السلام عليكم اولا قصتي عشوائيه جدا! بجد امانه في رقبتكم تقراوها كلها وتدولي حل عارفه انها تعتبر جريده بس يجزيكم الله كل خير !. حابه اقولكم اني مريت بمشاكل كتير في حياتي وفوق ما تتخيلوا كمان انا ١٦ سنه للعلم لان ممكن مساعدتكم ليا تفرق بدأت الحكايه من وانا اعدادي دايما كنت وحيده مكنش عندي غير صحبه صحبتين بالكتير وفجأه بيتغيروا عليا للعلم انا مزاجيه وبتعصب بسرعه وكمان ملامحي حاده كان دايما يجيلي انتقادات ليه زعلانه ليه مبوزه متيجي تضربيني قلم وبلا بلا... ولما دخلت لمرحله الثانوي لاحظت ان ألمدرسين وقت الشرح يتجنبون النظر لي ابدا واوقات يتجاهلون وجودي وقبل مره مدرس قالي هو انتي وشك وارم كدا ليه هو حد ضاربك بوكس بس دا رسمه وشي والفك عندي مش متماثل وانا كنت ملاحظه الحاجه دي وكنت زعلانه منها من هذا اليوم وثقتي اتدمرت لانني ذهب بسرعه للنظر الي المرآه ووجدت انني قبيحه جدا ومن هنا بدات اقارن نفسي بالبنات..... وبعدين بدأت اقول انا ولا مره حد عبرني ولا مره اتعاكست . في بنات حلوين والمواقف اللي بيتحطو فيها وبتدل قد ايه انهم جميلين عكسي ولا مره اتحطيت في مواقف زي دي والناس بتتجنبني انا مش بقول اني عايزه اتعاكس بس نفسي احس اني جميله ولو لمره حتى مجامله من بنت!!! واللي بيحصل من البنات كالاتي : حصل موقف وانا طالعه البلكونه كنا اول م النهار طلع كدا نور خفيف بعد أذان الفجر طلعت أجيب هدومي من ع المنشر وفي عروسه متجوزه جديد جنبنا شافتني ودخلت بسرعه وانا ساعتها كان شعري منكوش أكيد انا مش عروسه بحلاوه وشعري حرير وعملاه بروتين يعني وواحده قايمه من النوم هي متوقعه ايه بس انا فعلا شعري صعب وافريقي وعندي عقده منه المهم هي شافتني وانا عديت الموقف صحيح اني حسيت بإحراج بس قلت خلاص هي بنت زيي زيها يعني والحمد لله انه مكنش ولد اللي شافني المهم بعد اسبوع لقيت بنت اخو ابو العريس اللي هو جوز العروسه المهم البنت دي تعتبر صحبتي قالت ليا بحس انك لما بتصحي بيكون شكلك حلو وخدوك حمرا استغربت قلت انتي شوفيني فين قبل كدا وانا صاحيه من النوم قالت قبل كدا شوفتك من فوق السطح قلت اهه المهم قلت ليها دا مرات ابن عمك شافتني قبل كدا وانا شعري منكوش قلت هي قالت لك قالت بصراحه اه قلت امال انتي بتقولي كدا ليه في الاول قالت علشان متزعليش قلت لا مش هزعل قلت هي قالت لك ايه قالت لا هتزعلي المهم هي مرضتش تقول غير انها قالت اه شافتك وقالت هي قالت شعرك قد كده ومكنتش مسرحه شعرك وهي دخلت جوا بسرعه علشان متحرجكيش قلت اه لا عادي من ساعة م قالت كدا روحي حرفيا حسيتها انقبضت معرفش ازاي بس دا اقرب وصف للي حسيت بيه فضلت قاعده جنبها سكتت 10 ثواني كدا وهي كانت بتتكلم مكنتش سامعه غير صفير في ودني انا حرفيا عندي عقده من شعري علشان كدا اتحسست وانا زعلت موت من العروسه دي لاني مكنتش متوقعه وقلت موقف وعدا لا اتفاجئ انها قالت للبنت اللي تعتبر صحبتي المقربه واكيد ضحكوا عليا وحفلوا عليا كل دا (كوم واللي جاي كوم تاني) من بعدها وانا بقيت بكره شعري اكتر واكتر وفضلت اعيط كتيررررر رر اوي اوي وبقيت ماشيه عيوني ورامه وحرفيا معنديش حد اكلمه خالص ع الفون وحتى صحبتي المقربه بقيت مكسوفه منها للمعلوم انا محجبه بس انا مكنش في بالي اني لو طلعت الوقت دا في البلكونه هلاقي حتى الشبح اصلا. عديت الموقف وقلت خلاص همشي معاها عادي واهتم بنفسي وكدا ف بدأت اهتم بشعري وكنت ببين طرف الشعر كدا من الطرف الطرحه كنت بثبته بجيل كدا ففي يوم قالت غريبه شعرك متسرح وهي كل م تشوفني تبين شعرها قدامي من الطرحه تبين نصف وتفضل تلفت نظر الاولاد في الشارع وبلا بلا ودا بصلي ودا معرفش ايه ودا و دا المهم في يوم كنت راحه مكان معاها تصلح فونها ف بقولها معاكي فلوس قالت لا والعروس قاعده جنبها وبعدين لقيت العروسه قالت اممم لم سألت صحبتي معاكي فلوس والشارع اللي كنا هنمشي منه العروسه هي كانت قاعده فقامت علشان ممشيش من جنبها وقعدت في مكان تاني معرفش هي شيفاني *** ولا وايه المهم فجأه لقيت صاحبتي ضحكت بصوت عالي كدا بسخريه!!! لما العروسه قامت بسرعه قبل م أمشي من جنبها!!! وبعدين لقيت صحبتي قالت ليا دا في ولد كان هيعاكسني هيعاكسها هي يعني وقالت بس لم أعرف انها اخت صاحبه سكت قلت شطوره وانا مش فاهمه هي بتعمل كدا ليه!؟ وكمان غير ان بيحصلي مواقف كتير في الشوراع مثلا ولد بالمكنه تف على الأرض وانا ماشيه بس انا مبصتش ولا اعرف دا مين اصلا وكل م أمشي مع صحبتي كل الناس تبصلها وانا هوا؟! وقبل كدا كنت لابسه أزرق ف صاحب ابن بنت عمي قال شفت قدامي العفريت الأزرق وقبل كدا ست شافتني قالت يا ساتر وبردو ولد بص في وشي اتخض؟!؟! وقبل كدا عمي كان ماشي قلت ازيك يا عمو بصوت عالي مردش عليا؟! 🙂 طب اعمل ايه في نفسي طيب اولع فيها؟! نفسي اكون بنت حلوه طبيعيه وحصل معايا مواقف أسوأ من كدا بكتيرررررررر
تم النشر الخميس، ٢٠ أغسطس ٢٠٢٦
حابه اقولك اني كنت زيك كدا بالظبط واخويا قفشني بكلم وضربني اول مره وسحب تلفوني شهرين ومحرمتش رجعت كلمت شباب تاني المره التانيه نصحني وكلام يوجع القلب اللي هو انتي بتعملي كدا ليه على فكره انتي خفيتي الشات علشان خايفه مني يعني مخوفتيش من ربنا واحنا قصرنا معاكي ف ايه وقالي كلام يوجع القلب كان بالنسبه ليا انه يضربني ارحم من اني كنت اسمع الكلام داا والمره دي سحب تلفوني سنتين واخدته بعد معاناه وإثبات اني اتغيرت بقيت هاديه واتغيرت تمام بقيت شايفه ان كلام مع الاولاد ملهوش لازمه ومقرف وكله تضيع وقت ذنوب م انتي ممكن تصاحبي بنت وتكلمها ممكن تلعبي العاب اونلاين وتصاحبي بنات وتبعدي عن الاولاد او ا تجنبي الالعاب الاونلاين لو حاسه انك ممكن غصب عنك تكلمي مثلا او تعجبي بحد فمثلا نزلي كتب مثلا من غير نت اعملي اي حاجه تشغلك قومي نضفي روحي جيم اهتمي بجسمك وشعرك ولبسك ارسمي اعملي ايه حاجه وطول م انتي ماشيه ع المبدأ دا هتفضلي تاخدي ذنوب 💘
تم النشر الأحد، ٣٠ أغسطس ٢٠٢٦
انا شبهك في ناس قالو ليا اني لازم أعلى ثقتي في نفسي علشان المشكله دي تروح بس معرفش ايه العلاقه الثقه في الحاجه دي بس عموما يعني انا مقتنعه ان الناس اللي حواليا بشر زيي فاهمه بس ساعات في ناس مش بتكون بشر بيكونوا مخت.. ليين ف دول بخاف منهم
تم النشر الأحد، ٣٠ أغسطس ٢٠٢٦
بصي عموماا عايزه اقولك حاجه تجربه شخصيه انا قبل كدا حبيت شخص في الفون وطبعا كنت في خوف مستمر ان اهلي يعرفوا وبالذات اخويا بس سبحان الله دايما كان بيحصل مشاكل بيني وبينه دايما بس حرفيا انا اتعلق بيه جامد كان شخص مثالي كلمه مثالي دي قليله عليه وغالبا اصلا انا سبب كل المشاكل هو كان بيحاول يحل ب طفح الكيل معايا وانا نكديه فااا بصي في الاخر سبته علشان اهلي وحرام واول شهرين كانوا بالنسبه ليا عذابببب مكنتش بنسيي وكنت بعيط بدموع كدا وصوت بس بعدين ولا اي حاجه بقيت بس لم اسمع اغاني حزينه مثلا افتكر واتاثر شويه ف حابه اقولك كل حاجه بتتنسي بس عايزه وقت مش اكتر وبلاش بلاش ترجعي للماضي او تروحي لاي حاجه في الحاضر ترجعك للماضي عارفه كلامي محتاج شرح بس حاولت
تم النشر السبت، ٢٢ أغسطس ٢٠٢٦
وكمان ربنا متنسيش ربنا اهم من أهلك.
تم النشر الأحد، ٣٠ أغسطس ٢٠٢٦
ف ابعدي ابعدي عن الطريق دا قبل ما يحصل زيي وممكن أسوأ لو اهلك مشددين وبعد لو حد اكتشف هتعيشي اتعس حياتك لانه شعور وحش واحمدي ربنا ان لسه بايديك تتغيري. وتنقذي دا قبل ما يحصل حاجه متعجبكيش
تم النشر الأحد، ٣٠ أغسطس ٢٠٢٦
بالظبط
تم النشر الأحد، ٣٠ أغسطس ٢٠٢٦
حصل فعلا بجد مش عايزه اتصنع اني اكون اجتماعيه و واثقه احسن حاجه اكون ع طبيعتي
تم النشر الأحد، ٣٠ أغسطس ٢٠٢٦
بصي انا عملت الصح اني بعدت عنه صح لانه متعدد العلاقات ودي حاجه مش مظبوطه اصلا هو بيقولي ان كلهم بيسيبوه هو مش بيسيب حد
تم النشر الأحد، ٣٠ أغسطس ٢٠٢٦
شكرا يا سكر
تم النشر الأحد، ٣٠ أغسطس ٢٠٢٦
اه انا استغربت بردو
تم النشر الأحد، ٢٣ أغسطس ٢٠٢٦
عارفه ان موضوعي ملهوش علاقه بموضوعك نوعا ما بس هي فتره وكل حاجه هتختفي ان شاء الله اهم حاجه متحمليش نفسك فوق طاقتها
تم النشر السبت، ٢٢ أغسطس ٢٠٢٦
ياريت الناس اللي حواليا يكونوا كويسين لو هما بقوا كويسين انا هكون كويسه
تم النشر السبت، ٢٢ أغسطس ٢٠٢٦
رحت ودفعت الآفات والله ومفيش نتيجه حتى الدكتور كان تعامله استغفر الله
تم النشر السبت، ٢٢ أغسطس ٢٠٢٦
ايه علاقه الموضوع ب الزواج يا استاذ
تم النشر السبت، ٢٢ أغسطس ٢٠٢٦
لعرض الملف الشخصي في فدني اضغط هنا