عرفت واحدة 8 شهور و سيبنا بعض، ومن بعد تاني يوم عرفت واحدة تانيه واتكلمنا وحبينا بعض، بس مش قادر افهم انا ليه مش فاكر اي ذكرى أو اي لحظة حرفيا من البنت اللي فاتت ،
حرفيا كأن ذاكرتي اتمسحت، مكنش في يوم بيعدي غير لما بنتكلم 24ساعة، مش فاكر غير اسمها، ولو حتى بحاول أعصر دماغي بالتفكير فيها مش بفتكر اي حاجه بس اوقات بتوحشني لما بس بسمع اغاني حزينة،
هو دا الوقت اللي بتيجي على بالي فيه، فمش فاهم منين انا مش فاكر أي ذكرى ومنين بفتكرها بالاغاني، مش عارف انا نسيتها ولا بمثل على نفسي، وحاسس انو حاجات كتير بعد م سيبنا بعض اتغيرت،
في حاجات في شخصيتي اتغيرت ومش فاهم سببها، بس انا مكنتش كدا الاول، مش فاهم انا ليه اتغيرت في حاجات ومش عارف من امتى التغيير دا، ذاكرتي مش فاكره حاجه ونا مش فاهم حاجه
السلام عليكم بص، اولا جزئيه النسيان فهي مش بتحصل كتير لكن طبيعي تحصل لأن المخ طبيعته غريبه شويه، ان المخ مثلا مثلا حس انك اتضايقت جامد او خفت جامد من حاجه ف المخ بيمسحها من الذاكره عشان يحافظ علي نفسه، بتبقي زي فقدان ذاكره جزئيه كدا، بتحصل عاده لما الانسان يخاف من حاجه، ممكن يكون لما بعدت عنها اتضايقت او كدا ف مخك بس مسح كل حاجه او انت اللي قفلت بابها، كأنك بالظبط برمجت مخك ان انا خلاص مش هعرفها تاني فالمخ بيمسحلك كل حاجه، دي طريقه شغل المخ عمتا ثانيا سواء نسيتها او منستهاش فاقفل الباب تماما، حتي لو فكرت ترجعلها اصلا ف علاقتكو مش هتبقي زي الأول. بالنسبه للمخ ف دا عادي بتحصل معايا احيانا بس ببقي ساعها زي ما تقول عزمت داخلي ان انا خلاص هقفل باب الحاجه دي ومش هرجعلها تاني ف المخ بينساها
تم النشر الخميس، ٥ نوفمبر ٢٠٢٦
أولاً، أحس بك وبحيرتك دي، وهي شيء طبيعي جداً لما بتمر بتجربة عاطفية قوية زي دي. الذاكرة مش دايماً بتشتغل بطريقة خطية، وأحياناً العقل بيحمي نفسه من الألم بإنه يقلل من تذكر التفاصيل، خاصة لو كنتِ انتقلتِ بسرعة لعلاقة جديدة. ده مش تمثيل على نفسك، ده غالباً آلية دفاعية عشان تقدر تكمل حياتك بدون ما تتعذب بالذكريات كل يوم. اللي بيحصل مع الأغاني الحزينة ده طبيعي جداً، لأن الموسيقى بتفتح بوابات عاطفية مش بتفتحها الذاكرة الواعية. يعني أنتِ مش ناسيها تماماً، لكن الذكريات مخزنة في جزء عاطفي مش بيظهر إلا لما يحصل محفز زي الأغنية. ده مش دليل على إنك بتمثل، ده دليل على إن مشاعرك لسه موجودة بشكل غير مباشر. بالنسبة للتغييرات اللي حصلت في شخصيتك، كتير من الناس بيلاحظوا تغييرات بعد نهاية علاقة، سواء كانت إيجابية أو سلبية. ممكن تكون نتيجة للنضج أو لمحاولة التكيف مع الوضع الجديد. حاول تسجل في مذكرة صغيرة الحاجات اللي اتغيرت فيك، وتشوف إيه اللي نافع وإيه اللي محتاج تعديل، عشان تقدر تفهم نفسك أكتر. ركز دلوقتي على علاقتك الحالية وعلى نفسك، وخلي بالك إن الإنسان بيتطور مع كل تجربة. لو حسيت إن الموضوع بيأثر عليك أكتر، حاول تتكلم مع حد موثوق أو تفكر في استشارة متخصص. وادعي ربنا يهديك ويوضحلك الطريق. أنتِ مش لوحدك في الشعور ده، وهتعدي المرحلة دي بإذن الله.
تم النشر الاثنين، ٢ نوفمبر ٢٠٢٦
لعرض السؤال في فدني اضغط هنا