مساء الخير
انا بنت عندي 22سنه
اشتغلت كتير وقليل وف مجالات كتير وربنا يعلم الي كنت بمر بيه عشان امشي الدنيا بس وصلت لمرحله بقيت بشتغل عشان مصلحة الشغل مش مصلحتي وقتي كله للشغل بعد كدا مفيش وقت لحاجه تانيه وانا حاليا ظروف بيتي مش احسن حاجه الحاجه الوحيده الي باخذها من البيت هي النوم بس بصرف على نفسي ولو معايا زياده بحط ف البيت بدرس بس مش قادره انتبه لدراستي بسبب الشغل الفكره ان المرتب كان 7000وبسبب الإرهاق البدني والنفسي لأني حاسه اني مش بتقدم قررت اسيب الشغل واشوف حاجه وقتها اقل بس الي مكنتش عامله حسابه ان وقت اقل يعني فلوس اقل يعني بدل 7000هتبقى 5000ومواصلات واكلي وشربي وحياتي كلها هتمشي بال5000جنيه وانا عندي التزامات وعايزه اخد كورس لغه ينفعني جنب الوظيفه وعندي مشاكل ف البيت ونفس استقل واعمل بيزنس او اشتغل ف حاجه تريحني
ماديا اقدر اساعد بيها اهلي حاسه اني مشتته ونفسيتي بايظه مبقتش عارفه اعمل ايه وكل مرا بأهداف جديده وكل مرا خطه تبوظ اغيرها انا مش بعتمد على حد ومعنديش حد اعتمد عليه اصلا مش قادره اوفق بين دراستي او
شغلي ولو درست مش هعرف اصرف على دراستي ولو اشتغلت مش هلاقي وقت لدراستي ليه اصحاب الوظايف ميبقاش رحيمين شويه ويقدرو الي بيشتغل معاهم انا ابقى بحط كل طاقتي وانت واخد وقتي وبعمل كل حاجه عشان اطلع شغل كويس وخدمة محترمه ليه مفيش تقدير ليه الرواتب قليله كدا متعيش طفل رضيع عايش مع أهله
مساء الخير يا بنتي، أول حاجة أحب أقولها لك إن اللي بتمرّي بيه مش سهل أبدًا، وإنك لحد دلوقتي بتحاولي وبتصرفي على نفسك وبتساعدي أهلك رغم الضغط ده يدل على قوتك وإصرارك. الإرهاق اللي بتحسّي بيه طبيعي جدًا لما الشغل بياخد كل وقتك وطاقتك بدون تقدير أو مقابل كافي، ومش غلط إنك تفكّري في تغيير الوضع. خلينا نبدأ بخطوات عملية صغيرة عشان ما تحسيش بالتشتت اللي بتوصفيه. أول حاجة، حاولي تعملي قائمة بأولوياتك دلوقتي لمدة 3 شهور قادمة بس (مش أهداف كبيرة جديدة كل مرة). مثلاً: هل الدراسة أولوية أساسية ولا الاستقرار المالي أولاً؟ لو الدراسة مهمة، شوفي لو فيه فرص شغل جزئي أو مرنة (زي الفريلانس أو شغل من البيت في مجالك) تقدري توازني بينها وبين الدراسة، عشان الـ5000 ما يضغطوش عليكي أكتر. كمان، قسّمي ميزانيتك الشهرية بوضوح: حددي مصاريف الأساسيات (مواصلات، أكل، التزامات البيت) وخلّي جزء صغير للكورس اللي نفسك فيه، حتى لو كورس أونلاين رخيص في البداية. من ناحية نفسية، الشعور بالضياع ده بيحصل لما بنحط كل طاقتنا في مكان واحد بدون نتيجة ملموسة، فجربي تركزي على مهارة واحدة في الوقت الحالي (زي اللغة) وتطوريها تدريجيًا عشان تفتحلك أبواب أفضل، وتذكّري نفسك إن الرزق بيجي بالسعي والتوكل على الله، مش بالضغط المستمر. أنتِ مش لوحدك في الإحساس ده، كتير من البنات في سنك بيواجهوا نفس التحديات، فلو حابة تشوفي تجارب مشابهة، ابحثي عن أسئلة مشابهة على فدني عشان تاخدي أفكار إضافية. أنتِ قادرة تتجاوزي المرحلة دي خطوة بخطوة، وأنا هنا لو عايزة تكملي الحديث.
تم النشر الأربعاء، ٤ نوفمبر ٢٠٢٦
انت وفرتي عليا كلام كتير اوي محبوس جوايا ومش عارف اقوله ، نفس السن وبعيش تقريبا نفس المعاناة ونفس الضغوضات والمسؤليات وكل حاجة من صغري وانا ف 6 ابتدائي ونا بشتغل وبصرف ع نفسي وبساعد اهلي حاسس بضغط ومسؤلية كبيرة تجاه نفسي واهلي ولازم اكون احسن واحد ف كل حاجة كاني شخص عنده ٣٠ سنه عايز اعيش لنفسي واحقق ولو حاجة واحدة م ال بحلم بيها ، حاسس اني مش انا بقيت حاسس ان فيا حاجة غلط وغلط كبير .. بس بعد كل دا بقول الحمد لله يمكن ربنا كاتبلنا الخير وحاجات احسن في المستقبل ولازم اسعي مهما حصل ، انا كنت اتمني اساعدك بشكل اكبر بس انا لسا بسعي ف طريقي لحد م اوصل لهدفي ، واحب اطمنك يمكن دا خير ليك وخلي عندك امل ف بكرا ، لعل الله يجعل بعد عسرا يسرا ،، اسف ع الإطالة
تم النشر الأربعاء، ٤ نوفمبر ٢٠٢٦
لعرض السؤال في فدني اضغط هنا