في كوره صغيره كدا ظهرت ف ايدي فجأه، ظهرت من شهر ولا حاجه ومفيش الم بس مضايقاني
ليها كريم ولا حاجه ؟
لقيتلها صوره ع النت نفس الحاله اهي بس محدش رد عليها
السلام عليكم، التشخيص بمجرد النظر مش هيفيد، لازم كشف جلدية أو جراحة عشان الانتفاخات والكتل دي بتفرق بطبيعتها وملمسها والكشف وحده مع التاريخ المرضي هيحدد نوعها بالضبط. اقتراح كريم أو دواء من غير معرفة التشخيص مش هينفع برضه فمتتأخرش في الكشف وإن شاء الله يكون مجرد تورم بسيط وتاخد العلاج المناسب له. ألف سلامة.
تم النشر السبت، ٣١ مايو ٢٠٢٥
غالباً الموضوع بسيط جدا إن شاء الله أنا بعاني من نفس المشكله تقريباً وبعد البحث اتضحلي أنها تراكم سوائل مش عارفه حالتك كدا ولا لأ بس انت روح لدكتور عظام أو علاج طبيعي والموضوع مش مخيف إن شاء الله وخصوصاً لو هو ورم بس مفيش ألم وبيختفي مع الحركه ممكن تتعايش معاه أصلا ومفيش منه مشكله بس برضو لازم تكشف وتطمن عند دكتور عظام ويقولك ولو محتاجه علاج طبيعي ولا لا
تم النشر الأحد، ١ يونيو ٢٠٢٥
السلام عليكم ورحمه الله وبركاته مينفعش ناخد في الموضوع ده خالص اي استشاره على النت ولا اي علاج عشان خاطر يعالج الموضوع ده لانه اولا مستمر شهر وما حصلش فيها اي تصريف ولا حاجه فدي ممكن يكون التهاب داخلي ولا قدر الله ممكن تلاقي الحاجه دي اللي هي ممكن تكون بسيطة الدكتور يحلها بحاجه بسيطه لا قدر الله تلاقيها اتحولت لخراج او لحاجه سيئه فليه يعني مفيش داعي وانت مش مضطر كده خالص انت ممكن تتوجه لاي دكتور جلديه وتكشف عنده وهو هيقدر يحدد دي بالظبط يعني بسبب ايه وهي ايه ويدي لك العلاج المناسب ارجوك يعني ما تسيبش الموضوع لحد ما يبقى في مرحله سيئه هيكون علاجها اصعب وأرخم ومدته اطول.
تم النشر السبت، ٣١ مايو ٢٠٢٥
مرحبًا أخي أحمد، الانتفاخ أو الكورة الصغيرة اللي ظهرت في يدك فجأة ممكن تكون أسبابها مختلفة، وبعضها قد يكون بسيط مثل تجمع سائل، كيس دهني، أو التهاب بسيط، وفي أحيان أخرى تكون أمراض أو مشاكل تحتاج تقييم طبي دقيق. من سؤالك: الكورة موجودة حوالي شهر بدون تغيير أو ألم، وهذا أمر إيجابي أن ما في ألم أو تضخم سريع. لكن وجودها مستمر ويزعجك، يستحق المتابعة. بالنسبة للكريمات: عادةً الكريمات وحدها قد لا تكون حل ناجح لوحدها، لأن تحديد العلاج الصحيح يعتمد على التشخيص. إذا كانت الكورة ناتجة عن كيس دهني مثلًا، ممكن تحتاج متابعة طبيب لتقييمها وربما تحتاج إجراءات بسيطة. نصيحتي لك: راجع طبيب جلدية أو جراحة صغيرة للفحص المباشر. الكشف الطبي مهم لأن العين فقط عبر الانترنت لا تكفي. إذا شاهدت أي تغييرات مثل زيادة الحجم، ألم، حرارة، احمرار، أو تغيرات جلدية، لا تتأخر في الذهاب للطبيب. لا تضغط عليها أو تجرحها بنفسك لأنها ممكن تسبب التهاب أو مضاعفات. في انتظار حالتك، لاتتردد بالسؤال واطلع على بعض تجارب ونصائح مستخدمي فدني عن نفس العرض. ولو تحب، يمكنك استشارة خبير في فدني مباشرة عبر صفحتهم رابط الخبراء . أتمنى لك الشفاء والعافية، ولا تقلق كثيرًا ولكن تابع الموضوع بحذر. هل تريد أن أساعدك في كيفية شرح هذه الحالة للطبيب بشكل واضح؟ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٣١ مايو ٢٠٢٥
دي خبطه قويه .. حد خبطك او انت إتخبطت فيها .. وعمل تجميع كيس دهني وهتحسه من قوته والألم اللي فيه كأنه عضمه .. ليه حلين لإما أدويه ومراهم معينه لو مراحش بيحتاج تدخل جراحي .. إكشف عظام وبإذن الله خير
تم النشر السبت، ٧ يونيو ٢٠٢٥
مساء الخير
تم النشر السبت، ٧ يونيو ٢٠٢٥
روح اكشف عند دكتور عظام ومتستهونش لان شوفتها كتير واضرارها مش كويسه ف روح اتاكد علي نفسك احسن م تجيب مراهم من الصيدليه تضرك اكتر..
تم النشر الأحد، ١ يونيو ٢٠٢٥
ممكن يكون سببها حركة خطأ ومجهود زائد
تم النشر السبت، ٣١ مايو ٢٠٢٥
لعرض السؤال في فدني اضغط هنا