أولًا ألف سلامة على حضرتك. بالنسبة لجرثومة المعدة فالمشكلة إنها ممكن تتكرر بعد وقف العلاج وكمان ممكن تحتاج علاج لفترة طويلة. ممكن سبب رجوعها مثلا إن كان فيه مقاومة للمضاد الحيوي اللي مشيت عليه أو العلاج متمش للآخر فمحصلش قضاء تام على الجرثومة. سرعة الترسيب والأنيميا هيفضلوا مستمرين بسبب الجرثومة، لأن زيادة سرعة الترسيب معناه وجود التهاب وده احتمال كبير هيكون التهاب المعدة بسبب الجرثومة واللي كمان ممكن تعمل نزيف لو كانت شديدة أو تأثر على امتصاص الحديد فتعمل أنيميا. فلازم علاجها تمامًا عشان تتظبط سرعة الترسيب وتخف الأنيميا. فالمفروض دلوقتي إنك تفضل متابع مع الطبيب لفترة وبيبقى فيه إعادة للتحليل وإذا كنت تابعت مع الطبيب فترة كافية ومفيش نتيجة فممكن تشوف طبيب تاني بس طبعا لازم مع العلاج تكون التزمت بباقي التعليمات زي نظام الأكل والعادات الصحية التانية.
لعرض الإجابة في فدني اضغط هنا