السلام عليكم، أعتقد إن شخصيتك من النوع الحساس أو اللي بتحاسب نفسها كتير حتى على أقل حاجة. اللي فهمته إن اللي تاعبك إنك حسيتِ بإعجاب ناحية الشخص ده وانتِ أصلا مكنش في دماغك ده ولا تخيلتِ إنه يحصل. حل مشكلتك بسيط وهو، إنك تترفقي بنفسك. تعاملي مع الموضوع ببساطة، لأن الإعجاب مشاعر كلنا معرضين نحس بها. تقريبا بتحصل مع الناس كلها، ممكن عادي تُعجبي بشخص عشان أخلاقه عجبتك، أو أسلوبه في التعامل أو تفكيره أو حتى شكله... دي مشاعر عادية وبريئة ومش هنقسو على نفسنا ولا هنجلدها أو نحس إننا ارتكبنا كبيرة من الكبائر. الإعجاب أو حتى الحب نفسه، دي مشاعر داخلية وطالما مخرجتش عن الحدود ومدفعتش الشخص يمشي في طريق حرام أو غلط يبقى عادي جدًا نتسامح مع نفسنا فيها ونكون رفيقين. وخدي بالك، التفكير الكتير في حاجة ومقاومتها بيزودها. لو تعاملتِ مع الموضوع ببساطة وكملتِ في حياتك ونظامك اليومي وشغلتِ نفسك المشاعر دي هتختفي تمامًا خلال فترة قصيرة وممكن حتى متفتكريش الشخص ده ولا إنك أعجبتِ به قبل كده. أما هتفضلي بتحاسبي في نفسك وتفكري هتلاقي الإعجاب ده بيتحول لتفكير دائم وانشغال ومش بعيد يوصل لحب وتعلق ووقتها هتلاقي صعوبة في التخلص من المشاعر دي. فدلوقتي الموضوع سهل خالص وحله بسيط.
انا كدا فعلا... انا تقبلت الشعور. وتتقبلت ان عادي يعني في لحظه. شوفته حلو وانسان مناسب بس اعتبرتها مشاعر ملهاش. لازمه وفعلا عادي قرررت ان. اتعايش وانسى
تم النشر السبت، ١٢ يوليو ٢٠٢٥
لعرض الإجابة في فدني اضغط هنا