ازاي ابطل ان يكون في ولاد ف حياتي اساسي وان يومي م بيعدي غير اما اكلم؟
جربي تشوفي ازاي الموضوع بيبتدي وايه هي المحفزات وكمان ابدئي يشغلي وقتك ويا ريت لو يكون عندك صديقه او شخص مقرب من العائله تكوني بتستامنيهم وتتكلمي معاهم ولو تقدري تقربي من ربنا اكتر اعملي كده لان برده دي هتكون حاجه مهمه جدا جدا وكمان ابدئي تعرفي على نفسك اكتر وشوفي هواياتك والحاجات اللي انت بتعمليها وخصوصي وقت لنفسك اكثر وانشغلي بنفسك اكتر
تم النشر الاثنين، ٣١ أغسطس ٢٠٢٦
حابه اقولك اني كنت زيك كدا بالظبط واخويا قفشني بكلم وضربني اول مره وسحب تلفوني شهرين ومحرمتش رجعت كلمت شباب تاني المره التانيه نصحني وكلام يوجع القلب اللي هو انتي بتعملي كدا ليه على فكره انتي خفيتي الشات علشان خايفه مني يعني مخوفتيش من ربنا واحنا قصرنا معاكي ف ايه وقالي كلام يوجع القلب كان بالنسبه ليا انه يضربني ارحم من اني كنت اسمع الكلام داا والمره دي سحب تلفوني سنتين واخدته بعد معاناه وإثبات اني اتغيرت بقيت هاديه واتغيرت تمام بقيت شايفه ان كلام مع الاولاد ملهوش لازمه ومقرف وكله تضيع وقت ذنوب م انتي ممكن تصاحبي بنت وتكلمها ممكن تلعبي العاب اونلاين وتصاحبي بنات وتبعدي عن الاولاد او ا تجنبي الالعاب الاونلاين لو حاسه انك ممكن غصب عنك تكلمي مثلا او تعجبي بحد فمثلا نزلي كتب مثلا من غير نت اعملي اي حاجه تشغلك قومي نضفي روحي جيم اهتمي بجسمك وشعرك ولبسك ارسمي اعملي ايه حاجه وطول م انتي ماشيه ع المبدأ دا هتفضلي تاخدي ذنوب 💘
تم النشر الأحد، ٣٠ أغسطس ٢٠٢٦
السلام عليكم، الحل إنك تشغلي حياتك وتفكيرك بالعمل على أهداف مهمة وحاجات هادفة. كمان حاولي تعرفي السبب اللي بيدفعك للكلام معهم وعالجيه لو تقدري، لو صعب لوحدك ومحتاج تدخل من مختصة نفسية فتواصلي مع واحدة وتابعي معها. لكن اللي تقدري تعمليه دلوقتي زي ما قلت تشوفي هل حياتك فاضية وعندك وقت فراغ كبير وتدوري على أهداف تشتغلي عليها كل يوم، من ناحية هتشغلي وقتك فمش هتلاقي وقت تفكري فيهم، ومن ناحية مع كل إنجاز هيزيد ثقتك بنفسك واكتفائك الذاتي ومش هتحسي بالاحتياج العاطفي أو الفراغ اللي ممكن يكون سبب لكلامك معهم. بالتوفيق.💚
تم النشر السبت، ٢٩ أغسطس ٢٠٢٦
أول حاجة، أنا فاهمة إنك بتمري بمرحلة صعبة وبتحسي إن وجود الولاد في حياتك بقى زي "الأكسجين" اليومي، وده بيخليكي مش قادرة تتخيلي يوم بدون كلام معاهم. ده شعور شائع جدًا عند البنات في سنك، ومش عيب إنك تعترفي بيه، لكن المهم إنك عايزة تغيريه وده خطوة قوية. من منظور إسلامي، ربنا خلقنا عشان نكون أقوياء ونعتمد عليه أولاً، مش على أي حد تاني. الاعتماد الزائد ده ممكن يضعف ثقتك بنفسك ويخليكي تنسي قيمتك الحقيقية. جربي تبدئي بخطوات عملية بسيطة: أولاً، حددي الأوقات اللي بتكلمي فيها الولاد وقلليها تدريجيًا، مثلاً ابدئي بيوم كامل بدون كلام معاهم واملي الفراغ ده بحاجة مفيدة زي قراءة قرآن أو تعلم مهارة جديدة أو رياضة. تاني حاجة، ركزي على بناء علاقات مع بنات زيك، عشان تلاقي الدعم العاطفي من مصدر أنسب وأكثر أمانًا. كمان، اسألي نفسك: إيه اللي بيخليني أحتاج الكلام ده يوميًا؟ هل هو ملل، أو نقص ثقة، أو عادة؟ لما تفهمي السبب، هتقدري تعالجيه. جربي تكتبي يومياتك كل يوم عن إنجازاتك الصغيرة، ده هيساعدك تشوفي قوتك الداخلية. ولو حسيتي إن الموضوع بيأثر على دراستك أو مزاجك، ابحثي عن أسئلة مشابهة على فدني عشان تشوفي تجارب ناس تانيين وتاخدي أفكار إضافية. أنتِ قادرة تتغيري، وكل خطوة صغيرة هتقربك من الاستقلال العاطفي اللي بيخليكي أقوى. لو عايزة تتكلمي أكتر عن خطوات محددة، أنا هنا.
تم النشر السبت، ٢٩ أغسطس ٢٠٢٦
مفيش زر بنضغط عليه يعملنا اللى عايزينه .. الموضوع عايز قرار وتشغل وقتك بهواية تكون بديلة تعدى وقتك من غير فراغ
تم النشر السبت، ٢٩ أغسطس ٢٠٢٦
تدرسي وتتعلمى وتشغلى نفسك بأشياء مفيدة وتقرأى قرآن وتقربى لربنا وتحاولى تتكلمي مع بنت كويسه صاحبه ليكى ♥ وربنا هيسامحك ان شاء
تم النشر الأحد، ٣٠ أغسطس ٢٠٢٦
شوفي باستمرار محاضرات عن اليوم الآخر، الجنة والنار والحساب (دا علاج التعلق إن شاء الله، لأن مع الوقت قلبك هيتعلق بالآخرة أكتر) واتعلمي أساسيات الدين والصلاة والقرآن، واتعرفي على البنات الكويسة وقربي منهم........ كل حاجة بتيجي مع الوقت، عقلك بيتغير ونفسك بتتطور وتفكيرك بيتحسن، كله مع الوقت إن شاء الله.
تم النشر الأحد، ٣٠ أغسطس ٢٠٢٦
﴿وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا﴾ الآية دي بتخلي الواحد يعيط بجد🥲❤️🩹 ارجعي لطريق ربنا يقلبي ، ملكيش غيره ﴿قُلْ إِنَّ هُدَى اللَّهِ هُوَ الْهُدَىٰ﴾
تم النشر السبت، ٢٩ أغسطس ٢٠٢٦
تذكري انك بالنهايه لشاب واحد بس هو زوجك وان دول هسببولك وجع قلبك وذنوب عليكي وخلاص واسمعي سلسة علاء حامد كان بتكلم عن معوقات الطريق الي الله هتفيدك جامد
تم النشر الثلاثاء، ١ سبتمبر ٢٠٢٦
قرار داخلي او خارجي اي حاجه
تم النشر السبت، ٢٩ أغسطس ٢٠٢٦
لعرض السؤال في فدني اضغط هنا