إجابة علي السؤال: ما سبب ظهور خط ابيض حول الفم وانتشاره في وجهي وهل الأمر مقلق؟

السلام عليكم، ذكية قالت لك بعض الاحتمالات لحالتك لكن التشخيص عبر النت مش هيفيدك خالص وخاصة في أمراض الجلدية. ضروري جدًا جدًا تروحي لطبيب جلدية عشان يحدد السبب ويكتب لك العلاج اللازم. ومفيش حاجة اسمها مش هينفع أكشف عشان كذا أو كذا... صحتك مهمة ومينفعش أبدًا تهمليها... حاجات بتبدأ بسيطة جدًا وبسبب إهمالنا أو تكاسلنا عن الكشف بتقلب لأمراض ومضاعفات خطرة لا قدر الله. اقنعي أهلك بأي طريقة ضرورة إنك تكشفي. وحتى لو الموضوع طلع بسيط على الأقل تكوني اطمأنيتِ بدل ما تكون لا قدر الله مقلقة وانتِ تهمليها. ألف سلامة.

إجابة من mai mahfouz

تم النشر الأربعاء، ٢٣ يوليو ٢٠٢٥

2 تعليق

ما هو اللي يقدر يحدد التشخيص هو طبيب الجلدية مع الكشف المباشر والتاريخ المرضي اللي هيسأله لك... صممي إنك تكشفي وعرفيهم إنه لو مشكلتهم مثلا بالفلوس فلا قدر الله لو تأخرتِ في الكشف ممكن يضطروا يدفعوا فلوس أكتر بعد كده للعلاج... المهم متهمليش صحتك لأي سبب. مش عارفة أنتِ طالبة لسه وهل مصروفك يكفي توفري تمن الكشف ولا لأ أو ممكن تروحي لوحدك؟ بس عامة عيادات الجلدية في المستشفيات الحكومية الكشف مش غالي لو المشكلة زي ما قلت بفلوس الكشف... يعني مش لازم عيادة خاصة روحي أي عيادة خارجية لمستشفى قريبة منك.. لو انتِ في سن يسمح لك تروحي لوحدك فروحي أو مع حد من صحباتك.

تم النشر الأربعاء، ٢٣ يوليو ٢٠٢٥


اقنعهم ازاي؟ اقول اي ؟ + هو شبه خطوط التمدد البيضة كده اللي بتطلع في البطن لكن ده ف وشي!!!!

تم النشر الأربعاء، ٢٣ يوليو ٢٠٢٥

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك