نفسي انظم وقتي وحياتي بس واحده واحده ومش عارفه ابدا ازاي او مش بكمل للاخر او بحط حاجات كتير وانا حامل في الشهر الخامس وعندي طفلين وعايشه في بيت عائله ونفسي اصلح كل جنب من حياتي للاحسن بس مش عارفه اعمل ايه اللي عندو نصيحه ليا يقولي
السلام عليكم، أولًا، كان الله في العون وإن شاء الله يعينك وتقدري تنجحي في هدفك وتوازني كل جوانب حياتك. بالنسبة لسؤالك، ففيه كم نقطة لازم تضعيها برأسك حتى تقدري تكملي ولا تتعرضي لفتور أو ملل. التغيير بيحتاج وقت، فلازم يكون عندك الصبر والاستمرارية إلى أن تحققي النتيجة. أحيانًا تأخر النتيجة وتعجلنا عليها بيجعلنا نتوقف للأسف لكن إذا كان هدفك النهائي والصورة المتخيلة لنفسك وحياتك قُصاد عينيك طول الوقت فده بيقويكِ ويصبركِ لحد ما توصلي. التغيير بيحتاج تدرج، إذا راكمتِ كل شيء على نفسكِ وفكرتِ إنك هتقدري تنفذي كم كبير من الأهداف المختلفة في نفس الوقت فتكوني غلطانة وبتحكمي على نفسك بالفشل من البداية.. زي ما قلتِ بكلامك فوق بتحطي حاجات كتير فمش بتكملي. اعرفي أكتر عن نموذج عجلة الحياة المتوازنة، اللي صورته موجودة تحت سؤالك، دي عجلة الحياة المتوازنة وفيها بتقسمي حياتك لست أو ثمان أقسام (ديني (روحاني) - أسري -اجتماعي - صحي - نفسي - عقلي - مهني - مالي) لازم الأول تعملي تقييم لجوانب حياتك وتشوفي إيه أكتر جانب منها واقع ومحتاج إصلاح وتضعي خطوات لإصلاحه وتبدأي تاخدي هدف بهدف وتشتغلي عليه. ده مقال عن عجلة الحياة هيفيدك وهتلاقي فيديوهات كتير على يوتيوب بتشرحها بتفصيل أكتر وهتساعدك إزاي تقيمي جوانب حياتك وفيها اقتراحات لخطوات تصلحي بها المشاكل الموجودة في كل جانب. ابدئي بالجانب الديني والروحاني لأن علاقتك بربنا كل ما كانت أحسن وكل ما كنتِ فاهمة معنى عبادتك وسبب وجودك في الحياة باقي جوانب حياتك هتتظبط تدريجيًا. https://hadeflife.com/تمرين-عجلة-الحياة-المتوازنة/ أهم من اللي فات ده كله، إن التغيير لازمه الاستعانة بالله عز وجل ومفيش تغيير من حال إلى حال أو قوة للتغيير إلا بالله ومن الله، عشان كده ابدئي بإنك تستعيني بالله وتدعيه يرزقك التوفيق في حياتك وتجددي نيتك من أهدافك. وبإذن الله تقدري تحققي كل اللي عاوزاه وتوصلي لأفضل صورة من نفسك وحياتك. بالتوفيق.
تم النشر الأربعاء، ٢٣ أبريل ٢٠٢٥
صدقيني اصلحي علاقتك بربك الأول وهتلاقي كل حاجه ماشيه سلسه ولو علاقتة مع ربك حلوه برضه خليها تبقى احلا مثلا تصدقي او تاكلي حيوانات الشوارع تساعدي الجار تساعدي الناس تساعدي الزوج او عيلته تحطي وقت لي الفراغ تتكلمي فيه مع عيلة زوجك وتحسني العلاقه معاهم
تم النشر الجمعة، ٢٥ أبريل ٢٠٢٥
عزيزتي، أقدر ما تشعرين به من تحديات ومسؤوليات متعددة في هذه المرحلة من حياتك. إليك بعض النصائح التي قد تساعدك في تنظيم وقتك وحياتك بشكل أفضل: تحديد الأولويات : ابدئي بتحديد ما هو الأكثر أهمية بالنسبة لك. يمكنك كتابة قائمة بالمهام والأهداف التي ترغبين في تحقيقها، ثم رتبيها حسب الأولوية. تقسيم المهام : حاولي تقسيم المهام الكبيرة إلى مهام أصغر وأكثر سهولة. هذا سيمكنك من تحقيق إنجازات صغيرة تساعدك على تحقيق الهدف النهائي. إنشاء جدول زمني : استخدمي تقويماً لتنظيم مهامك اليومية. حددي وقتاً محدداً لكل مهمة والتزمي به قدر الإمكان. اجعلي لنفسك أوقاتاً للراحة. استغلال المساعدة : إذا كان ذلك ممكنًا، حاولي الاستفادة من مساعدة العائلة في بعض الأمور. هذا سيساعدك على تفريغ بعض الوقت للتركيز على نفسك أو مهام أخرى. الاعتناء بنفسك : لا تنسي أهمية العناية بنفسك. حاولي قضاء بعض الوقت في ممارسة أنشطة ترفيهية تفضلينها أو حتى في التفكير السليم واتخاذ قرارات أكثر وضوحًا. تقبل التغيير : تذكري أن تنظيم الحياة قد يحتاج إلى بعض الوقت، لذا كوني صبورة ومرنة مع نفسك. إذا كنت بحاجة إلى دعم إضافي، قد يكون من المفيد التحدث مع أخصائية اجتماعية أو مدربة حياة لضمان تقديم الدعم المناسب لك في هذه المرحلة. اتمني لك كل الخير والتوفيق في مساعيك لتحقيق التوازن في حياتك.
تم النشر الأربعاء، ٢٣ أبريل ٢٠٢٥
اعملي لنفسك وقت تستريحي فيه تصفني مع نفسك وتقولي اللي في نفسك في ناس بتستريح مع ورقه وقلم وفي اللي بيستريح لما يتكلم مع نفسه اعمل لنفسك وقت تعملي فيه حاجه بتحبيها انا احيانا بيبقى عندي لخبطه ومش بعرف اعمل لنفسي وقت بس اخر ما بزهق بدخل الحمام واكلم نفسي في سري عشان محدش يسمعني واقول انا نفسي في ايه وايه اللي هطلع من الحمام هعمله
تم النشر الجمعة، ٢٥ أبريل ٢٠٢٥
استعيني بالله اولا وحافظي علي فروضك واطعي زوجك فهو فرض عليكي واستعيني بالله اولا ثم خودي بالاسباب والله المستعان وفقكي الله واعانكي يا اخيه وجزاكي الله خيرا ولا تنسيني من صالح دعواتك
تم النشر الخميس، ٢٤ أبريل ٢٠٢٥
لعرض السؤال في فدني اضغط هنا