السلام عليكم
عندي مشكلة اني بربط كل حاجة في حياتي ببعض بمعنى اني لما اظبط نومي وانتظم في الصلاه بقرأ قرآن واذاكر واهتم بصحتي واكلي وشكلي وانضف اوضتي واسمع بودكاستس دينيه كل حاجة في حياتي بتبقى بيرفكت حرفيا حرفيا افضل كدا فتره وفجأة مثلا يوم مصحاش الفجر واصحى متأخره فأفوت الصلوات باقي اليوم فاتضايق فأكل اكل مش صحي فاتضايق اكتر فاسمع اغاني فاتضايق اكتر فمذاكرش فاتضايق اكتر وهكذا واعمل ذنوب اكتر واكتر أنا اصلا في العادي مش بعملها او مش بتثير شهوتي خالص بس حرفيا اي ذنوب وخلاص
عارفه ان دا ضعف بيسببه الشيطان ووسوسته بس أنا بجد مش عارفه ابطل اربط كل حاجة ببعض الرجوع بيكون صعب صعب بجد عاوزه حل بجد او حد يدلني على كتاب او بودكاست او درس ديني اي حاجه بجد علشان دورت كتير وكل اللي بلاقيه بيتكلم او بيشرح الموضوع بس ولا حد قال العلاج
وعليكم السلام ورحمة الله. أولاً، أنا فخورة بيكِ إنكِ بتحاولي تحسني حياتكِ كلها، وده دليل على إيمانكِ وقوتكِ. المشكلة اللي بتواجهيها شائعة جدًا، وهي ربط كل حاجة ببعضها (الكل أو لا شيء). الشيطان بيستغل الزلة الواحدة عشان يوسوس ويخلّي الرجوع صعب، لكن الحل مش في الكمال، بل في الاستمرارية والرحمة مع نفسكِ. نصيحة عملية: لا تربطي كل شيء ببعضه : لو فاتكِ الفجر، قولي "أستغفر الله" فورًا وصلّي، وكملي يومكِ عادي. الزلة الواحدة مش بتفسد اليوم كله، ده مجرد وسوسة. ركزي على "خطوة واحدة" كل مرة، زي إنكِ تصلحي الصلاة بس، والباقي يجي تدريجيًا. التوبة السريعة : كل ما تقعي، ارجعي فورًا بالاستغفار والدعاء. الله يحب التوابين، وده بيضعف وسوسة الشيطان. ابدئي بصغير : ركزي على عادة واحدة يوميًا (مثل النوم المبكر)، ومتتوقعيش الكمال. الإسلام دين يسر، مش عسر. جربي تسمعي دروس عن "الرحمة بالنفس" و"التدرج في الإصلاح"، أو اقرئي كتاب "لا تحزن" لعائض القرني. لو عايزة دعم أكتر، ابحثي عن أسئلة مشابهة في فدني، أو استشيري خبير نفسي أو ديني من صفحة الخبراء: https://www.fedni.net/experts. أنتِ قادرة، وكل خطوة صغيرة بتقربكِ للأفضل. 💛
تم النشر الثلاثاء، ١٩ مايو ٢٠٢٦
https://www.facebook.com/groups/892795606624451/?ref=share&mibextid=NSMWBT
تم النشر الخميس، ٢١ مايو ٢٠٢٦
طيب متلعبى مع الشيطان بطريقته آسف ف الوصف يعنى فاتك الفجر صلى الصبح وصلى الضحى و ممكن تصومى تطوع ف اليوم ده ال يفوتك فيه الفجر ، الشيطان هيعرف إنك لو فاتك شيء هتعوضيه بشيء أثقل عليه وأبواب الخير كثير
تم النشر الثلاثاء، ١٩ مايو ٢٠٢٦
كتاب العادات الذرية، عندك قناة أحمد أبو زيد، بودكاست إيه المشكلة، في حاجات كتير جدًا على اليوتيوب مفيدة في مثلًا علي محمد علي عامل حاليًا حاجات كتير عن النوم،
تم النشر الثلاثاء، ١٩ مايو ٢٠٢٦
وكمان جزئية الذنوب مش مبرر إن اليوم باظ أقوم أعمل ذنب يدمر حياتي كلها فكري في عواقب الأمر على باقي حياتك لأن في يوم وليله حياتك هتكون رائعة الموضوع محتاج وقت، حتى لو يومك باظ عادي حاولي تاني وتالت لحد ما توصلي بس متهديش دا كله في يوم
تم النشر الثلاثاء، ١٩ مايو ٢٠٢٦
تقبلي أن محدش بدأ حاجة وأستمر فيها وكان مثالي أكيد مفيش حد كدا بيكون في ملل وتغيرات حياتيه وإرهاق فـ أنتِ كوني واقعية وحاولي مع نفسك كتير جدًا النهاردة عملتي حاجة أستمري عليها لمدة شهر بعدين ضيفي عليها حاجة تاني وتالت المهم شيلي من دماغك فكرة أنا لأزم أعمل كل حاجة كويسة، ممكن تعملي حاجتين في يومك بس وطول اليوم بتحاولي إنك تظبطي اليوم
تم النشر الثلاثاء، ١٩ مايو ٢٠٢٦
لو محتاجة كتاب يساعدك العادات الذرية بيعلمك إزاي تعملي العادات العادة الأولى بعد ما تستمري عليها تبدأي في العادة الثانية وتربطي العادات ببعض يعني ممكن تعملي حاجتين مع بعض المهم بجد حاولي تتخلصي من موضوع الربط أو المثالية
تم النشر الثلاثاء، ١٩ مايو ٢٠٢٦
أنتِ محتاجة تكوني متدرجة وترضي بـ قدراتك التدرج هيكون عبارة عن أول خطوة مثلًا صلاة الفجر يوميًا في معادها بعدها ممكن تنامي أو مثلًا خطوة خطوة وتقعدي الوقت الـ بعد الفجر تكملي الـ وراكِ.
تم النشر الثلاثاء، ١٩ مايو ٢٠٢٦
وعليكم السلام، هو مش ربط دا مثالية أنتِ عايزة تمشي حياتك بـ مثالية، خلينا أقولك خير الأمور الوسط اليوم الـ كل حاجة كانت فيه متظبطة أكيد مش هيكون علطول يعني لأزم تقعي مرة واتنين
تم النشر الثلاثاء، ١٩ مايو ٢٠٢٦
لعرض السؤال في فدني اضغط هنا