سلام عليكم .....
من ٣ سنين عملت اكبر غلطه فحياتي وارتبطت حبتها واتعلقت بيها بس مطولناش بعد مسبتها بشهر كان في بنوته انا كنت اعرفها معرفه سطحيه وكانت مرتبطه بشخص المفروض انو كان صحبي واتخانقو وكان عاوز يسيبها ف هي جت عشان اتدخل وهو سابها ومع الوقت بقينا نتكلم ومكالمه جابت خروجه وقضيت معاها احلى 6 شهور هي مشيت منغير سبب وكانت فجأة وانا اكتأبت وبعدها بسنه شفتها صدفه ف سنتر بس مدتش اهتمام وعدت الايام وبعدها حصل معايا مواقف كتير غيرتني جدا ومبقتش الشخص الي كنت عليه ايام مكنت متعلق بالبنوته دي ولكن شوفت كومنت ليها صدفه ع تيكتوك ومن وقتها لحد دلوقت كل شويه اروح اتفرج ع الشات القديم واشوف صورنا وكل ذكرياتنا وطبعا من ضمن ذكرياتي الي عانيت عشان انساها كانت السنه الي اتعرفت عليها فيها لانها كانت مليانه غدر من كل الي حواليا سواء صحاب او عيله كل حاجه كانت سوده
السنه الي من بعدها بقيت شخص تاني
دلوقت انا عندي اكتر من مشكله
الاولي اني مش قادر انساها
والتانيه اني بسبب الذكريات الي رجعت كل شويه افتكرها بقيت مكتئب ومش مركز ورجعت لحالتي الي طلعت منها بصعوبه اوي
وغير كدا انا خلال السنه دي دخلت المشفى اكتر من مره ومنهم ٣ مرات دخلت النفسيه والعصبيه لان كانت نفسيتي صفر واتحجزت مره فيها ودلوقت كل حاجه سوده قدامي وم عارف اعمل اي وانا حاليا ف سنه مهمه فحياتي وشهاده يعني مفهاش هزار
بص انت لازم تتقبل المشاعر دي وتاخد وقت ف التعافي حقك تزعل وتتعب لان التجربتين جو ورا بعض وكمان أصعب من بعض اعتبرها تجربتين وعدو لازم تتخطي وتحاول تنسي بلاش جلد ذات لان محدش معصوم من الغلط نصيحه بلاش تتابعها وتراقبها احرق كل الذكريات انت بتظلم نفسك كدا حرام عليك فعلا يعني هتستفاد اي انت هتتعب قلبك ف نصيحه ركز ع علاقتك بربنا وتقوي الله خلي همك تقوي الله وبس وتوب لربنا لان دا حرام انت بمجرد ماتتوب وتحفظ قلبك وتكثر من الاستغفار مشاعرك هتتغير وقلبك هتعالج ركز ع مذاكرتك محدش هنفعك واهلك معطينك ثقه هتتحاسب ع مذاكرتك ووقتك قدام ربنا كل دا ف نصيحه فوق لحالك وبلاش جلد ذات وبلاش تتدور ع وجع القلب بنفسك
تم النشر الثلاثاء، ٢٠ أكتوبر ٢٠٢٦
وعليكم السلام ورحمة الله، أخي. أقدر تمامًا اللي بتمر بيه، والألم اللي راجع دلوقتي بعد ما كنت حاسس إنك طلعت منه بصعوبة. الذكريات دي مش بس بتذكرك بالبنوتة، لكنها بترجّعك لسنة كاملة مليانة غدر وخيبات، وده طبيعي يخليك تحس إن كل حاجة سودا قدامك. بس خليني أقولك حاجة مهمة: اللي فات مش هيتنسى بسهولة لو فضلت ترجعله كل شوية، لأن الرجوع ده بيغذي الجرح بدل ما يلتئم. عشان تتقدم فعلاً، ابدأ بخطوات عملية واضحة. أول حاجة، امسح الشات القديم والصور والكومنتات اللي بترجعله، ولو لزم الأمر غيّر حسابك أو حط فلتر يمنع ظهورها. تاني حاجة، ركز على السنة المهمة دي دلوقتي؛ حط جدول يومي للمذاكرة والشهادة، وخلّي كل يوم فيه إنجاز صغير يثبت لنفسك إنك قادر تتحكم في حاضرك. تالت حاجة، استغل طاقتك في حاجات جديدة زي تعلم مهارة أو رياضة أو حتى قراءة كتب تساعدك تفهم نفسك أكتر، عشان الذكريات ما تلاقيش فراغ تملاه. ومن ناحية إسلامية، تذكر إن الله سبحانه وتعالى بيبتلينا عشان يرفعنا، والماضي ده جزء من خطة أكبر، فادعي بالشفاء والتوفيق واستغفر كتير، ده بيخفف الضغط النفسي. أنت مش لوحدك في الشعور ده، وكتير ناس مرت بمواقف مشابهة ونجحوا يتجاوزوا. لو لقيت نفسك محتاج دعم إضافي، ابحث عن أسئلة مشابهة على فدني عشان تشوف تجارب الآخرين. ركز على الشهادة دلوقتي، وهتلاقي الدنيا بتتغير تدريجيًا لما تبدأ تتحرك لقدام. أنت قادر، وهتعدي الفترة دي بإذن الله.
تم النشر الثلاثاء، ٢٠ أكتوبر ٢٠٢٦
قلل مسئولياتك قدر الإمكان يعني شوف إنت بتعمل إيه في حياتك الفترة دي واللي تقدر تلغيه الغيه وقال الضغط شوية وخلي مسئولياتك الحاجه الأهم حاليا فقط ،،، اهتم بنفسك أعمل الحاجات اللي بتحبها ونفسك عاوزاها بس أهم حاجه تكون في نطاق الحلال ،،، وحافظ على قلبك من التعلق واسأل الله أن يتعلق قلبك بالله فقط 💌 لإن كل تعلق بغير الله ذل ومشقة وألم وفقد . ولو تعلقت بالله الدنيا هتجيلك .
تم النشر الثلاثاء، ٢٠ أكتوبر ٢٠٢٦
بطارية طاقتك خلصت علشان كده مش قادر تعمل حاجه فإنك بتحاول تاخد طاقة من بطارية فارغة ، والتعلق أخد من طاقتك كتير . إنت دلوقتي محتاج تشحن طاقتك تاني علشان تقدر ترجع لحالة التوازن الطبيعية إنك تستهلك طاقة وتشحن طاقة وتستمر وتعيش حياة طبيعيه ، هقولك شوية حاجات اعملها وربنا ييسر أمورك
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا