أين المشكلة بالضبط؟

Question

الحقيقه ان ف حد زميل بس هو أكبر مني بشويه فرق ٧ أو ٨ سنين المهم انا وزميلتي بنقضي مصالحنا سوا شغل يعني الحقيقه انا كنت بشوفه قبل ما نقرب حبه شويه بسبب الشغل كنت بشوفه عادي يعني عادي بجد ولا مشدوده ولا لا هو شخص عادي بالنسبالي زميلتي كانت تعرفه فاتعرض عليا منها ان يعني فيها ايه لو نفضي الشغل يعني سوا طالما مشترك والشغل اصلا مؤقت يعني دا هو استثناء الحقيقه كنت بقولها لا بس بعدين جيت في يوم قالتلي خلاص هنخلصه سوا وكدا قولت خلاص في اول مره سكت خالص لما كنت قاعده معاه ومع زميلتي بس زميلتي كانت بتاخد وتدي معاه عادي وكلام وكدا بس لفت نظري كسوفه واحترامه وانه متدين الحقيقه صحابي وأهلي لاموني ان لسه معرفتيهوش بنفسك دا انسان كويس واحنا نعرفه و يمكن يحصل نصيب وو بس الحقيقه انا كنت حقيقي محرجه تاني مره لا عادي كنت كلنا خلاص اخدنا ع الجو شويه اتكلمنا والحقيقه كان كلام عادي مش هقول فيه تلميحات أو أو.. المشكله دلوقتي ان انا حاسه ان أعجبت بيه ودي حاجه مضايقاني جدا لان اولا هو حد ملمحش لحاجه ثانيا مش يمكن عشان يعرف زميلتي التانيه وفي صله قرابه شويه يبقا معجب وعايزها هي لان هو اكتر حاجه كان بياخد ويدي كلام معاها هي وهي اللي كانت بتتكلم اكتر انا عايزه افهم كل العك دا ليه وانا ليه اصلا قابلته انا كان أخرى بشوفه حد عادي اصلا ولا في بالي ياريت حد يفهمني عشان خلاص اضايقت جدا

Accepted Answer

أنتي اللي شاغلة بالك بس وحذاري إنك تكوني سهلة لأن الدخول في المواضيع دي مش سهلة، بصي يابنت الناس من الآخر كدا متشغليش بالك بأي حد نهائي، اللي عاوزك يتقدملك من الباب لأهلك على طول والحب بعد الجواز لما يكون فيه رحمة ومودة أما الحب اللي بيجي عن طريق غير شرعي فصدقيني بتكون حياة مش كويسة ، أنا نصحتك لله كأخ ليكي ، وربنا يحفظ عليكي قلبك ويسعدك ويوفقك بحياتك يارب العالمين

Answer

السلام عليكم ورحمه الله وبركاته طب انت اعجبتي بيه ليه انت ذكرتي بعض الصفات اللي هي صفات كويسه متدين عنده خلق ظاهر في تصرفاته كلامه كويس فيعني صفات مبدئية تخلينا ممكن نشوف اي حد ده شخص كويس بس هو ده الاعجاب يعني انت متضايقه من نفسك بقى انك اعجبتي لانك حاسه انه لما الاعجاب يبدا من عندك وانت ما شفتيش اعجاب من الطرف الاخر انت شايفه انه كده ده تقليل منك انت دي فكره واضح انها متاصله عندك جواكي عامه يعني انت لو شفتي نفس الوضع ده قدامك في شخصين قدامك هتقولي للبنت لا انت ازاي تعجبي بحد هو معجبش بك اصلا فهي الفكره دي اللي متأصله عندك اللي خليتك تضايقي تبقي متضايقه من نفسك لانك كانك كده كسرتي قانون عندك يعني؟ وعموما مش محتاجه خالص انك تضايقي من نفسك لانه عايزه ان احنا نعجب بالاشخاص يعني احنا انت ما روحتيش بناء على الاعجاب ده اتصرفتي اي تصرف مش كويس انت اتعاملتي عادي وهو طبيعي جدا لسبب سابق معرفته بزميلتك الثانيه انه يكون الكلام موجه لايه اكتر ده شيء طبيعي لكن بالنسبه لك انت مفيش صلة كبيره فيعني هدي الامور بالنسبه لك كل اللي بيحصل معاكي ده طبيعي جدا ولكن نصيحه مني ليكي خلي الامور واضحه ومحدده اكتر يعني بلاش تتمادي في الموضوع اكتر بلاش اللي صاحبتك بتعمله ده يروح بطريقه هتكون مش ألط حاجه يعني خلينا نكون واضحين خالص احنا بنتقابل ليه او ان انت بتتقابلي معاه هل هو عارف انه انتوا بتتقابلوا علشان يعني تحاولوا تتعرفوا على بعض قصدي الزواج ولا لا لانه ده لازم يكون شيء واضح والا هنبقى فعلا بنعك بلاش يعني يا اما نكون الامر واضح احنا ليه بنتقابل. يا اما بلاش خالص يحصل ده مره ثانيه.

أين المشكلة بالضبط؟

نفسية

اجتماعية

علاقات

سؤال من احد أعضاء فدني

تم النشر الخميس، ١٠ يوليو ٢٠٢٥

2 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك