السلام عليكم
ممكن حد يفيدني ازاي اتخطى الماضي واتخطى المشاكل وانسى ازاي مفكرش واسامح نفسي مش عارفة اتعايش مع نفسي كل مرة افكر بشوف نفسي قليلة في نظري عملت حاجات كتير غلط
نفسي حد يكلمني ويسمعني انا تعبت جدا شايفة ان اهلي بيحبوني بس بيتعصبوا مني احيانا بيعاملوني وحش انا عصبية جدا عصبية وبطني بتتعبني لما اتعصب عندي القولون باخد على خاطري بجد تعبت نفسي معنتش افكر اللي مضايقني
انا داخلة على سنة مهمة جدا لازم اذاكر واجتهد عندي هدف لازم اوصله وكمان مينفعش ادخل خاص لو لا قدر الله مجبتش مجموع لان اختي دخلت خاص انا بحس بذنب اصلا لما بطلب من بابا فلوس للدروس وباخد دروسي في مجاميع زحمة جدا بالرغم ان اختي كانت بتاخد كل دروسها برايفت
بحس اني مش لازم اطلب بس ده فعلا من حق بابا ومستحملة المجاميع الزحمة لمجرد ان مخليش بابا يدفع فلوس كتير بجد انا مش فاهمة يعني انا في ضغط كبير اويي من ناحية المصاريف ومن ناحية افكاري اللي مبتنتهيش
بصي عموماا عايزه اقولك حاجه تجربه شخصيه انا قبل كدا حبيت شخص في الفون وطبعا كنت في خوف مستمر ان اهلي يعرفوا وبالذات اخويا بس سبحان الله دايما كان بيحصل مشاكل بيني وبينه دايما بس حرفيا انا اتعلق بيه جامد كان شخص مثالي كلمه مثالي دي قليله عليه وغالبا اصلا انا سبب كل المشاكل هو كان بيحاول يحل ب طفح الكيل معايا وانا نكديه فااا بصي في الاخر سبته علشان اهلي وحرام واول شهرين كانوا بالنسبه ليا عذابببب مكنتش بنسيي وكنت بعيط بدموع كدا وصوت بس بعدين ولا اي حاجه بقيت بس لم اسمع اغاني حزينه مثلا افتكر واتاثر شويه ف حابه اقولك كل حاجه بتتنسي بس عايزه وقت مش اكتر وبلاش بلاش ترجعي للماضي او تروحي لاي حاجه في الحاضر ترجعك للماضي عارفه كلامي محتاج شرح بس حاولت
تم النشر السبت، ٢٢ أغسطس ٢٠٢٦
حبيبتي انتي اللي واضعة نفسك في كل الضغوطات دي ، الماضي والمشاكل العقل عمره ميتجاوزها وانتي كل شوية بتفكري فيها وتحسسي نفسك بالذنب ، العقل مش بيتجاوز حاجة الا لما يلاقي بديل يشغل نفسه بيه ، يعني العقل طالما فاضي فهيشغل نفسه بالمشاكل دي والتفكير بالماضي وتفكير مفرط بقا ، الحل هو إنك تبدئي تشغلي عقلك دا بحاجات تانية تلهيه عن التفكير في أمور تانية ، ابدئي اشغليه بالدراسة وركزي على بناء مستقبلك وحطي خطط وحطي عزيمة وقرار جديدة ببداية جديدة وتبدئي ترتبي وقتك وتنظميه وتشغليه بالدراسة والحاجات اللي بتحبيها متسببش عقلك فاضي خالص ، كل دا عن تجربة شخصية ، وبالنسبة لموضوع المصاريف دا انتي تقدري تاخدي أون لاين وأوفر كمان من السناتر بكتير سواء توفير في الوقت أو الفلوس ، تقبَّلي فكرة إن والدك واجب عليه أنه يصرف عليكم ولو مصرفش عليكم هيتحاسب أمام ربنا لكن لو عاوزة توفري عليه فخدي أون لاين ، وأهم حاجة عشان حياتك تتغير ابني علاقة قلبية مع ربنا وليس علاقة جسدية فقط ولو متعرفيش يعني اي اسألي شات أو أي موقع Ai عشان بس رسالتي متبقاش طويلة .
تم النشر الجمعة، ٢١ أغسطس ٢٠٢٦
وعليكم السلام ورحمة الله، أختي العزيزة. أشعر بثقل ما تمرين به، وأقدر شجاعتك في التعبير عن هذا الضغط النفسي والعائلي والدراسي الذي يثقل كاهلك. أنتِ لستِ "قليلة" أبدًا؛ ما تشعرين به من ذنب وندم دليل على قلبك الطيب ورغبتك في التحسن، وهذا بحد ذاته خطوة إيجابية نحو الشفاء. الله تعالى يغفر الذنوب جميعًا لمن تاب وأناب، فابدئي بخطوة التوبة الصادقة والدعاء بأن ييسر لكِ أمرك، وتذكري أن الماضي لا يحدد مستقبلك إلا بما تختارينه الآن من أفعال. للتعامل مع الماضي والأفكار المتكررة، ركزي على تحويل الندم إلى دروس عملية: اكتبي الأخطاء التي تؤلمكِ في ورقة، ثم اكتبي بجانب كل واحدة ما تعلمتِه منها وكيف ستتصرفين بشكل أفضل مستقبلاً، ثم أغلقي الورقة وخصصي وقتًا يوميًا للتركيز على مهامكِ الحالية فقط. أما بالنسبة للعصبية والضغط العائلي، فحاولي التواصل بهدوء مع والديكِ في أوقات هادئة، مثل أن تقولي "أحتاج دعمكم في هذه الفترة المهمة" دون لوم، فهذا يساعد في بناء تفاهم أفضل ويقلل من التوتر المتبادل. بالنسبة للقولون والأعراض الجسدية، فهي غالبًا مرتبطة بالتوتر، لذا ركزي على تنظيم جدول يومي يوازن بين الدراسة والراحة البسيطة مثل المشي الخفيف أو تغيير الروتين. بخصوص الضغط الدراسي والمالي، أنتِ محقة في أن طلب الدعم من والدكِ حق مشروع، خاصة أن تعليمكِ استثمار في مستقبلكِ، ولا يجب أن تشعري بالذنب لأن أختكِ حصلت على فرص أفضل؛ كل شخص له ظروفه. قسمي هدفكِ الدراسي إلى خطوات صغيرة يومية، مثل مراجعة فصل واحد أو حل تمارين محددة، واحتفلي بكل إنجاز صغير لتعزيز ثقتكِ بنفسكِ. أنتِ قادرة على الوصول إلى هدفكِ إذا ركزتِ على الجهد بدلاً من الكمال، وتذكري أن الضغط المؤقت سيمر مع الإصرار. ابحثي عن أسئلة مشابهة على فدني للحصول على المزيد من الآراء والتجارب. أنتِ لستِ وحدكِ في هذا، وكل خطوة صغيرة تتخذينها اليوم تبني قوتكِ للغد.
تم النشر الخميس، ٢٠ أغسطس ٢٠٢٦
مبدئيا الخطأ وارد الحدوث والندم علي خطأ ناتج عن جهل او قله وعي ملوش لازمه طالما اخدت الدرس وبطلت عمل الشي ولكن الندم عن أخطاء والاستمرار في نفس دائره الخطأ وافضل اعيد وازيد في اخطائي واندم انا كده عمال ادور في نفس النقطه . المقصد أن حضرتك لازم تتسامحي مع نفسك وتتقبلي اخطائك وتتقبلي أن كل الناس بتغلط وبتمر بفترات ضغط تخرج اسوء ما فيهم مش انت بس وكلنا سلوكياتنا احيانا مضطربه بس المهم ان اكون شخص بطور من نفسي يقلل اخطائي بتعلم منها بحاول اكون احسن ادور جوا نفسي بفهم أحلل مشاكلي مش لازم حد يسمعني ويجي يساعدني ساعدي نفسك الاول
تم النشر السبت، ٢٢ أغسطس ٢٠٢٦
اولا عايزه اجاوبك علي انك ازاي تتخطي وتسامحي نفسك التخطي والمسامحه مش بيجو بين يوم وليله دول بياخدو شهور يعني اولا كدا الحاجه اللي انت م عارفه تسامحي نفسك عليها دي لو لسه بتعمليها وقفيها تماما وبعدها اشغلي حياتك وياريت متكونش كلها مزاكره عشان انتي متتعبيش حاولي تعملي اي حاجه انتي بتحبيها حتي لو صغيره المهم متخليش وقت فراغ لعقلك انو يفتكر الحاجه دي ووحاولي تتناسي وصديقني مع الايام هتفتكري الحاجه دي وتحسي انك كنتي عايشه ف وجع عشان حاجه ملهاش اهميه
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا