سلام عليكم ورحمه الله وبركاته
انا بنت عند ٢٠سنه طول عمري بحس إني كائن منبوذ في العيله دايما ما ليش رأي محدش بيسمع ليه اصلا ولو قاعده هزار وضحك خلال ما اقعد فيها اسمع سخريه وتهزيق وانتقادات لدرجه ان انا ما بقاش عندي شخصيه
شخصيتي ضعيفه جدا اقل حد ممكن يخلي نفسيتي في الارض لحد ما دخلت الجامعه حاولت اتجنب العيله وابعد عنهم بقيت منعزله في الاوضه وبحاول اصلح شخصيتي اللي اتدمرت انمي في قدراتي ولكن ده ما كانش عاجب العيله
قال ايه انت ليه قاعده لوحدك مع اني لو قعدت معاهم ولا هم بيكونوا مرتاحين بالاخص يعني هي مش العيله هي ماما دايما عايزاني نسخه منها وانا مش عايزه ابقى نسخه منها مشيت في حاجات غلط وانا عارفه ان هي غلط بس رجعت صلحتها تاني
كل ما احاول اصلح حياتي تبوظ من كل ناحيه سواء عيله دراسيه وهرجع لنقطه الصفر هل لازم أكون نسخه من حد ازاي امشي في حياتي من غير مشاكل انا بتكلم دلوقتي والنفسية تحت الصفر لان عندي مشاكل عائليه المتغيبه عن امتحان فاينل في جامعة الحياه قدامي مسدوده انا بتكلم دلوقتي ومش عايزه حل عشان انا عايزه اتكلم مع حد حد يسمعني بس
السلام عليكم ورحمه الله وبركاته الحاجات اللي بتكون موجوده خلينا كده نوصفها بالوصف اللي انا عارفه انك حاسه بيه حاجات مستفزه جوه البيت اللي احنا عايشين فيه او جوه الاسره الصغيره او العائله الكبيره الحاجات دي بيبقى قدامنا حاجه من الاثنين في نظرتنا دي يا اما إن احنا نشوف الحاجات دي ان هي يعني سلاسل مسلسلانه ومثبتانه في الارض او حواجز منعنه نهائي ان احنا نتحرك لقدام او بيكون قدامنا ان احنا نشوفها بس شويه عقابات يعني عامله كده زي الحجاره اللي ممكن تكون في الارض واحنا ماشيين في الشارع هل هفضل واقفه قدام الحجر ولا هعدي من فوقيه وهل هقابل حجر ثاني وممكن رجلي تتجذع واتك عليها شويه لحد ما اقدر احس ان انا احسن وهكذا وهكذا ايه الحاجات دي بتكون عقبات نظرتك هي اللي هتفرق انت شايفاها بانهي شكل شايفاها حاجات مسلسلاكه ومثبتاكي والحياه مستحيله طالما الوضع بالشكل ده. يبقى مش هنعرف نوصل لحاجه وهيبقى الموضوع زي ما انت بتقولي كده بحس ان انا برجع للصفر تاني او هبقى شايفه ان هي عقبات رغم ان الحاجات دي مستمره رغم ان هي ما بتتغيرش الا ان انا بتحرك لقدام حتى لو حاسه بالقلم ايوه حتى لو حاسه بالقلم حتى لو رجليه مجدوعه دلوقتي. فشوفي انت حابه تحطي انهي نظره وانهي فكره في دماغك هتلاقي نفسك تطورك وتحسنك بيختلف تماما ليه لان احنا بنتحرك عن طريق افكارنا وافكارنا هي اللي بتطلع مشاعرنا فالموضوع متكامل كده مع بعض اللي انت عاوزاه يحصل يزرعي له الفكره المناسبه وهتلاقي الموضوع مشي بشكل تلقائي معاكي وبشكل سلس اكتر. هجاوبك على كم سؤال كده جوا التفاصيل بتاعتك هل انت لازم تكوني نسخه من حد لا خالص مش لازم تكوني واضحه من حد بس خلي بالك من حاجه بقى ممكن وانت بتهربي انك تكوني نسخه من شخص معين لان هو طول الوقت بيدفعك ان انت تكوني نسخه منه او طول الوقت بيتكلم عن نفسه يا ريت تعملي زيه علشان حياتك تبقى كويسه هتبقي بتخسري حاجات في النص ليه لانه الشخص اللي قدامك ده اكيد في حاجات كويسه وحاجات وحشه فانا مش محتاجه ابعد عن نسخه الاشخاص كلها بالكامل ولكن انا ممكن يعني اشوف ايه اللي انا مش حابه اكون شبهه فيهم الشبهه فيه انا ممكن اتبنى منه صفات جميله اخذه قدوه في صفاته هو بيعملها اخده قدوه في افكاره وهو بيفكرها وامشي بنفس الطريقه يعني انا لما اجي اقول لك حلوه قوي السلسله اللي انت لابساها دي هل بالضروره لازم اخذ منك السلسله بالكامل لا طب هلا اقول لك فين جبتيها منين بالظبط انا عايزه اجيب واحده شبهها تيبيكال. دي طريقه دي طريقه اللي هو انا هاخذ النسخه الكامله او ممكن اشوف ان انا عجبتني فكره السلسله وهدور على حاجه تشبهها وهجيبها وهلبسها وهكون مبسوطه لما هقابل الشخص ده مش هكون متضايقه لما اقول لها بصي انا علشان كده عجباني السلسله بتاعتك انا جبت حاجه شبهها كده طبعا هي اكيد مش من نفس المكان ومش شبه بالظبط وفيها اختلافات لكن هي بنفس الستايل او يعني بنفس الشكل او بنفس الذوق فده ما بيبقاش فيه مشكله خالص فخلي بالك وانت بتقولي انا مش عايزه ابقى شبه حد او بتقولي انا عايزه ابقى شبه ده ومش شبه ده انك ما تبقيش بتخسري خساره كامله وتكوني جوه الموضوع بتكسبي بنسبه تفيدك وتفرق معاكي بشخصيتك.
تم النشر الأحد، ١٨ مايو ٢٠٢٥
بصي يا بنت الحلال الفات عمره ما هيغير الحاضر او المستقبل اهم حاجه دلوقتي تركزي ف اهم حاجه وهي علاقتك مع ربنا ولم ترضي ربنا اعملي اللي يرضيكي والناس واهلك خليهم اخر حاجه ف حياتك عشان محدش بينفع حد انا ف سنك بردو وعديت بظروف زي دي و اصعب بس الحمدلله
تم النشر الأحد، ١٨ مايو ٢٠٢٥
وعليكم السلام ورحمة الله وبركاته، اختي الغاليه كوني نفسك متبقيش زي حد متخليش حد يحاول يخليكي نسخه منه مع احترامي لوالدتك بس لازم يكون لكل منا وجهة نظر ورأي مختلف عشان يكون في تميز وكدا ، وكمان مبادء حطيها لنفسك بحيس محدش يعدي حدوده معاكي ، بالنسبه لقعدتك لوحدك مش هي الحل خالص الحل الأفضل من وجهة نظري انك تختلطي بناس كويسين يدعموكي يسندوكي ، حاولي اسمعي بودكاست اقرأي طوري من نفسك شوفي الدنيا عامله ازاي وايه رأيك في الي بيحصل فيها، خليكي مع ربنا دايما داومي على ذكر الله والصلاة والدعاء وقرأة ورد من القرآن الكريم كل يوم ، خلي السلبيات دي بالنسبة ليكي ولا حاجه اسمعي من هنا وطلعي من هناك لان دا مش هيفيد هيأذيكي وبس حاولي خليهم يغيروا طريقتهم دي معاكي انصحيهم بالحسنه وربنا يهديهم ، تعرفي ممكن كمان تحولي تفتحي بزنس صغير كدا مع نفسك أو لو عندك اي هواية استفادي منها دا حاجه حلوة اوي تخليكي تتعرفي على شخصيات وناس محترمه وجديدة وهتعلمك كتير في حياتك تقدري لو حابه تشتغلي اي حاجه عموما الاختلاط بالناس هيديكي تجارب وخبرة وهيساعد في بناية شخصيتك وكدا، بحب اقرأ للدكتور ابراهيم الفقي دا ممتاز اوي وغيرة كمان في ناس محترمه كتير وهتفيدك صدقيني ، الشخصية القوية مش الي تقدر تضحك الناس اكتر ولا هي بعلو الصوت واني قادرة اخلي حد يبقى اضحوكه ايا كان بقا بالتنمر عليه أو التريقة في كلتا الحالتين دا ضعف من وجهة نظري وشخص عندة نقصان ، الشخص السوي والمميز هو الي بيكون هادي وراسي ، يتكلم في المهم والمفيد وقت الجد يكون جد ، وبيتكلم بهدوء تحسيه وقت الكلام واثق كدا مش هامه حد ، بيقول الحق ومش بيخاف، بيجبر بالخاطر ومش بيكسر الناس ويتريق عليهم ، بيدعم الناس ويكون طيب مع الكل مش مع ناس اه وناس لأ ، وببساطه لان دا بيكون تربيته وطبعه مش بيتصنع، وقت الهزار بتلقيه متفعال عادي معاكم بس مهما كان مش بيجرح حد حتى لو هزار لانه عارفه ضرر كدا على اي حد ،بيكون شخص ليه رأي مش ماشي ورا الي بيمشوا وخلاص، يقدر يقول لأ مش بيجي على نفسه ولا بيتكسف عشان الي قدامه ميزعلش، فاول حاجه تعمليها تفضلي قريبه من ربنا دا يخلي ثقتك عظيمه، تاني حاجه اقرأي كتب تطوير ومن دا وحاولي خدي جزء جزء وطبقيه في الواقع مع الي حوليكي واتعرفي على ناس جداد زودي دايرة معارفك وطبقي معاهم وشوفي ردات الفعل هل ايجابيه ولا سلبيه حاولي من تاني لو وقعتي متستسلميش ومتيأسيش ابدا للشيطان الي عاوزنا نفضل محبطين وكارهين كل شئ ، خلي رحمة ربنا تدخل قلبك اسمعي كلام ربنا وخلي مبادئك من الدين الاسلامي ومن تجاربك في الحياة الي مريتي بيها ،اقعدي كدا مع نفسك وشوفي انت بتحبي التصرف دا من الناس طب مش بتحبيه ليه طب خلاص انا كدا بقا عندي رد فعل لو حد تصرف تاني معايا كدا ويكون موقفي ايه مثلا يعني، في مواقف جديدة هتمري بيها عتعلمك برضو ، ممكن تسمعي تجارب ناس تانيه وعملوا ايه عشان يتخطوا كل دا وبالتوفيق يا حبيبة قلبي وربنا يزيدك من علمه ويرزقك من فضله ويجعل ايامك الجايه كلها فرح وسرور لقلبك غاليتي متحبطيش نفسك وأنت شخصية محترمه وعندك رأي بس الناس للأسف مش بيقدرو ومتضعفيش واستمري وربنا يجعلك بخير دائما
تم النشر الأحد، ١٨ مايو ٢٠٢٥
وعليكم السلام ورحمة الله وبركاته، عزيزتي، أشعر بعمق ما تمرين به من ألم وحزن، وأريدك أن تعلمي أن كلامك وصلني بكل صدق وشعور. أحياناً يكون مجرد أن تتحدثين مع شخص يفهمك ويصغي لك هو ما تحتاجينه بالضبط، وما أجمل أنك قررتي تأتي هنا وتتحدثي. من خلال كلامك، أرى أنك تحملين عبء ثقيل من الإهمال العاطفي وقلة الدعم في بيئتك العائلية، وهذا شيء مؤلم جداً لأن الأسرة هي المكان الذي نحتمي فيه ونتلقى الدعم. كذلك، أن تشعري أنك بلا شخصية أو أن كل ما تبذلينه من جهد لا يلقى تقديراً، يجعلك تشعرين بالضعف والوحدة، وهذه مشاعر طبيعية جداً في ظروفك. دعيني أقول لك بعض الأشياء التي قد تساعدك في هذه المرحلة، حتى لو كنتِ لا تبحثين عن حلول حالياً، بل فقط تحتاجين لصوت يسمعك: أنتِ لست نسخة من أحد، أنتِ أنتِ بالذات، وهذه القيمة لا تقدر بثمن. لا تجبري نفسك على أن تكوني نسخة من أمك أو أي شخص آخر، فهذا لن يجعلكِ سعيدة أو مكتملة. أنتِ أكثر من مجرد رأي العائلة أو السخرية، كل إنسان له قيمته ولكِ الحق في أن تعيشي بطريقتك الخاصة وتحققي ذاتك. الشعور بالضعف النفسي طبيعي مع ما تمرين به، لكن تذكري أن هذا ليس انتهاك لنهاية الطريق، بل بداية رحلة جديدة نحو بناء ذاتك بأسلوبك الخاص. الانفراد أحياناً مؤلم، لكن يمكن أن يكون فرصة لتكتشفي نفسكِ أكثر. خصصي وقتا بعيداً عن الضوضاء حتى تكتشفي ما تحبين وما تودين تحقيقه، حتى ولو كان خطوة صغيرة. مشاعر الاحباط والفشل من الامتحانات أو المشاكل الدراسية ليست نهاية العالم، كل شخص يمر بفترات صعبة، ولكنك يمكنك التعلم منها والنهوض منها أقوى. أنا هنا لأستمع لك، وأتمنى إنك تستمري في التعبير عن مشاعرك وعدم الانغلاق فيها. وإذا شعرتِ أن الأمور تحتاج دعماً أعمق، فيمكنك دائماً الاطلاع على خبراء نفسيين في تطبيق فدني، حيث يوجد متخصصون يمكنهم مساعدتك في هذه المرحلة بدعم نفسي محترف. هل ترغبين أن نتكلم أكثر عن كيفية بناء شخصيتك بثقة؟ أو كيف تبدأي خطوات بسيطة تعزز ثقتك بنفسك؟ أنا معك بكل خطوة. خذي وقتك، وأنا هنا معك بكل ود واهتمام. ذكية
تم النشر السبت، ١٧ مايو ٢٠٢٥
لعرض السؤال في فدني اضغط هنا