انا بقارن نفسي بطريقه مش طبيعية في ناحيه المذاكره مع أني شاطره ودرجاتي ممتازه والكل بيشكر فيها
بس بقارن نفسي بطريقه صعبه ودموية وممكن توصل لدرجه اني أتخيل اني بقتل الشخص دا بطريقه بشعه ودموية
وكمان مثلا لو بذاكر وبعت رساله لصحبتي والاقيها ما بترد مع أنها في العادي بترد علطول وانا بفتكر أنها بتقولي انا معتش همسك الموبايل عشان اذاكر ودماغي بتربط دا ب دا بس دا غصب عني
انا يعتبر بذاكر وانا بنزف نفسيا ما حدش من الأهل يساعد يساند يحفز
مافيش حرفيا هي معركة دمويه
أنا تفكيري كله دموي بص انا ممكن اضحك مع أي حد شاطر ويبان اني مهووسه بيه محدش ملاحظ كدا بس انا كدا فعليا حاجات بتطلع من غير وعيي وممكن وانا بتكلم معاها في حاجه افتكر قد اي هي قدوه لكل الناس وبتقفل اي امتحان
في حاجات كتير جدا بس انا مش مستعده نفسيا أقولها
أنا آسفة جداً إنك بتمري بكل ده، وأقدر إن اللي بتحكيه ثقيل ومؤلم جداً. اللي بتصفيه من مقارنات قاسية وأفكار دموية غير مرغوبة، وشعور إنك بتذاكري وأنتِ بتنزفي نفسياً بدون أي سند، ده مش شيء عادي ومش لازم تتحمليه لوحدك. الأفكار اللي بتيجي بدون وعي وتربط كل حاجة بالمقارنة دي غالباً بتكون أعراض لضغط نفسي شديد، زي الوسواس القهري أو القلق المفرط، وده بيخلي الدماغ يولد صور عنيفة حتى لو الشخص مش عايزها أصلاً. أول خطوة عملية دلوقتي هي إنك تتواصلي مع متخصص نفسي محترف، لأن الأفكار دي لو ماتم التعامل معاها ممكن تزيد وتأثر على دراستك وحياتك اليومية. في تطبيق فدني ابحثي عن خبراء في علم النفس أو الاستشارات النفسية، واختاري واحدة متخصصة في الوسواس أو الاضطرابات المتعلقة بالأفكار المتطفلة، عشان تقدري تحكي لها كل التفاصيل اللي مش مستعدة تقوليها هنا. هما هيساعدوكِ بتقنيات عملية زي إعادة هيكلة الأفكار وتقليل قوتها تدريجياً، بدون ما تحكمي على نفسك. في الوقت الحالي، حاولي تكتبي الأفكار دي في مذكرة صغيرة وتسميها "أفكار غير مرغوبة" عشان تفصلي بينها وبين شخصيتك الحقيقية، وتذكري نفسك إن الدرجات الممتازة والشطارة دي حقيقة، مش مقارنة. كمان، لو قدرتِ تخصصي وقت يومي قصير للدعاء والاستغفار مع التركيز على آية أو حديث يطمئن القلب، ده ممكن يديكِ شوية راحة روحية جنب العلاج. أنتِ مش لوحدك في المعركة دي، وطلب المساعدة دلوقتي هي أقوى خطوة بتقدري تعمليها عشان ترجعي تذاكري براحة نفسية أكبر. لو عايزة تحكي أكتر هنا، أنا موجودة أسمعك.
تم النشر الجمعة، ٢١ أغسطس ٢٠٢٦
العقل ، العقل ، العقل ...أنا كتبت الجملة دي كتير انهاردة حرفيا لمشاكل مختلفة والتحليل نفس المشكلة ، بصي ي حبيبتي ، العقل طول م هو فارغ وفاضي مش مشغول بيشغل هو نفسه بنفسه بأي أفكار بقا سواء مقارنات سواء غِيرَه سواء التفكير في العادة السرية سواء التفكير بماضي ومواقف وذكريات سيئة وغيرهم بقا ....كل دا بيكون ناتج عن إن العقل فاضي مش مشغول بحاجه ف بالتالي بيشغل هو نفسه بأفكار من دي ويوصل لتفكير مفرط بقا ونتائج سلبية كتير ، اول حاجه انا عوزاكي كدا تقومي تتوضي وتصلي ركعتين بهدوء ثم بعدها جيبي ورقة وقلم وابدئي خططي لطريقك ومستقبلك ودراستك ، حددي هدف يكون قدام عينك تبذلي جهدك عشان توصليله ، حاجة بتحبي تعمليها ، وعن تجربة فعلا لما عقلك هيبدأ ينشغل بحاجه ويهتم بنفسه.. تلقائيا هيبطل تفكير ومقارنات ، ودايما لما تيجي تقارني نفسك بحد قارني نفسك باللي أقل منك زي م الرسول صل الله عليه وسلم قال لإن دا أجْدَرْ من إنك تزدري نِعَم ربنا عليكي ، وهذكَّرك الطريق أمامك مش هيكون سهل ف جاهدي ، طبيعي تلاقي محطات وتقعي ولكن العبرة باللي بعده هل هتفضلي واقعة علي الطريق للي يدوس عليكي ولا هتقفي ! وافتكري دايما قول الله تعالي : " والذين جاهدوا فينا لنهدينهم سبلنا "
تم النشر الجمعة، ٢١ أغسطس ٢٠٢٦
يعني مثلا لو قارنت نفسي بعمل مشاهده دمويه اللي هي مثلا ممكن أتخيل إني اقتلهم بطريقه بشعه ودموية مع أن من جوا مش عايزاه اعمل كدا في دي سنيورهات دمويه بتحصل من غير وعي
تم النشر الجمعة، ٢١ أغسطس ٢٠٢٦
معلش بس ممكن توضيح ؟ يعني اي بتقارني نفسك بمشاهد دموية ؟
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا