السلام عليكم، أولًا هعلق على نقطة (من امتى التقرب لربنا بيجي بكسر قلب حد)؟ من كلامك فهمت إنكم كنتم مرتبطين ومفيش بينكم خطوبة رسمية وإلا مكنش قال هبعد عشان ربنا. فلو شخص في علاقة حرام وقرر يترك الحرام ده ويتوب لربنا، إيه علاقة كسر القلب بإنه قرر يرضي ربنا وياخد خطوة صح، خاصة لو هو عارف مثلًا إن مفيش إمكانية للزواج حاليًا؟ هل يكمل في علاقة حرام ربنا يفضل غاضب عليه وعلى اللي بيحبها عشان ميكسرش قلبها؟ يستمر في الغلط ويفضل مكمل في الذنوب؟ *** أنا معرفش هل الشخص ده فعلا بيتحجج إنه يتركك عشان يقرب من ربنا ولا هو صادق فعلا؟ وأنتِ في كلامك قلتِ إنه كان بيحاول يقرب من ربنا رغم كل الحاجات السيئة اللي بيعملها. فليه ميكونش فيه احتمال إنه فعلا قرب لربنا وقرر يتوب عن كل غلط وعرف بعد كده إنه حرام تفضلوا سوا فقال لك هيبعد عشان كده؟ *** فيه احتمال إنه كاذب؟ عادي ممكن... في كل الأحوال والاحتمالات أنتِ دوركِ إيه هنا؟ دوركِ تنتبهي لنفسك وتفكري فيها، لو الشخص ده قرر قطع العلاقة تمامًا وحتى موعدش بالزواج أول ما يكون جاهز يبقى تنسي اللي حصل وتقطعي الصفحة دي خالص. خدي وقتك في النسيان وركزي على تحسين حياتك وشخصيتك، وبلاش تدخلي علاقات تاني واحفظي قلبك ومشاعرك لحد ما ترتبطي في الحلال إن شاء الله.
مش هتظلميه لو تخطيتي الشخص الاول وعرفتي تحافظي على مشاعرك لحد اما ربنا يبعت الشخص الصح وتوبي وقربي لربنا وبلاش استنزاف لطاقتك ومشاعرك لشخص ممكن يكون مش كويس فعلاً ولو كويس ومن نصيبك وعايز يتوب وعايزك انتي ربنا مش هيضيعكم من بعض ف اصبري واستني نصيبك واشغلي نفسك
تم النشر الثلاثاء، ١٥ يوليو ٢٠٢٥
بحاول بس عشان كتير قوي فخايفة اظلم اي حد يحبني ومعرفش احبه ونحيه تانية بحاول اتجنب موت اكتر من مرة
تم النشر الثلاثاء، ١٥ يوليو ٢٠٢٥
اشغلي نفسك وتجاهلي ده كله اشتغلي على نفسك واعرفي ان مش عشان واحد بس وحش يبقى الكل وحش احفظي قلبك ومشاعرك وطاقتك لحد يستاهلك قربي من ربنا وطمنى قلبك بوجود ربنا
تم النشر الثلاثاء، ١٥ يوليو ٢٠٢٥
انا خوفت من شعوري وتراكمات لو حد دخل حياتي وهو كويس مشاعري مش هتبقي موجوده رغم علي يقين ربنا قادر يحيي اي مشاعر بس غصب عني
تم النشر الثلاثاء، ١٥ يوليو ٢٠٢٥
انا مشكلة ان عارفة كل حاجه وعارفة مشكله الي عنده فالي واجعني ان عرفت ونفس وقت بيرجع يندم تاني
تم النشر الثلاثاء، ١٥ يوليو ٢٠٢٥
شكرا ليكي يادكتوره فكرة انه عارفه انه مش لاقي مهرب فدخل طريق ربنا لانه لاقاني اسهل طريق انه يبعدني لان نفس وقت هو مش قادر يبطل كل مره بيرجع الي بيشربه الي يثبت كل مرة انا معنديش مشاعر واحيانا يحبني
تم النشر الثلاثاء، ١٥ يوليو ٢٠٢٥
هزود على الدكتورة مي حاجة كلامها صح و حرفيا نفس الكلام اللي كنت هقوله هو قرر انه يتوب حتى لو بيقولك كده وخلاص هو قرر البعد ويتوب ف خلاص انتي كمان ابعدي وتوبي بجد هو لو بيحبك وفعلاً كان في وعد بالزواج ف استني لان ربنا طالما شايف انه بعد عشان يتوب في نيته انه هيتجوزك ف ربنا مش هيضيعكم من بعض أنا عارفة ان الموضوع ممكن يكون صعب عليكي فعلاً بس انتي مفيش في ايدك حاجه غير تنسي وتقربي من ربنا وبلاش تدخلي في علاقات تانية استنزاف لطاقتك ومشاعرك انسي احسن لانك هتفضلي مكملة في ذنب وهو اصلا هو اللي قرر يبعد وشايف ان دا احسن انتي ليه تطلعي انتي الوحشة مثلا ؟ ف انتي توبي انتي بجد وابعدي عنه ولو حصل دخلك تاني قوليله عايزني انت عارف عنوان البيت اكيد عندي ناس في البيت اقعد معاهم واتقدم عشان انا قررت اتوب وربنا هداني واعملي كده بعد اما تكوني واثقه من نفسك وتشتغلي على نفسك اكتر وقربي من ربنا هو اللي باقي لك دايما ومش عايز منك حاجه غير القرب والطاعة عارفه انه صعب عليكي بس دا الاحسن ليكي 🤍
تم النشر الاثنين، ١٤ يوليو ٢٠٢٥
لعرض الإجابة في فدني اضغط هنا