مش عارفه أبدأ حياتى مش عارفه أبدأ شغل متخرجة بقالى تلت سنين ومش قادره اشتغل
السلام عليكم، طيب أنتِ أصلا عاوزة تشتغلي بشهادة تخرجك ومش عارفة لأسباب تتعلق بالخبرة مثلا أو عدم استعدادك بسيرة ذاتية مناسبة ولا عدم وجود فرص؟ ولا كمان فكرتِ في العمل الحر على الإنترنت ومش عارفة تبدئي منين؟ *** لحياتك عموما، ممكن أقترح عليكِ تشوفي نموذج عجلة الحياة المتوازنة وتقعدي مع نفسك بهدوء وتقيمي نفسك وحياتك من كل الجوانب وتشوفي إيه اللي محتاج يتغير وإيه الأولويات اللي لازم تبدئي بها وبلاش تفكري إنك لازم تغيري كل حاجة في نفس الوقت أو تعملي تغيير جذري خلال وقت قصير. التغيير بياخد وقت وجهد ومحتاج منك صبر واستمرارية. هتشوفي المشاكل والحاجات اللي محتاجة تشتغلي عليها وتحددي الأولويات وتبدئي تقسمي الأهداف لخطوات صغيرة وتمشي واحدة واحدة. فيه شروحات كتير على يوتيوب لعجلة الحياة المتوازنة ممكن تسمعيها وتبدئي وإن شاء الله تساعدك في تحقيق نجاح وتوازن في حياتك. دي بعض الفيديوهات👇👇 https://www.youtube.com/results?search_query=عجلة+الحياة+المتوازنة ********** بالنسبة للشغل، لو عاوزة شغل تبع مجال تخرجك فشوفي إيه المشاكل اللي بتواجهك وممكن تتناقشي مع الذكاء الاصطناعي فيها وتخليه يعمل لك خطة مرنة وبخطوات مرتبة وبالمصادر من أول الاستعداد وعمل السيرة الذاتية لحد البحث عن فرص العمل والتقديم عليها، وممكن تتابعي جروبات الخريجيين وفرص العمل تبع مجالك وتاخدي من خبراتهم وتسألي على أي حاجة مواجهاكِ. لو فكرتِ تشتغلي أونلاين، أكاديمية ابن سينا كانت عاملة مبادرة العمل من المنزل للسيدات، ده رابط المحاضرات على تليجرام https://t.me/workremotelyfreelance/61 وكمان دي قناة فيها فيديوهات مهمة عن العمل الحر وإزاي تلاقي فرص عمل فيه. https://www.youtube.com/@ClickYourFuture/playlists ******** وسواء اشتغلتِ في مجالك أو أونلاين، هيفيدك جدا تعملي حساب على لينكد إن وتنشري عليه معلوماتك وخبراتك وتعملي شبكة علاقات من نفس المجال اللي ناوية تشتغليه والمجالات القريبة من مجالك تتفاعلي معهم بانتظام بحيث تظهري وتتعرفي، ده هيساعدك جدا في إيجاد فرص عمل من خلال العلاقات. *** أرجو أكون أفدتك، وإن شاء الله تحققي النجاح والتوزان اللي محتاجاه في حياتك. بالتوفيق.💚💚
تم النشر الاثنين، ٥ أكتوبر ٢٠٢٦
السلام عليكم طيب خلال الثلاثة سنوات هل كنتِ ثابتة وما كان في تغير، أعتقد لو ألقيتي نظرة هتلاقي نفسك عملتي حاجات كتير بلاش نظرة الإحباط والعجز وإنك معملتيش حاجة! مطلوب منك تفهمي نفسك شخصيتك قدراتك حياتك طبيعة روتينك. لو مثلًا عندك عادات سيئة اتخلصي منها القراءة رائعة حاولي تاخدي كورسات في مجالك عشان تعرفي تشتغلي. اللغة مهمة جدًا جدًا حاولي تبدأي صفحة جديدة مع نفسك.
تم النشر الاثنين، ٥ أكتوبر ٢٠٢٦
أفهم تمامًا شعورك بالعجز بعد ثلاث سنوات من التخرج، وهذا أمر شائع يؤثر على الجانب النفسي والاجتماعي والصحي معًا. نفسيًا، الضغط الناتج عن "البداية" يجعل الدماغ يرى المهمة كبيرة جدًا، فتبدأين بالتأجيل. اجتماعيًا، قد تشعرين بالعزلة أو المقارنة مع الآخرين، بينما صحيًا يؤثر التوتر على النوم والطاقة. لنبدأ بخطوات عملية صغيرة وواقعية تناسب قيمك الإسلامية التي تشجع على السعي والتوكل. ابدئي بتقسيم "بدء الحياة" إلى مهام يومية بسيطة: خصصي ساعة يوميًا لتحديث سيرتك الذاتية أو تعلم مهارة مطلوبة في سوق العمل (مثل برامج أساسية أو لغة إنجليزية). لا تنتظري الوظيفة المثالية؛ ابحثي عن فرص تطوعية أو مشاريع صغيرة في مجال تخصصك لتكتسبي خبرة وثقة. هذا يساعد نفسيًا على بناء الإنجاز تدريجيًا، واجتماعيًا على توسيع دائرتك المهنية دون ضغط. صحيًا، ركزي على روتين يومي منتظم: تناولي وجبات متوازنة، ومارسي نشاطًا بدنيًا خفيفًا مثل المشي، مع الحفاظ على نوم منتظم. هذا يعزز الطاقة ويقلل القلق. تذكري أن التوكل على الله مع الأخذ بالأسباب هو مفتاح النجاح، فابدئي بخطوة واحدة اليوم مثل كتابة ثلاث وظائف محتملة وتقديم طلب لإحداها. يمكنك البحث عن أسئلة مشابهة على فدني للحصول على آراء إضافية، وإذا احتجتِ دعمًا مستمرًا في خطواتك، أنا هنا.
تم النشر الاثنين، ٥ أكتوبر ٢٠٢٦
لعرض السؤال في فدني اضغط هنا