سلام عليكم.....كان فيه بنت حزينة ف المهم انا كلمتها وحاولت اخليها تتكلم ولقيتها محترمة خالص وطلبت منها اننا نبقي صحاب بس هي كانت رافضة في الاول وبعدين وافقت ، انا معنديش اخوات بنات بس بعرف احافظ علي بنات الناس كويس ، المهم كلمتها باحترام وهي كانت ف منتهي الذوق والاخلاق وحبيتها واعترفتلها وبعدها بفترة لقيتها بتقولي انها بتحبني جدا ، طبعا كنا بنشجع بعض علي المذاكرة وانا بصلي من قبل ما ادخل اولة ابتدائي خليتها تنتظم في الصلاة وفضلنا مع بعض سنتين الا شهر ، جيت قولتلها اني بحبها وعايز اكسبها في الحلال ومش عايز اتعامل مع ربنا بالحرام وبإذن الله هخلص الكلية والجيش واجي اتقدملك بس هي مكنتش عايزة نوقف كلام وتقولي طب انت ليه كلمتني من الاول والكلام ده......المهم انا مرضيتش اكلمها خالص وجت كلمتني وقالتلي نفس الكلام وخلتني اتعصب من عصبيتي قولتلها انا مليش دعوة بيكي تاني واحنا اخوات ونهيت كل حاجه في لحظة عصبية ، هي انهارت وشخصيتها اتغيرت خالص بقت شبه قاسية ، انا بقالي خمس شهور اصالح فيها ومفيش نتيجة هي بتكلمني عادي بس بطريقة قاسية وكل يوم تعاتبني وقالتلي انسي النسخة بتاعتي القديمة وانا بحبها اوي ومش عايز اسيبها مش عارف اعمل ايه
أنت كنت ماشي غلط معاها وبتوهم نفسك أنك كدة بتحافظ عليها وبتشجعها على الصلاة (ودة المدخل اللي الشيطان بيدخل منه للشخص المتدين ) وبعد كدة أخذت الطريق الصح والتزمت بالحدود اللي ربنا شرعها زي ما فهمت من كلامك - مفيش أي حاجة تخليك تندم على الطريق دة دلوقتي ولو هي مش حابة حدود ربنا يبقى خيرها في غيرها. الطريقة الوحيدة المشروعة علشان تحافظ عليها لو عايز هي أنك تتقدم وتخطبها، لو مش متيسر يبقى توقف كلام معاها زي ما عملت وربنا يرزقك خيرا منها
تم النشر الاثنين، ٨ يونيو ٢٠٢٦
وعليكم السلام ورحمة الله وبركاتة بص هو من البدايه الموضوع غلط لاكن المهم انك خلاص فوقت وعرفت الصح واياك تتراجع عن قرارك علشان تكسب رضاها هي يمكن لسه صغيره وشايفه انك كدا بتتخلي عنها ومش عيزها انت دورك دلوقت انك تبعتلها رساله وتعترف تاني بحبك وتمسكك بيها وانك بتعمل كدا علشان عيزها في الحلال ورضا ربنا اهم مليون مره من اي حاجه تاني وقلها انك في اقرب فرصه هتكلم اهلك عليها وهتيجي ودي اكتر حاجه هتثبتلك اني فعلا صادق وبحبك وانا لما قلتلك اني مليش دعوه بيكي واحنا اخوات هي دي لحظه عصبيه مني ومكنتش اقصد وبعدها تعملها بلوك من كل مكان ومتستناش رد منها وهي حتي لو مفهمتش رسالتك دلوقت هتفهمها بعدين ان شاءلله لاكن اياك تسمح للشيطان انو يضحك عليك تاني ويزين ليك الحرام ويقولك طب استني بس شوف ردها واعمل بلوك طب رد عليها واعمل بلوك طب ده اخر يوم تتكلمو فيه واعمل بلوك طب اتاكد انها بتحبك واعمل بلوك كلها دي مداخل للشيطان اوعي تسمعلو وربنا يرزقما الحلال يارب
تم النشر الثلاثاء، ٩ يونيو ٢٠٢٦
اول حاجة نصيحة من أخ اقفل الباب اتغيرت او لا اقفل الباب اكسب علاقتك مع ربنا في المقام الأول. ثانيا القلوب بتاعت ربنا يقلبها كيف يشاء دا اختبار ليك انت بتقول عايز تسيبها لانه حرام يبقى لازم تعمل كدا اتغيرت او لا دي بتاعت ربنا اه كلامك جرحها هيا واخدة على خاطرها طالما بتكلمها من رأي تقولها بصي انا راجل شريكي وبحبك بس مش هاعصي ربنا تاني هاسيبك لله ان كنا خير لبعض وجيت اتقدمت ليكي ربنا هايحنن قلبك عليا لو من نصيبك مش هاتكون لغيرك. يا اخويا رب الخير لا يأتي الا بالخير اعلم ان اي حاجة بتروح كانت شر ليك مع احترامنا الشديد ليها. اتمنى تكون فهمت كلامي بتبدأ كدا بتقلب تعلق هيا لو بتحبك بجد هاتسامحك هيا متعلقة بيك وقت ما تفك التعلق دا اقسم بالله لاتسيبك هاتكون انت اتعلقت بيها تحس انك بتغرق في فراغ كبير طيب وليه ابعد كبر دماغك نصيبك قاعد ليك
تم النشر الاثنين، ٨ يونيو ٢٠٢٦
لازم تفاتح اهلها واهلك في الموضوع متعلقش نفسك وتعلقها بأمل كداب ويعرفوا ظروفك وانك ناوي تتقدم بعد الجيش والشغل في اهل بيتقبلوا كده لو لقوا انك شخص كويس ومناسب وبيقروا فاتحة او يعملوا خطوبة لحد ما ظروفك تكون مناسبة وتخلصوا تعليم على الاقل تتكلموا في النور وتقدر تزورهم وتشوفها ولكن لو اهلها رفضوا لما ظروفك تتحسن وتتظبط اتقدم تاني ولكن هي بقت كده لانها اتعلقت بيك واتعلقت بيك ثم حست انك زي اي شاب مصري بيخلع بحجة الظروف علشان بنت تانية مثلا او اي ظروف بس لو الاهل قعدوا قاعدة تعارف حتي بدون قراية فاتحة او خطوبة هتكون حاجة تحسن العلاقة وتخليها في مسار صحيح
تم النشر الاثنين، ٨ يونيو ٢٠٢٦
وعليكم السلام ورحمة الله. أخي، اللي حصل بينكم بدأ بطريقة غير شرعية، وده اللي خلّى الأمور تتعقد. دلوقتي هي زعلانة وشخصيتها اتغيرت، ومحاولاتك الخمس شهور مش بتجيب نتيجة. نصيحتي العملية: اديها مساحة كاملة دلوقتي، متكلمهاش خالص لفترة. الإصرار بيخليها أقسى. ركز على نفسك: خلّص دراستك، صلي، واشتغل على شخصيتك. لو لسه عايزها في الحلال، خلّي أهلك يتدخلوا بشكل رسمي (خطبة) بدل ما تكلّمها أنت لوحدك. لو رفضت أو استمرت قاسية، ادعي واستخر، وفكر في إنك تتحرك لقدام. ابحث عن أسئلة مشابهة في فدني عشان تشوف تجارب تانية. لو محتاج استشارة متخصصة، شوف صفحة الخبراء: https://www.fedni.net/experts
تم النشر الاثنين، ٨ يونيو ٢٠٢٦
اتركها
تم النشر الثلاثاء، ٩ يونيو ٢٠٢٦
طب انت رجعت كلمتها ليه طالما قولت خلاص هبعد وحرام علشان ربنا يرزقنى بيكى فى الحلال ؟ .. لو عايزها فعلا اقطع أى وسيلة تواصل بحيث هى متعرفش توصلك خالص وكذلك انت وابعت رسالة أخيره فهمها وجهة نظرك ومتنتظرش رد اعمل بلوكات ولما ربنا يكرمك اتقدم غير كدا دا استهلاك نفسى ليك وليها
تم النشر الاثنين، ٨ يونيو ٢٠٢٦
لعرض السؤال في فدني اضغط هنا