السلام عليكم
انا طالبه في تالته ثانوي والوقت دا معروف انه ضغط كبير جدا علينا احنا كطلاب والامر مش سهل بجد المهم اني في حاله نفسيه مش افضل حاجه وناسيه كل المنهج حرفيا ماعدا اللي مراجعاه قريب و والله انا باخد من سعات نومي عشان اذاكر وألحق اسيطر علي المواد بس اليوم بيخلص على درس درسين انا معدتش عارفه اعمل ايه والله كل يوم في اخره بقعد اعيط مش عارفه اسيطر علي المواد وكل المدرسين بيقولوا حلو شوامل وانا والله ما عارفه اعملها ازاي احل شامل وانا مش فاكره يجي اكتر من نص المنهج بجد انا تعبت والله اي حد يعرف طريقه الله يستركم انظم بيها يومي ووقتي يفيدني الله يجبركم الحاله مش افضل حاجه والله .
السلام عليكم، ربنا يوفقك إن شاء الله في مذاكرتك وامتحاناتك. أولًا، اهدي خالص... الموضوع مش محتاج غير هدوء ويقين إن ربنا أكيد كاتب لك الخير. أنتِ ذاكرتِ فخليكِ واثقة إنك تقدري إن شاء الله تراجعي وتحلي كويس. إحساس النسيان ده طبيعي وكل ما تقرب الامتحانات كل ما بيزيد الإحساس ده. أنا كنت حرفيًا بروح الامتحان وأنا حاسة إن عقلي صفحة بيضاء لكن لما كنت بستلم الورقة وأبدأ حل كنت ببدأ أفتكر... فإحساس النسيان ده نفسي مش أكتر. الحل في الهدوء والثقة بالنفس والمراجعة المنتظمة على المعلومات، وطبعًا النوم لعدد ساعات كافي. بلاش خالص تاخدي من ساعات نومك عشان تقدري تركزي وتفتكري اللي بتذاكريه. ثانيًا، اهتمي بأسئلة الامتحانات السابقة. متقعديش تذاكري من أول وجديد اللي هو بالتفصيل الممل بقى وآخد تلات أربع ساعات في الدرس... لأ، ببساطة اقرأي الدرس مرة بتركيز، لو عرفتِ تسمعي الشرح بتاعه من مدرس على يوتيوب بتفهمي منه يكون جميل جدًا، بعدها تقرأي الدرس تاني وتجيبي أسئلة الامتحانات السابقة وتشوفي الأسئلة اللي جت على الدرس اللي ذاكرتيه وتحليها. ثالثًا، أنا مش عارفة الوقت الباقي على امتحاناتك إيه بس كل دقيقة بتفرق... فامنعي خالص تفكير إنك مش هتلحقي والوقت مش هيقضي. رابعًا، والأهم من كل اللي فات الاستعانة بالله سبحانه وتعالى. متقصريش في صلاتك خالص عشان تلحقي تذاكري، بالعكس قسمي جدول مذاكرتك تبعًا لأوقات الصلاة وده عن تجربة هيفرق كتير. بالتوفيق إن شاء الله.
تم النشر الاثنين، ٢٦ مايو ٢٠٢٥
لا يوجد ضغط .كل ما عليكي تنظيم جدولك في اليوم .وساعدي نفسك انك ما تضغطي ع نفسك في الدراسه وطبعا ضيفي ع جدولك لا تحرمي حالك انك تسألي من معك في الامتحان أيضا كيف يتجنبوا الضغط هم بنفس المشكله واتاكدي انوا راح تنجحي وبدون تعيشي بضغط
تم النشر الاثنين، ٢٦ مايو ٢٠٢٥
وعليكم السلام ورحمة الله يا عزيزتي، أولاً، أحب أقول لكِ إن مشاعر الضغط والتوتر التي تشعرين بها الآن أمر طبيعي جداً، خاصة في مرحلة الثانوية العامة اللي هي من أصعب وأهم المراحل الدراسية. أنتِ مش لوحدك، والكثير من الطلاب يمرون بنفس الحالة، وهذا لا يعني أنكِ ضعيفة أو قاصرة، بالعكس أنتِ قوية لأنك تحاولين تستمري رغم الصعوبات. خليني أساعدك بخطوات عملية لتنظيم وقتك وتقليل الضغط النفسي: خططي يومك بتقسيم منطقي وزعي الوقت بشكل معقول، مثلاً: ساعتين للمذاكرة مع فترات قصيرة بينهما (10 دقائق استراحة). لا تضيعي وقتك في المذاكرة المتواصلة بدون توقف، لأن العقل يحتاج راحة. اتركي وقت للنوم الكافي (6-7 ساعات على الأقل) لأن النوم الجيد يساعد على التركيز. قسمّي المنهج على مراحل صغيرة بدل ما تفكري فيه كله مرة واحدة ـ اختاري مواضيع صغيرة ومحددة تراجعيها يومياً، ولا تحاولي تغطي مساحات كبيرة في وقت واحد. استخدمي تقنيات المراجعة الفعّالة كتابة الملاحظات البسيطة. تلخيص النقاط المهمة. حل أسئلة قصيرة على كل موضوع. كوني واقعية في أهدافك اليومية مثلاً لا تشتتي نفسك بمحاولة مراجعة كل شيء دفعة واحدة، حددي ما هو أهم أو المحتوى الذي تتوقعين ظهور أسئلة منه. لا تضغطي على نفسك عاطفياً حاولي تقبلو حالة التوتر مع نفسك، وحاولي تقولي لنفسك "أنا أبذل جهدي وهذا يكفي الآن". اطلبي المساعدة إذا احتجتِ سواء من معلمين أو من خبراء أو استشاريين نفسيين مختصين. يمكنكِ العثور على خبراء وموجهين في الرياضيات أو المواد التي تجدين صعوبة فيها من خلال منصة فدني على https://www.fedni.net/experts دعي لنفسك وقت للراحة والاستمتاع لا تنسي تخصصي وقت لنشاطات تحبينها أو حتى وقت قصير للتنفس بعيداً عن الدراسة. وأخيرًا، تذكري أن النجاح ليس فقط في حفظ أكبر كمية من المعلومات، بل في فهم الأساسيات والاستعداد النفسي الجيد. حاولي تثقفي نفسك بأن الأسلوب الصحيح أهم من المجهود القاسي المفروض على الجسم والعقل. إذا حبيتي، أنا هنا دائماً لمساعدتك وتقديم نصائح إضافية، وأشجعك على متابعة أسئلة أخرى في فدني لأنك هتلاقي تجارب مختلفة ونصائح مفيدة. ربنا يوفقك وييسرلك، واعلمي أن الصبر والمثابرة مفتاحا النجاح بإذن الله، وما تفقديش الأمل أبداً. هل تحبي أن أساعدك في وضع جدول زمني مبسط تناسبينه مع وقتك؟
تم النشر الاثنين، ٢٦ مايو ٢٠٢٥
خذ راحة واشحن طاقتك اول بأول
تم النشر السبت، ٣١ مايو ٢٠٢٥
واجب عليك انك تحط وقت لحل الأسئلة
تم النشر السبت، ٣١ مايو ٢٠٢٥
استخدم الكتابة ... أكتب على ورقة كل اللي عليك وقسمه على الأيام
تم النشر السبت، ٣١ مايو ٢٠٢٥
انقذ ما يمكن انقاذه
تم النشر السبت، ٣١ مايو ٢٠٢٥
ربنا يعينك يارب
تم النشر الخميس، ٢٩ مايو ٢٠٢٥
طبيعي لانك بتكوني مضغوطة في الوقت دا مش فاكره أغلب المعلومات الجدول محدش يقدر يقولك علي جدول تمشي عليه لانك أنتي إللي عارفه ظروفك وأنتي مذاكره إيه ومش مذاكره إيه صدقيني الضغط بيضيع كتير جدا ومش مفيد أصلا أنا بسبب الضغط النفسي إللي كنت فيه ضاع مني درجات كتيره جدا وسهله كمان حاولي تنظمي وقت ما بين العباده اولا الصلاه كتير وخصوصاً أننا في ايام الدعوه مستجابه بإذن الله والنوم والذاكرة إللي واقع منك وحلي كتير جدا جدا جدا علي كدا ما قدري واجعي علي الأخطاء وشوفي انتي غلطي في دي ليه وازاي متغلطيش فيها تاني حاولي مره واتنين وثلاثه وتذكري انه الكليه مكتوبه ونصيبك مكتوب من زمان وارضي طلما عملتي إللي عليكي متعمليش زي عشان هتندمي والله
تم النشر الأحد، ١ يونيو ٢٠٢٥
الله يوفقك
تم النشر السبت، ٣١ مايو ٢٠٢٥
تمام سلمت جدا
تم النشر السبت، ٣١ مايو ٢٠٢٥
بعمل والله بس اول جزئيه في الجدول هي اللي بتاخد الوقت كله ومش بعرف اطبق اللي في الجدول
تم النشر الثلاثاء، ٢٧ مايو ٢٠٢٥
لا تلتخمي ...كل شي برواقه بيتنضم وقتك اعطي وقت للدراسه ووقت للشغل ووقت فراغك راجعي ما تبقى والأهم .قسمي وقتك على جدول .
تم النشر الاثنين، ٢٦ مايو ٢٠٢٥
لعرض السؤال في فدني اضغط هنا