السلام عليكم، عادي على فكرة، ممكن تحسي بارتياح وهو لأ، ممكن اللي رفضتِهم قبل كده كانوا حاسين بارتياح ناحيتك لكن انتِ محستيش وده شيء ملوش علاقة بهيكون فيه نصيب ولا لأ. والارتياح ملوش علاقة بإن دي إشارة إن الموضوع هيكمل أو فيه خير أو من نصيبك. الارتياح والقبول علامة مبدئية إن ممكن لو متبادلة نبدأ نشوف الخطوة التانية ونتعرف ونتأكد هل فعلا نقدر نفتح بيت سوا ونصلح كزوجين ولا لأ. الاستخارة إجابتها مش بتكون بإحساسك بالارتياح، إجابة الاستخارة بتكون تيسيير الأمر، يعني لو فيه خير الأمور هتتيسر وتمشي تمام لحد ما يتم الزواج ولو فيه شر هيكون فيه حاجات تعرقل الموضوع وتمنعه يتم، زي مثلا إنك او الشخص اللي قصادك حد فيكم ميحسش بارتياح أو قبول تجاه الآخر أو تحصل أي مشكلة تمنع الزواج. فشيلي من دماغك الموضوع ده وكمان متخليش الرفض يأثر عليكِ نفسيًا لأن في أي خطوبة الاتنين بيشوفوا بعض لأول مرة فيه احتمالية قبول أو رفض ودي لا علاقة لها بشخصك أنتِ ولا هي اللي هتحدد قيمتك. ربنا يكتب لك الخير ويرزقك الشخص اللي يستحقك ويسعدك إن شاء الله.
تمام ميرسي جدا عندك حق
تم النشر الأحد، ٦ يوليو ٢٠٢٥
أنا فاهماكِ، بس الارتياح ده مبدئي وممكن عادي يتكرر مع شخص غيره، ممكن سببه مثلا إنك حسيتِ من جواك إنه دي الشخصية اللي كان نفسك الارتباط بها، ظاهريًا هو متماشي مع فكرة أو صورة جواكِ، متنسيش إنك يا دوب تعرفتِ على صورة خارجية ومدخلتيش للعمق، ممكن جدًا يحصل الارتياح والانجذاب وبعدين لما تتخطي الصورة الخارجية لعمق الشخص وتبدأ تظهر العيوب تتغير فكرتك ويتبخر الارتياح والانجذاب. وعامة بتحصل مع ناس كتير وبينشغل بالهم وبعد كم يوم بتنسي الشخص والانجذاب الوقتي اللي حصل أيًا كان سببه. عمومًا ادعي ربنا يكتب لك الخير ويرزقك الزوج الصالح ولو ربنا كاتب لك الخير مع الشخص ده تحديدًا أكيد هيكون من نصيبك ولو العكس إن شاء الله هتلاقي الشعور ده وأفضل منه مع الشخص المكتوب لك. بالتوفيق.
تم النشر الأحد، ٦ يوليو ٢٠٢٥
انا فهمه بس عايزه اقولك ارتياح لدرجة ان دماغي مشغوله بيه ارتحت عجبني حسيت ان هو الصوره الي انا بدعي بيهاا ديما فهماني هكون اوفر لو قلتلك اني حسه ان دخلي مشاعر نحيته ودي غريبه ع شخصيتي لان مش سهل حد اصلا يدخل دماغي ف زعلانه اوي بقوول طيب ليه اول مره ليا لازم يحصل رفض
تم النشر الأحد، ٦ يوليو ٢٠٢٥
لعرض الإجابة في فدني اضغط هنا