انا شاب داخل تالته ثانوي وعايز أكون أحسن شخص في السنه دي بس كل ما ابدأ برجع لنقطة الصفر يعتبر انا اخر فترة ناس كتير جدا بعدت عني وانا منكرش الصراحة أن ممكن اكون السبب في دا لأن بعد فترة بحس أن انا اتقفلت حتى لو الناس دي قريبين مني جدا مش علاقات حب ولا الكلام دا بقلل الكلام معاهم وخلاص
بدأت بالموضوع دا لأنه مأثر جدا على تفكيري ومذاكرتي آخر فترة جدا وإدمان السوشيال ميديا وحاجات كتير ومش عارف ألتزم حتى في أبسط الحاجات زي ترتيب اوضتي كل فترة مش كبيرة لازم تتكركب تاني من غير ما ألاحظ حتى بنسى كتير
وبقيت حاسس ان مبتقش بتعاطف ابدا بدون مشاعر بمعنى أصح انا معرفش الصراحة اي دا ولا اي تفسيره ولا عارف حتى اوصف الي بمر بيه مع إن الموضوع دا من الاعدادي داخل في 4 سنين ولا 5 بس مش عارف أحل المشكلة دي مهما حاولت برجع للصفر تاني وبفتكر حاجات مؤذية وانا للعلم مريت بتجارب وحشه زي الانتحار وكده ومن بعدها مش سوي نفسياً
اول حاجة لازم إصرار وعزيمة انك تجيب أعلي الدرجات ثم تبدأ تاخد خطوة انك تمسح اي موقع سوشيال عندك سواء تيك أو انستا أو وتس أو فيس أو غيرهم يعني وابدأ بقا كدا اعمل جدول ونظم المواد وشوف اشتراكات المدرسين وانغمس في الدراسة وخليها هي هدفك وحط في بالك كل حاجة وليها وقتها يعني السنة دي وقتها الدراسة والجد فنبعد اي حاجة تانية بقا حتى لو كنت بتشتغل حاجة او بتعمل حاجه اون لاين ، كل حاجة وليها أولاوياتها ، ومتقلقش من موضوع السوشيال ، عقلك لما ينغمس في الدراسة هينسي واحدة واحده ولكن اول اسبوعين محتاج مجاهدة ومثابرة عشان بعد كدا يبقى موضوع الدراسة سهل ، العقل لو مشغلتوش بحاجة هيشغل نفسه بنفسه بالتفكير المفرط وآخر حاجة ابني علاقة قلبية مع ربنا وليس علاقة جسدية فقط ولو متعرفش يعني اي اسأل شات أو أي موقع Ai عشان بس رسالتي متبقاش طويلة ، ومعلومة بسيطة بخصوص الناس والأصحاب الإمام الشافعي رحمه الله قال : «الوحدة خير من جليس السوء.»
تم النشر الجمعة، ٢١ أغسطس ٢٠٢٦
متقولش انك عاوز تكون أحسن شخص لأنك بتحط نفسك فمقارنة هتخليك متحققش حاجه. حط هدف لنفسك ونظم جدولك وحاول تطبق الجدول وتتابع انت بتحقق منه ايه.وتقبل انك متعرفش تنفذه فالاول. وبلاش الهدف من التنظيم يكون الثانوية العامة بالعكس خلي الهدف إنه يكون أسلوب حياة
تم النشر الجمعة، ٢١ أغسطس ٢٠٢٦
أول حاجة، أنا فاهمة إنك بتمر بفترة صعبة جدًا، وإن اللي بتحسه من انغلاق وقلة مشاعر وتكرار الرجوع لنقطة الصفر ده مش حاجة بسيطة، وده بيأثر على مذاكرتك وحياتك كلها. أنت مش لوحدك في الإحساس ده، وإنك بتتكلم عنه دلوقتي خطوة كويسة. اللي بيحصل معاك غالبًا نتيجة تراكمات من السنين اللي فاتت، زي التجارب الصعبة اللي مريت بيها، واللي خلّت دماغك يحمي نفسه بالانغلاق. ده مش ضعف، ده رد فعل طبيعي، لكن لو استمر هيأثر على علاقاتك ونفسيتك أكتر. عشان تبدأ تكون أحسن، ركز على خطوات صغيرة وثابتة مش كبيرة عشان ما ترجعش للصفر. مثلاً، حدد هدف واحد بس كل أسبوع، زي إنك ترتب أوضتك مرة واحدة يوميًا قبل النوم، أو تقلل السوشيال ميديا لساعة واحدة بعد الظهر. الاستمرارية في الحاجات الصغيرة دي بتبني ثقة في نفسك تدريجيًا. بالنسبة للانغلاق مع الناس، جرب تكتب يوميًا 3 حاجات بسيطة حصلت معاك أو مع الآخرين، حتى لو كانت تافهة، عشان ترجع تتواصل مع مشاعرك شوية. وفي الإسلام، الرسول ﷺ قال "أحب الأعمال إلى الله أدومها وإن قل"، فالصبر على التحسن البطيء ده عبادة، وادعي ربنا يشفيك ويفتح لك أبواب الراحة النفسية. لو الموضوع بيأثر عليك بقوة زي ما وصفت، حاول تستشير متخصص نفسي عشان يساعدك تفهم اللي بيحصل جواك وتتعامل معاه بشكل أفضل، لأن الدعم المهني بيفرق كتير في الحالات دي. أنت قادر تكون أحسن، بس خد الأمر خطوة بخطوة وكن لطيف مع نفسك لما ترجع لورا، ده مش فشل ده جزء من الرحلة. لو عايز تتكلم أكتر عن أي جزء، أنا هنا.
تم النشر الخميس، ٢٠ أغسطس ٢٠٢٦
بما انك في تالتة ثانوي بجد نصيحتي ليك كل الي بتفكر فية دا ملوش اي ستين لازمة وانت بنفسك هتكتشف دا بعدين بالعكس دا ممكن يدمرلك مستقبلك لانك في مرحلة مهمة جدا بجد بجد اركن كل حاجة بدايقك ع جمب ولو غصب عنك ركز في سنة تالتة لانها مهمة بجد وانت لو مدرك مدي اهميتها كنت دست ع كل يلي بتقولة برجلك حرفيا انا مريت بالحاجة دي ودا اثر عليا ومش هتدرك مدا اهميت مرحلة في حياتك غير لما تعديها هتروح للحياه الجامعية فكرك هيكون اكبر واوعي وهتقول ياريت ارجع تاني واعرف انو مش لوحدك كل الناس تقريبا بيمرو بالمرحلة دي فنصيحتي ليك بجد مدمرش نفسك انت مش حاسس بحاجة دلوقت لاكن هتدرك مدي اهمية دا بعدين انا مش بضغط عليك لاكن حاول او مش حاول لازم تفكر بايجابية.
تم النشر الجمعة، ٢١ أغسطس ٢٠٢٦
تقريبا انا نفسك في حد نصحني اكتب كل اللي مضايقني في ورقة او اخصص نوت اكتب فيها ولو معندكش خصوصية اكتب على موبايلك كل حاجة وكون دكتور نفسك واعرف اخطاء الماضي وصححها احنا في الدنيا دي بنتعلم و يا اخي اريدك ان تنشغل بمستقبلك ودراستك تذكر ان هذه السنة تحدد المستقبل وسوف تندم فيما بعد حاول ان تجتهد وتسعى وطبعا لا تنسى التقرب من الله حاول جاهدا الا تفوت صلاتك وادعو الله ان يريح بالك
تم النشر الخميس، ٢٠ أغسطس ٢٠٢٦
لعرض السؤال في فدني اضغط هنا