اتمني الرد بطريقة صحيحة
عايزة اسال بس رغم عارفه الاجابة بس صعبة عليا اصدق. ليه الشخص لما يحب حد والحد ده عشان يسيبك يسيبك باسم ربنا مش قصدي حاجه وحشه بس في هروب واختفاء بحجة ربنا. لان من امتى التقرب بربنا بيجي بكسر قلب حد
فكرة حبيته بجد بس كنت بتأذي منه واي حاجه وحشه مر بيها مكنتش بعدل عليها بس كل مره اذي وبفكر الي بيحب مش بيأذي واكشفت انه مكنش بيحبني وكان بيحاول وللاسف كان بيشرب حاجات مش كويسه بس بيحاول يقرب من ربنا ومع ذلك وقفت جنبه
ومن امتي الحب بيجي بمعصيه ربنا؟ انا هنا مبنكرش كلامك بل بالعكس ده صح جدا بس ده شخص غير ملزم بأي حاجه تجاهك مجرد علاقه عابره ليه يفضل رابط نفسو بعد ما زهق ولأن انتو الاتنين عارفين ان اللي بتعملو غلط هو استغل ده وخدها حجه عشان انتي مستحيل وجهه نظرك تبقي عكس كده لأنك عارفه فعلا ان انتو غلط هو عرف الباب اللي هيقفل منو الموضوع وانتي مش هتعرفي تفتحي خالص
تم النشر الثلاثاء، ١٥ يوليو ٢٠٢٥
السلام عليكم، أولًا هعلق على نقطة (من امتى التقرب لربنا بيجي بكسر قلب حد)؟ من كلامك فهمت إنكم كنتم مرتبطين ومفيش بينكم خطوبة رسمية وإلا مكنش قال هبعد عشان ربنا. فلو شخص في علاقة حرام وقرر يترك الحرام ده ويتوب لربنا، إيه علاقة كسر القلب بإنه قرر يرضي ربنا وياخد خطوة صح، خاصة لو هو عارف مثلًا إن مفيش إمكانية للزواج حاليًا؟ هل يكمل في علاقة حرام ربنا يفضل غاضب عليه وعلى اللي بيحبها عشان ميكسرش قلبها؟ يستمر في الغلط ويفضل مكمل في الذنوب؟ *** أنا معرفش هل الشخص ده فعلا بيتحجج إنه يتركك عشان يقرب من ربنا ولا هو صادق فعلا؟ وأنتِ في كلامك قلتِ إنه كان بيحاول يقرب من ربنا رغم كل الحاجات السيئة اللي بيعملها. فليه ميكونش فيه احتمال إنه فعلا قرب لربنا وقرر يتوب عن كل غلط وعرف بعد كده إنه حرام تفضلوا سوا فقال لك هيبعد عشان كده؟ *** فيه احتمال إنه كاذب؟ عادي ممكن... في كل الأحوال والاحتمالات أنتِ دوركِ إيه هنا؟ دوركِ تنتبهي لنفسك وتفكري فيها، لو الشخص ده قرر قطع العلاقة تمامًا وحتى موعدش بالزواج أول ما يكون جاهز يبقى تنسي اللي حصل وتقطعي الصفحة دي خالص. خدي وقتك في النسيان وركزي على تحسين حياتك وشخصيتك، وبلاش تدخلي علاقات تاني واحفظي قلبك ومشاعرك لحد ما ترتبطي في الحلال إن شاء الله.
تم النشر الاثنين، ١٤ يوليو ٢٠٢٥
الشخص دا محبكيش أصلاً و ألا لو كان فعلاً سابك عشان ربنا لو كان بيحبك من البدايه كان خدك علي سنه الله و رسوله بما إنه بيحبك و مفرطش فيكي ولا سابك و عموماً ربنا مبيسبش دمعه نزلت منك ولا حزن لأنك حبيتيه بجدد هتتردله او هيرجعلك ندمان لما تنسيه أي حاجه تتوقعيها او متتوقعيهاش هتحصله و هيعرف وجعك عيشي حياتك و اعملي نفسك ناسيه لأن كده كده مبيتنسوش لأنهم تجارب و خبرات
تم النشر الجمعة، ١٨ يوليو ٢٠٢٥
انتي جاوبتي ورديتي على نفسك المخدرات السبب
تم النشر الخميس، ١٧ يوليو ٢٠٢٥
البدايه التي لا ترضي الله نهايتها لن ترضي قلبك..
تم النشر الأربعاء، ١٦ يوليو ٢٠٢٥
البدايات اللي مترضيش ربنا النهايات مش هترضيك
تم النشر الأربعاء، ١٦ يوليو ٢٠٢٥
ادعي ربنا انه ينقي قلبك من حب الشخص ده و طالما الشخص ماطلعش كويس وفي صفات وحشه خلاص اعتبريه صفحه واقطعيها من كتابك وحاولي تتخطى الموضوع بأسرع وقت عارفه انه مش سهل خالص بس انتي اكيد قدها واشغلي وقتك بنفسك اعملي سكين كير العبي رياضه اخرجي حتى لو لوحدك اهتمي بنفسك في كل حاجه وشوفي فديوهات ازاي تتخطى وازاي تعدي الفتره دي وخلي بالك هو دلوقتي عايش حياته وانتي مش فارقه معاه ف متوقفيش حياتك وتفضلي زعلانه ومتضايقه هو ما يستهلش زعلك وتوبي لربنا عشان طالما الشخص سابك كده عادي يبقى انتوا كنتوا في علاقه خارج نطاق الزواج وده حرام وافتكر دايما ان البدايات التي لا ترضي الله نهايتها لن ترضيكي واحفظي قلبك للي يستاهلك وغلي نفسك ومتخليش اي حد كده بسهوله يدخل حياتك
تم النشر الأربعاء، ١٦ يوليو ٢٠٢٥
لعرض السؤال في فدني اضغط هنا