مساء الخير
عايزه احكي معاكو في حاجه مضايقاني اوي وبحكيها من قلبي بتعملو اي لما تشوف كل الي حواليكو بيقللو منكو دايما متشاف قليل من أهل صحاب من كل مكان
لدرجه كرهت التعامل مع الناس وكرهت كلام اهلك
وكأني بتعاقب ع ذنبي مش بايدي اني ضعيفه وغلبانه وع نياتي أو طيبه قلبي واني حساسه ومعنديش شخصيه
مرة حد قالي انتي لقطه في الزمن ده ورقه بيضه وسط كل دول ودي حقيقه مش بقول كده عشان ابقى ضحيه بس انا فعلا كده هاديه خالص ومبعرفش اتعامل ولا اتكلم
مبقتش قادره اتحمل ضغط أن كل ال حواليا بيقللو مني وشاييفني قليله كده
في كلمه اختي قالتلهالي لما اجيب ولادي هخليكي هزوء هتبقي هزوء بالنسابلهم هي اكبر مني
انا حاسه اني تعبت اوي ويمكن معاهم حق انا فعلا مبعرفش اعمل اي حاجه بس أنا نفسي اتغير نفسي اثبت لنفسي واثبتلهم اني مش كده بس بالأفعال
وارجوكم ي جماعه محدش يكلمني من ناحيه الدين وتقولولي جربتي تروحي لربنا
بصي يا بنت الناس أهم حاجة متجلديش ذاتك ولا تصدقي كلام أي حد يقلل منك حتى لو كان أقرب الناس ليكي والطيبة مش ضعف خالص بس محتاجة يحميها حدود وقوة شخصية وده بييجي لما تتعلمي تقولي لأ على الحاجة اللي مش عاجباكي وتوقفي أي حد عند حده لما يتعدى حدوده معاكي ومتستنيش تقيمي نفسك من عيون اللي حواليكي ابدئي خدي خطوات صغيرة في حياتك زي إنك تتعلمي مهارة جديدة وتتحكمي في قراراتك بنفسك واعرفي إن قيمتك ثابتة ومش متوقفة على إرضاء الناس وشوية بشوية أفعالك وشخصيتك الجديدة هتبان وتفرض احترامها على الكل...انا كنت وانا صغير بيتنمرو عليا ومكنتش بقول ل لاي حد .. بس حاليا بقيت انا اللي بتمنى على الناس 😅... وجد والله ربنا يحفظك ويسعدك
تم النشر الأحد، ٢٧ سبتمبر ٢٠٢٦
السلام عليكم، أولا أنتِ بقى عمرك ٢٠ سنة يعني بقيتِ كبيرة وناضجة كفاية إنك تاخدي زمام حياتك بيدك وتحمي نفسك من أي تنمر أو إساءة كنتِ بتتعرضي لها وأنتِ صغيرة ومش قادرة تتدافعي عن نفسك. ** ابدئي حطي حدود للناس اللي حولك وخلي كرامتك خط أحمر حتى لو هتضطري تقطعي علاقتك بأي حد يقلل منك وميعملش حساب لكرامتك. الموضوع ممكن يكون صعب بالبداية لكن بالتدريب والاستمرارية هيكون أسهل وصوتك ورفضك هيكون أقوى وأعلى. ** الناس للأسف كتير منهم لما بيلاقي نقطة ضعف اللي قصاده أو يعرف إنه بيتضايق ويتحسس من حاجة بيدوس على النقطة دي فلو فضلتِ مبينة ضعفك وحساسيتك قدامهم هيفضلوا يدوسوا عليكِ. وللأسف برضه بيحترموا بس الشخص اللي بيقدر نفسه وبيوقفهم عند حدودهم. *** مش هقولك تجنبيهم واعتزليهم لأن ده مش حل، بس على الأقل قللي احتكاك (مش مهرب) بس عشان توفري الوقت ده لحاجات أهم تشتغلي عليها. احتكاكك بهم حاليا بيزعلك وبيؤثر على نفسيتك وطبيعي هيؤثر على دراستك وحياتك وأي أهداف هتحاولي تشتغلي عليها، فقللي احتكاك بهم ووفري وقتك تشتغلي على أهداف تنمي شخصيتك ومهاراتك وتزود من ثقتك بنفسك، انشغلي بنفسك وتجاهليهم وغيري من نفسك عشان نفسك بس مش عشان تثبتي لهم إنهم غلط. ** هوسك بفكرة إنك تثبتي لهم إنك مش قليلة زي ما قلتِ بآخر سطر للأسف هيخليكِ متقدريش تعملي ده، خلي تركيزك تثبتي لنفسك وتتغيري عشان نفسك مش عشان أي حد. كده كده ده هتثبتي لهم تلقائيا لما تنجحي لنفسك وهم هيشوفوا ده لكن متخليش ده الدافع لتحركك وارميهم ورا ظهرك أساسا. *** لو لقيتِ مش قادرة تعملي ده لوحدك لا تترددي تتابعي مع مختصة تساعدك بخطوات عملية، وربنا يوفقك ويصلح لك الأحوال.💚
تم النشر الأحد، ٢٧ سبتمبر ٢٠٢٦
مساء الخير، أول حاجة أحب أقولها لك إن شعورك بالإرهاق والضغط ده طبيعي جدًا لما اللي حواليكي بيقللوا منك باستمرار. إنتِ مش ضعيفة، إنتِ بس محتاجة تبني أدوات جديدة تساعدك تتعاملي مع المواقف دي بطريقة تحمي نفسك وتثبتي قيمتك لنفسك أولاً. ابدئي بخطوات صغيرة وملموسة عشان تثبتي لنفسك إنك قادرة. مثلاً، اختاري مهارة واحدة بسيطة تحبي تتعلميها أو تطوريها (زي الطبخ، الكتابة، أو حتى تنظيم وقتك)، ومارسيها يوميًا لمدة 15-20 دقيقة. لما تشوفي تقدمك فيها، هيبدأ شعورك بالقوة يزيد تدريجيًا. كمان، حددي حدود واضحة مع الناس اللي بيقللوا منك: لو حد قال كلام مؤذي، ردي بهدوء وباختصار زي "مش هقدر أكمل النقاش ده دلوقتي"، وابتعدي. ده مش ضعف، ده حماية لنفسك. ركزي على إثبات الأمر لنفسك أولاً قبل ما تفكري في الآخرين. كل يوم اكتبي 3 حاجات عملتيها كويس، حتى لو بسيطة، عشان تبني صورة إيجابية عن نفسك. مع الوقت، التصرفات دي هتغير طريقة تعامل الناس معاكِ تدريجيًا، لأن الثقة بتظهر في الأفعال. لو حسيتِ إن الضغط زاد، ابحثي عن أسئلة مشابهة على فدني عشان تشوفي تجارب تانية. أنتِ قادرة تتغيري، وأنا هنا لو عايزة تكملي الحكاية.
تم النشر السبت، ٢٦ سبتمبر ٢٠٢٦
لو تقدر تتابعى مع متخصصه هتساعدك فده
تم النشر الأحد، ٢٧ سبتمبر ٢٠٢٦
طيب ي حبيبتي انتي مش عاوزه ليه نتكلم معاكي من نحية الدين طيب مفيش حاجة هتنفعك غير علاقتك بربنا وبس ومتركزيش مع كلام اي حد مهما حصل خليكي واثقه في نفسك ومتخليش حد يقلل منك انتي ب إيدك تغيري كل ده وبإيدك برضو تفضلي زي ما انتي بس والله لو ركزتي على هدف في حيااتك وحققتيه هتثبتي لنفسك قبل الكل انك مش قليل وانك تقدري تعملي اي حاجه وهتخلي الكل يحترمك غصب عنه كمان
تم النشر السبت، ٢٦ سبتمبر ٢٠٢٦
ملحوظه ياجماعه انا عندي 20 سنة وفي جامعه
تم النشر السبت، ٢٦ سبتمبر ٢٠٢٦
لعرض السؤال في فدني اضغط هنا