يمكن الوضع ده كله يتغير لما تحسي بالذنب ناحية ربنا مش ناحية حبيبك. انسي خالص ابن خالك وحبيبك والشخص التالت اللي بتتواصلي معه بطريقة حرام واقعدي مع نفسك كده وراجعي كل الوضع ده. مش مهم بداية الغلط فين ومش مهم إن كان ابن خالك هو اللي فتح قُدامك بتحرشه الطريق الحرام اللي انتِ مستمرة فيه لحد الآن لأنك واضح إنك أدمنتِ السلوك ده من عمر صغير. المهم دلوقتي تقفي مع نفسك وقفة حاسمة وترجعي لربنا. خلي كل تركيزك عن عظم ذنبك تجاه ربنا وتذكري كل نعمه عليكِ وستره لكِ، فكري في إنك لا قدر الله ممكن تموتي وأنتِ بتعملي الذنب ده وهتقفي قُدام ربنا إزاي. مشكلتك كلها حلها تلجأي لربنا، توبي عن كل الأخطاء اللي فاتت واللي لسه مستمرة وانوي عدم الرجوع لها واقطعي تواصلك تمامًا مع الشخص اللي بتبعتيه له صور. حبيبك اطلبي منه يتقدم لك رسمي، لو هو بيحبك هياخد الخطوة دي ولو رفض فهو بيتسلى مش أكتر وانتِ في حياته علاقة مؤقتة. فكري في إنك تستحقي وضع أفضل من ده وتستحقي ربنا يكون راضي عنك. معلش لو كنت قاسية في كلامي بس انتِ في الوضع ده محتاجة كلام يفوقك مش يطبطب عليكِ. ربنا يهديكِ ويهدينا جميعًا.
ممكن تقوليلي اصلي صلاة التوبة الحقيقية ازاي او ازاي اوصل لنقطة ان توبت خلاص يارب ؟
تم النشر الاثنين، ١٤ يوليو ٢٠٢٥
معلش لو فهمت غلط، بس المشكلة إن البنات غالبًا بتستخدم كلمة ارتباط عشان علاقة غير رسمية فاللي هيقرأ للأسف هيفهم كده... بالنسبة لإحساسك بالذنب وكسوفك من ربنا وكمان أفكار القرف من النفس والاشمئزاز دي كلها وساوس من الشيطان عشان يخليكِ تيأسي من نفسك ومن الرجوع لربنا... لازم هيحسسك قد إيه انتِ وحشة وغلطتِ بحق ربنا وملكيش عين تقفي قصاده وهيخليكِ حاسة بكده دايما عشان تحسي مفيش أمل وإنك كده كده ضعتِ فترجعي للطريق اللي هو عاوزه وكل ما تنزلي أكتر كل ما هيزود إحساسك ويخليكِ تغرقي أكتر فالحل إنك تقطعي عليه الطريق ده وتواجهي الوساوس دي بقوة. احنا بشر ومش ملائكة وكلنا بنغلط وبنقع فافتكري دائما (كل بني آدم خطاء وخير الخطائين التوابون) المهم إنك ترجعي بصدق وتتوبي وتأدي التوبة بشروطها ووقتها أيقني إن ربنا تاب عليكِ وارمي الوساوس كلها ورا ظهرك. ربنا معك ويعينك ويثبتك.
تم النشر الاثنين، ١٤ يوليو ٢٠٢٥
شكرا لكلامك بس انا مخطوبة بالفعل بس انا بقول عنه حبيبي لان اتعودت لان بحبه ف بقول حبيبي مش مجرد خطيبي ، بالنسبة ل ابن خالي انا بالفعل بعدت عنه ومسحت رقمه من زمان ، بالنسبة للشخص اللي بعت له صور انا بحاول ابعد عنه وبمسك نفسي حتى لما يطلب بقوله لا بس انا ناوية ابعد قريب ، انا حاسة بالذنب بسبب ربنا وانا بجد بصلي دايما مش بقطع فروض ابدا بصلي وبصلي السنن وبصلي الصلاوات بمواعيدها وبقرب منه دايما وبتوب دايما بس بجد مكسوفه من ربنا ان كل اما اقرب منه يحصل الحاجه دي ف اقرف من نفسي وبزعل وبفكر في ربنا انه انا مكسوفه منك يارب بس بحاول ارجع انا دلوقت بقفل كل الطرق اللي ممكن تخليني اعمل حاجه غلط ، شكرا على كلامك مزعلنيش ابدا بالعكس
تم النشر الاثنين، ١٤ يوليو ٢٠٢٥
لعرض الإجابة في فدني اضغط هنا