقل اسمعي شرحها بسرعة أو اقرئي ملخص لها عشان تقدري تفهمي المحاضرات الجديدة. ** ممكن تستعيني بأي تطبيق ذكاء اصطناعي وتعرفيه المواد اللي عندك ومراكمة منها قد إيه والوقت المتاح عندك للمذاكرة وتطلبي منه يعمل لك خطة مذاكرة مرنة تجمع بين مذاكرة الجديد والقديم. اطلبي منه يسألك عن التفاصيل أو المعلومات اللي محتاج يعرفها قبل ما يضع الخطة. *** واستعيني بالله أهم حاجة ومتقلقيش، القلق والضغط هم اللي بيخلوكِ تهربي من المذاكرة، والشغف في المذاكرة مفقود بسببه، لا تنتظري الشغف يبدأ وابدئي أنتِ بخطوات بسيطة وإن شاء الله مع الوقت هتلاقيكِ خلصتِ الجبل اللي كان مخوفك. *** فيه أسئلة كتيرة على التطبيق عن مذاكرة المتراكم ممكن تبحثي عنها في شريط البحث وتستفيدي من النصائح اللي فيها، بالتوفيق. 💚
تم النشر الخميس، ١٢ نوفمبر ٢٠٢٦
ذاكر اون لاين ممكن يكون الموضوع احلى او مع اصحابك فتشجعوا بعض اخرج ذاكر فى كافيه مثلا فى جنينه او حديقه مكان تكون مرتاح فى وفيك طاقه ايجابيه اعمل لنفسك جدول بما انك مراكم وكل ما تخلص حاجه اشطبها علشان متفضلش تايه انا كنت ثانوى وكل حاجة بتعدى عامة خد الموضوع ببساطه متغطش نفسك
تم النشر الخميس، ١٢ نوفمبر ٢٠٢٦
أختي العزيزة، أفهم تمامًا شعورك بالإرهاق والضغط من تراكم المواد في منتصف الفصل، خاصة مع فقدان الشغف الذي يجعل الجلوس أمام الكتاب أمرًا صعبًا. هذا أمر شائع يحدث لكثير من الطالبات، ولا يعني أنكِ فاشلة أو غير قادرة، بل هو إشارة تحتاج إلى خطة عملية لإعادة السيطرة تدريجيًا. ابدئي بتقييم الوضع بطريقة واقعية: قسمي المنهج المتراكم إلى أجزاء صغيرة جدًا، مثل صفحتين أو ثلاث صفحات فقط في كل مادة، وركزي على الموضوعات الأساسية أولاً بدلاً من محاولة تغطية كل شيء دفعة واحدة. حددي جدولًا يوميًا بسيطًا يخصص وقتًا ثابتًا للدراسة، مثل ساعة صباحًا وساعة مساءً، مع التركيز على مادة واحدة في كل جلسة لتجنب الشعور بالإرهاق. استخدمي تقنية "الخمس دقائق" المعدلة بأن تبدئي بقراءة سريعة أو تلخيص نقاط رئيسية فقط، ثم تزيدي المدة تدريجيًا عندما تشعرين بالتقدم، وكافئي نفسكِ بعد كل إنجاز صغير باستراحة قصيرة أو نشاط تحبينه. لاستعادة الشغف، تذكري أن النجاح يأتي بالاستمرارية وليس بالحماس الدائم، فاستعيني بالله وادعي أن ييسر لكِ الأمر، وجربي تغيير مكان الدراسة أو استخدام ملخصات بسيطة أو أسئلة سابقة لجعل المذاكرة أكثر تفاعلاً. إذا استمر الشعور بالإحباط، ابحثي عن أسئلة مشابهة على فدني للحصول على تجارب أخرى قد تساعدكِ في التكيف. أنتِ قادرة على تجاوز هذا، خطوة بخطوة، وستشعرين بالتحسن مع الالتزام.
تم النشر الخميس، ١٢ نوفمبر ٢٠٢٦
اقرأي قران وقربي من ربنا ولو مسيحه قربي من دينك وتدعي ربنا الفهم وحاولي تسيبي الموبايل ع قد م تقدري حتى لو م هتذاكري
تم النشر الجمعة، ١٣ نوفمبر ٢٠٢٦
شكرا جدا ان شاءلله في ميزان حسناتكم
تم النشر الجمعة، ١٣ نوفمبر ٢٠٢٦
لعرض السؤال في فدني اضغط هنا