انا دلوقتي في أولي جامعة من حوالي سنتين اتعرفت علي واحدة في الأول كان عادي اللي هو ولا بحبها و لا بكرهها بس الموضوع مشي بسرعة شوية و مامتها عرفت أننا بنتكلم و كلمتني و طبعاً ضربت البنت دي و عملت معاها مشاكل كتير و لغاية دلوقتى مكانش في من ناحيتي مشاعر ، لما حصل الموضوع ده لقيت في نفس اليوم صاحبتها بتكلمني و بتقولي أن قد ايه البنت دي بتحبني و راسمه حياتها معايا و رغم المشاكل اللي حصلت كانت بتحاول تكلمني ب اي طريقة و مكانتش عيزاني ابعد عنها نهائي ، رجعنا اتكلمنا و حصل مواضيع شبه دي تاني و كانت بتتسحل حرفياً و و مع ذلك مكانتش بترضي تبعد مهما يحصل ، حبيتها جداً لدرجة العشق حرفياً بس هي كانت بدأت تتغير ، مش أسلوبها معايا لا بس بدأت أنها تلبس ضيق الي حد ما و تبين شعرها من الطرحة ده غير صحابها اللي مكنتش بحبهم و كنت شايفهم مش كويسين ، حاولت معاها حوالي شهرين بس معرفتش الاقي حل ف قررت ابعد ، فضلت 3 شهور برجع اكلمها يومين و نرجع نبعد بالاسابيع، السبب اللي خلاني ابعد نهائي أني عرفت أن في خلال ال 3 شهور بقا عندها صحاب ولاد و مش بس كده هما كمان خرجوا ك جروب ف مقدرتش استحمل حاجة زي دي و بعدت خالص ، و الموضوع مش بس كده لا هو بقا اوفر اكتر مما كنت بعلق عليه يعني احيانا بتخرج منغير طرحة أصلا غير اللبس اللي بقا أضيق من اللي كنت بتضايق منه غير طبعاً الصحاب الولاد و اللي بقا الخروج معاهم في جروب شئ طبيعي ، طبعاً اي حاجة عرفتها عنها بعد ما سبتها كانت بسبب اني بقيت ستوكر و بحاول اجمع اخبار عنها ، انا لسه بحبها بس انا مش متقبلها باللي بقت فيه يعني تقدروا تقولوا كنت بحب نسخة ماتت جواها ايه الحل دلوقتي، هي رجعت بعتتلي من كام يوم مرضتش اكسفها بس في نفس الوقت حاولت ارد عليها ببرود علشان الكلام يتقفل ، رجعت بعتت مرة كمان بعدها ب يوم رديت بنفس الطريقة ، مرة تالتة كمان بعد يوم كمان و برضو رديت بنفس البرود
حد عنده نصيحة في الموضوع ده زي مثلاً ازاي انساها او اي حاجة تانية لأن عدا حوالي سنة و لسه بحبها مش قادر انساها ولا تبطل توحشني
السلام عليكم، هو الموضوع مش بضغطة زر وأكيد مشاعرك هتحتاج وقت على ما تقدر تتجاوزها إن شاء الله، المهم أنت نفسك من جوا متحبسش نفسك في فكرة الحب الوحيد وهي دي ومش هقدر أنساها، عقلك الباطن بيصدق الأفكار اللي بتكررها عليه وترددها جوا نفسك فلازم تكون واعي للواقع وللأفكار اللي بتغرسها جواك. هنركن على جنب إن العلاقة غير الرسمية هي شرعا حرام ومينفعش الارتباط اللي فات، لكن بما إنه انتهى فخلينا في الأمر الواقع. هل أنت كلمتها ونصحتها في الحاجات اللي ضايقتك منها؟ (وفرق بين النصيحة والتحكم، اللي هو أنا الرجل فلازم تعملي اللي بقول عليه وتسمعي كلامي وتكوني زي ما أنت عاوزك) لو نصحت من غير تحكمات وهي فضلت متمسكة باللي بتعمله ورافضة نصحك ومستمرة في الانحدار أكتر في طريق غلط فبلاش تتعب نفسك زيادة واعترف إنكم مش مناسبين لبعض وهتتعب معها جامد لو قررت ترجع وتكمل، حتى لو قالت لك هتتغير فالحقيقة محدش بيتغير عشان خاطر حد حتى لو حصل ده فبيبقى تغيير مؤقت وهينتهي في وقت ما وترجع ريما لعادتها القديمة، التغيير لازم يبقى نابع من جوا الشخص ورغبته هو إنه يتغير لنفسه ويكون شخصية أفضل. *** أبعد تماما واعمل بلوك وتألم شوية دلوقتي أحسن من التألم أضعاف مضاعفة بعدين، ومتقاومش التفكير والحنين عشان المقاومة بتزودهم. تعامل بطبيعية وتفهم وضعك الحالي ومشاعرك وإنك هتاخد شوية وقت لحد ما تتجاوز وتبقى مجرد ذكرى في حياتك. انشغل في دراستك وحياتك ومع الوقت تلقائيا الأفكار هتقل وهتتخطى كل ده إن شاء الله. ونصيحة، بلاش علاقات من النوع ده تاني، ركز على مستقبلك وتكوين ذاتك ووقت النصيب هتقدر تختار الشريكة الصح إن شاء الله. بالتوفيق.
تم النشر الثلاثاء، ٣ نوفمبر ٢٠٢٦
باختصار شديد أنصحك بنصيحة من غير لف ولا دوران اتقي الله انت او اي شاب من موضوع العلاقات المحرمة ده ( من يتق الله يجعل له مخرجاً ) باختصار اي علاقة خارج إطار الزواج حرام حتى لو فترة الخطوبة ليها ضوابط وأحكام فأي علاقة ليك بالبنت دي أو غيرها علاقة حرام حتى لو امها وجدتها وكل عيلتها راضيين بكده ربنا مش راضي... فـ اتقي الله وعيش حياتك عفيف طاهر بينك وبين الحرام سد .... انت واي شاب نضفو قلوبكم من اي حب محرم وتعلق بالبنات خلى قلبك صائم حتى يأذن الله له بالحلال على زوجته فقط ✋ .. مشاعرك دي اللي انت بتستهلكها في العلاقات المحرمة صدقني هتفسد عليك حياتك الزوجية فيما بعد وكل علاقة وحب محرم هتدفع انت واي شاب تاني تمنه وتمن غالي جدا ... الشاب اللي مقضيها في الحرام يحب دي ويتعلق بدي ربنا مش هيباركله في حياته
تم النشر الأربعاء، ٤ نوفمبر ٢٠٢٦
يا صاحبي، أنا فاهم تمامًا اللي بتمر بيه. الحب اللي كان موجود كان حقيقي، لكن النسخة اللي كنت بتحبها راحت، واللي موجود دلوقتي شخص مختلف تمامًا في قيمه وسلوكه. ده مش عيب فيك ولا فيها، ده مجرد واقع إن الناس بتتغير، وأنت مش قادر تقبل التغيير ده لأنه بيخالف اللي كنت بتتمناه. المحاولة مجددًا هنا مش هتفيد، لأنك لو رجعت هترجع تحاول "تصلح" حد مش عايز يتصلح، وده هيوجعك أكتر على المدى الطويل. الأفضل دلوقتي هو التخطي، وده مش سهل بس ممكن بخطوات عملية. أول حاجة: اقفل باب التواصل نهائي. الردود الباردة اللي بتعملها كويسة، لكن لو استمرت في المحاولة، فكر في حظر أو تجاهل كامل عشان متفضلش تعلق نفسك. تاني حاجة، ركز على نفسك دلوقتي في أولى الجامعة – طور مهاراتك، اقرأ، مارس رياضة، أو أي نشاط بيخليك تشعر بالإنجاز. ده هيساعدك تبني نسخة أقوى من نفسك بعيد عن الذكريات. من ناحية إسلامية، ادعي ربنا يشفي قلبك ويبعد عنك اللي مش مناسب لك، وتذكر إن الرزق الحقيقي في اللي يناسب قيمك. الستوكينج اللي كنت بتعمله كان بيطول الجرح، فحاول تبعد عن متابعة أخبارها خالص. مع الوقت والصبر هتنسى، وهتلاقي إن الحب الحقيقي بيجي لما تكون جاهز ومستقر. لو عايز آراء أكتر، ابحث عن أسئلة مشابهة على فدني. أنت قادر تتجاوز ده، وهتكون أقوى.
تم النشر الثلاثاء، ٣ نوفمبر ٢٠٢٦
عايز احاول افيد حضرتك، لكن عندي سؤال الأول هل أنت اقتنعت بكلام أستاذة ماي، ولا لسا في نقط مش داخله دماغك او عايز رأي تاني فيها؟ لو ايوا ياريت تقولي إى هيا، و حاول ارد عليك بمنظوري لما كنت في نفس موقفك إن شاء الله.
تم النشر الأربعاء، ٤ نوفمبر ٢٠٢٦
لعرض السؤال في فدني اضغط هنا