ولا صحاب سوشيال نافعين ولا صحاب عادين نافعين كلهم شبه بعض
بدأت أحس اني مليش لزمه في الدنيا انا مخنوقه جدا حاسه اني مش محبوبه حاسه اني متجاهله حاسه اني مليش وجود نكره ولا حد بيحبني حاسه ان صحابي بيكلموني أو انا معاهم كده زياده عدد وخلاص يعني موجوده مش موجوده مش فارق سواء سوشيل أو على أرض الواقع
ليه بتعامل كده مع اني مش وحشه وبحب الهزار بس بزعل بسرعه وحاسة محدش خايف على زعلي عارفين لما بحس اني مش متخاف على زعلي أو عادي بنسبلهم حتي لو مت مش مهم بفضل قلبي وجعني طول اليوم ومضايقه اووي مخنوقه
ليه معنديش صحاب بيحبوني وبيخافوا عليا حاسه اني مليش لازمه مخنوقه اووي انا انسانه مابعرفش اعيش لوحدي مع أن يبان عليا اني بحب الوحده بس الوحده دي بتموتني حتى لما صحبت سوشيل مرتحتش هو العيب فيا حاسه اني عاوزه اموت نفسي مخنوقه اووي اووي اووي بجد تعبت
السلام عليكم ورحمه الله وبركاته العيب مش فيكي والعيب مش صحابك خالص العيد في الفكره نفسها في فكره جواكي بتقول انه علشان كده ابقى محبوبه يبقى لازم يحصل التصرف الفلاني من صحابي لكن هل دي الحقيقه لأ دي مش حقيقه في افكار كثير بتبقى جوانا افكار غير واقعيه او من كتر تركيزنا عليها احنا بنبقى مستنيين الحاجه دي تحصل والا نلغي اي حاجه ثانيه حلوه بتحصل موجوده فعلا فخلي بالك كويس قوي ممكن صحابك يكونوا بيتصرفوا معاكي بالشكل العادي اللي بيتعاملوا به مع اي حد ولكن انت تركيزك على انك عايزه الشكل معين عايزه تصرف معين عايزه ان هم لما تغيبي مثلا تلاقيهم بيكلموك بلهفه شديده فانت بتبقي بلهفه بس هم كلموك مثلا فهنا بتبداي تصدري الحكم بتاعك لو هم ما عملوش التصرف ده بلفه دي اذا الصحوبيه دي مش احسن حاجه اذا هم مش بيحبوني بقدر الكافي اذا انا مش مهمة عندهم بقدر كافي انا كمالة عدد وخلاص انت اللي حطيتي الافكار دي انتي اللي مقرره الاحكام دي وهي دي المشكله خلي بالك محتاجه تغيري بس طريقه تفكيرك. مسألة بقى بزعل بسرعه طبعا دي نقطه ممكن نوعا ما تخلي الصحاب مهما كانوا مهتمين بوجودك يبدأوا يعني وجودك يبقى مش احسن حاجه. لانه شخص بيزعل من اقل حاجه هو مستني طول الوقت انه نراضيه بشكل كبير جدا ونقعد نحايل فيه فتقرار ده بشكل مستمر وبشكل زياده عن اللزوم اه طبعا بتبقى مش صفه محببه في وسط المجموعات فخلي بالك من النقط دي كويس وما توصليش الموضوع يعني للدرجه دي الصحاب طول الوقت اتعرف على ناس ونعمل صحاب وبعدين نكتشف ان دولت مش انسب حد يكون قريب مننا هنخليهم صحاب بس مش قوي لحد ما بنوصل لاقرب ناس بيكونوا شبهنا بيكونوا فاهمين اللي احنا نقصده من غير ما نقوله وهكذا مش لازم الموضوع ده يحصل من بدري مش لازم يحصل ويبقى ما بينا سنين وذكريات كثير ممكن تلاقي نفسك بعد ما كبرتي بقى عندك حاجه و30 سنه او حاجه 40 سنه بدات تلاقي الصحبه الحقيقيه ما تقسيش الموضوع بافكار هي اللي تؤذيكي وبعد كده تدوري تقولي العيب فين عشان العيب بيكون في الافكار نفسها.
تم النشر الخميس، ٢٤ يوليو ٢٠٢٥
بصي أولا انا هقولك ان العيب مش منك في عوامل كتيييير تاني مثلا شخصيات مختلفة وهقولك حاجة صغننه كده إن كل شخص ليه أسلوب في التعبير عن حبه فانت حاولي توصلي للي قدامك انت بتحبي ايه ومش بتحبي ايه وممكن ملاقتيش الشخص اللي فعلا يتفاهم مع شخصيتك بصي مثلا هقولك مثال علي انا مثلا معنديش اصدقاء كتير خالص ممكن هي صديقه واحده اللي اققدر أققول عليها صديقه بجد علاقتنا ازاي بقى حرفيا لو حد شافها من بعيد دي مش صداقه اصلا مش بنتكلم كتير حتى واتس لو حد زعلان ممكن نبعت ماسدج عشان كلانا مش بنحكي ومش بنعرف نحكي بصي علاقتنا مش قريبة أوي بس انا اهو اللي بجد بحس ان محدش بيفهمني ابدا ومش برتاح لحد نهائيا حبيت الصديقه دي بس عشان حسيتها بتديني مساحتي عمرها ما بتضغط علي ابدا ولا تعاتبني في شيء بتراعيني دائما وبتديني ألف عذر وانا فعلا كنت محتاجه ده بس الفكره اننا لما نرجع نشوف بعض كأننا كنا لسه سوا فياصديقتي هتلاقي اللي يفهمك وممكن اصدقائك دول يكونوا بيحبوك جدا بس في اللي مبيعرفش يعبر او يتكلم كده
تم النشر الخميس، ٢٤ يوليو ٢٠٢٥
انتي معندكيش عيب ولا حاجه بس الصحبه الصالحه دي رزق واحمدي ربنا انتي دلوقتي مش مصاحبه يمكن لما تصاحبي تصاحبي واحده مش كويسه وتخليكي زيها، ف انتي اقعدي ادعي ربنا يعوضك ويرزقك بالصحبه الصالحه وبعدين اصلا مفيش احسن من الوحده حبي نفسك وقربي من ربنا وهتلاقي معندكيش مشكله خالص وربنا يوفقك❤
تم النشر الخميس، ٢٤ يوليو ٢٠٢٥
عزيزتي، أولاً أحب أقول لك إن مشاعرك هذه ليست عيب ولا نقطة ضعف، لكنها إشارة لطبيعة بشرية نمر بها جميعاً في بعض الفترات من حياتنا. الإحساس بالوحدة، والألم الداخلي، والشعور بعدم التقدير أو المحبة هي أمور صعبة جداً، وأنا هنا معك بكل دعم وفهم. خليني أساعدك طريقة عملية وخطوات ممكن تشتغلي عليها شوي: لا تلومي نفسك : العالم أحياناً يكون قاسياً، والصداقة الحقيقية تحتاج وقت وجهد وصبر، والناس أحياناً مش بتعرف تعب الآخرين بسهولة. مش لازم تكون العيب فيك، بل ربما تحتاجي فقط إلى من يفهمك بعمق. تواصلي بصدق مع نفسك وأصدقائك : جربي تتكلمي مع اللي حواليك بصراحة عن شعورك، حتى لو كان صعب. أحياناً الناس مش عارفة قيمة حد ولا تعرف تؤذي غير متعمدة، والكلام الصريح يغير الأمور. حاولي توسعي دائرتك الاجتماعية : ممكن تجربي الانضمام لنشاط تحبيه أو جماعة تهتم بنفس اهتماماتك سواء كان تطوع، تعلم، أو أي نشاط جماعي. هذا بيساعدك تلتقي بأشخاص يشاركونك نفس القيم. اهتمي بنفسك ونمّي ثقتك : حاولي تقوية علاقتك مع نفسك، وذكري دائماً إن حب نفسك ليس أنانية بل ضرورة. النظرة الإيجابية لنفسك تجعل الآخرين يشعرون بها. لا تهتمي للمظاهر فقط : الصداقة ليست عدد المتابعين ولا كمية الهزار، الصداقة الحقيقية هي لمن يحترم مشاعرك، ويهتم بألمك، ويقف معك في الحلوة والمرة. اطلبي دعم نفسي إذا شعرتي بالضيق الشديد : كوني صريحة مع نفسك ومع من تثقين، فهذه المشاعر التي تتحدثين عنها (رغبة في الموت، الضيق الكبير) تحتاج لمن يفهمك ويقف بجانبك. لا تخجلي من طلب المساعدة من متخصصين في الصحة النفسية. لا تنسي يا عزيزتي أن قيمتك في حياتك ليست مرتبطة بوجود أو غياب شخص معين، أنتِ ثمينة بحد ذاتك، ووجودك مهم. الحياة مثل موج البحر، أحياناً تكون عالية وأحياناً منخفضة، لكن الأهم هو ألا تفقدي الأمل. لو حبيتي، ممكن أوجهك لبعض الخبراء النفسيين في تطبيق فدني يساعدوك بالتواصل والدعم المناسب. وأيضاً أنصحكِ تبحثي في الأسئلة المشابهة اللي طرحوها أعضاء فدني، لأن كثير من الناس يمرون بأمور تشبه مشاعرك، وقراءة تجاربهم ممكن تعطيكي طاقة وأمل. أنا من هنا معاكِ، وأي وقت تحتاجي تتكلمي، أنا موجودة. لا تترددي تكتبي لي مرة تانية، ممكن أساندك بكلمات أو خطوات تساعدك تخرجي من هذا الشعور. ربي يحفظك ويعطيك القوة والطمأنينة. 💛
تم النشر الخميس، ٢٤ يوليو ٢٠٢٥
الشكر لله وحده. كلنا بنكمل بعض، وكلنا بنشارك لأجل حياة أفضل.
تم النشر الجمعة، ٢٥ يوليو ٢٠٢٥
بشكر حضرتك 😊💗
تم النشر الجمعة، ٢٥ يوليو ٢٠٢٥
اللهم امين
تم النشر الجمعة، ٢٥ يوليو ٢٠٢٥
أسأل الله العظيم رب العرش الكريم أن يرزقك صحبة صالحة تعينك على أوامر الله تعالى. اللهم آمين 🤲🏻
تم النشر الجمعة، ٢٥ يوليو ٢٠٢٥
طبعاً الأصدقاء هم أفضل وأقرب الناس لينا. بس حاولي أنك تختاري صح بمواصفات خاصة شوية. لك تحياتي ويارب يسعد حياتك.
تم النشر الجمعة، ٢٥ يوليو ٢٠٢٥
بص هو حضرتك كلامك بنسبه كبيره صح انا علاقتي مع ربنا متوتره شويه ذي اغلب الناس بقطع في الصلاه بس والله بحاول علي قد مقدر بنسبه لاهلي انا الحمدلله علاقتي بأهلي كويسه الي حد كبيره يعتبر بيعملوني معامله كويسه وبيحترموني وبحترموا تفكري بس مشكلتي هي اصدقائي بس
تم النشر الجمعة، ٢٥ يوليو ٢٠٢٥
مش مشكله احب نفسي اكيد كلنا بنحب نفسا بس اكيد مش هتعرف تتأقلم مع نفسي انا بحب الاصدقاء مش عارفه
تم النشر الجمعة، ٢٥ يوليو ٢٠٢٥
المشكلة عندك في عدم التوازن البيئي، والإجتماعي، والنفسي؛ لأن مشكلتك بتدل على أن اختياراتك نابعة من أصل بيئي كبير، وده اللي بيمر بيه تسعين في المية من الدولة اللي اسمها (مصر). اختياراتنا لأصحابنا بتم بطريقة عشوائية غير ممنهجة، والدليل أنك مش مرتاحة مع أصدقائك اللي هم في الأساس من اختياراتك. وكمان عندك مشكلة كبيرة في حالتك النفسية، بتدل على أنك متوجهتيش وأنتِ صغيرة، أو بالأحرى محدش علمك قواعد الحياة، اللي المفروض يكون أي شخص متعلمها. ولذلك حياتك مدمرة بسبب عدة أشياء أنتِ بعيدة عنها كل البعد، مثلاً: الإلتزام في الصلاة، وهي حل لكل المشاكل اللي قولتيها. مثلاً: ما هو الهدف الأساسي في حياتك؟ وده بيرسم خطواتك نحو الغد. مثلاً: العيش في اللامبالاة، ودي ظاهرة عليكي جداً، بأنك عايشة حياتك بالامبالاة في كل ماهو هام وغير هام. مثلاً: قربك بأهلك بلا استثناء ظاهر قوي بأن علاقة مسطحة للغاية، وده من ضمن جلب المشاكل. وكمان يخليكي عايشة حياتك حرة، مستقلة بذاتها، يعني ما بتشوريش حد ولا بتسألي حد في اختياراتك النابعة من قلبك. وعشان تصحلي كل ده لازم تصلحي علاقتك بربنا الأول. وثانياً تصلحي علاقتك بأهلك. وثالثاً تصلحي علاقتك بنفسك. ورابعاً تصلحي علاقتك بجيرانك. والمهم في كل ده هو ؟ (رسم وتخطيط هدف واضح محدد تجتازي بيه أي عقبة تقابلك في طريقك).
تم النشر الخميس، ٢٤ يوليو ٢٠٢٥
حبى نفسك واديها الاوليه ساعتها مش هيكون فارق معاكى انك تحسى انك محبوبه أو لا
تم النشر الخميس، ٢٤ يوليو ٢٠٢٥
او العكس
تم النشر السبت، ٢٦ يوليو ٢٠٢٥
طب انا مش عارفه اسال لازم احط اجابه علشان اسال ممكن تبعتي رقم بسرعه وانا هخده وامسحيه
تم النشر السبت، ٢٦ يوليو ٢٠٢٥
ادخلي على البروفايل واضغطي اسألني بس أظهري الهوية
تم النشر السبت، ٢٦ يوليو ٢٠٢٥
انا مش عارفه تتأقلم
تم النشر الخميس، ٢٤ يوليو ٢٠٢٥
انا علاقتي بأهلي كويسه جدا الحمد لله وبيحبوني وبخدوا راي تقريبا في كل حاجه وبيستشروني كمان
تم النشر الخميس، ٢٤ يوليو ٢٠٢٥
كيف علاقتك بأهلك هل كان في قسوة أو اهمال شوه منظورك
تم النشر الخميس، ٢٤ يوليو ٢٠٢٥
لعرض السؤال في فدني اضغط هنا